YAKUB 1:26 - Rengah Jian

²⁶ Hun pu'un kelunan éh seruh iah kivu Tuhan mu'un bang sa'at ha' ané néh, pengelan néh seleket bé' pu'un ngan iah ngelavo' usah néh awah.

YAKUB 1:26 Iomraidhean Croise

MATIUS 15:9

Tuyah-tuyah awah réh seva' Akeu', uban réh bara' tong ha' tebaraa' éh jin kelunan awah pekua' barei' éh ha' Ké' mu'un, bang bé' éh ha' Ké', ha' Allah nah.

MARKUS 7:7

Ngelayoo' awah réh sebayang barei' seva' Akeu', petem keto réh nebaraa' kelunan kivu adet tepun réh sahau, pekua' barei' ha' ké' mu'un bang bé' éh ha' ké' ha' Allah.

LUKAS 8:18

La'ah uban néh kenat jian keh menéng ngan seruh mu'un, kelunan éh pu'un, inah ke' éh juk pepit kepéh, ngan kelunan éh bé' pu'un ineu'-ineu' bang iah ngioo' awah pu'un éh, éh kenioo' néh pu'un inah juk pega' kepéh jin iah, ha' Néh.

1 KORINTUS 15:15

Ha' lu' kenyo awah éh hun lu' bara' Allah pebetéé' Kristus jin patai Néh hun Néh bé' pebetéé' Éh, inah éh hun néh teneng ha' ka'ah bara' kelunan matai bé' omok betéé' kepéh.

1 KORINTUS 15:2

La'ah Rengah Jian inah bara' tong jalan ka'ah alaa' urip maréng, inah ha' tebaraa' éh benara' ké' ngan keh rai. Hun keh ngelan éh mu'un adang keh alaa' urip, inah éh hun pengelan keh rai bé' tuyah-tuyah awah.

1 KORINTUS 3:18

Mai jah usah ngelavo' usah néh. Hun pu'un jah usah éh seruh iah kelunan éh jam seruh, tekep iah paléu palui awah, boh éh omok alaa' pengejam mu'un kepéh.

GALATIA 2:6

Bang irah éh barei' pengeja'au, barang irah kenat mu'un péh, bé' ku' jam, uban bé' ku' pegunah kemaren kelunan awah, uban Allah bé' Iah ngevéléé' éh jian kunah kelunan awah. Irah pengeja'au inah, bé' réh pu'un bara' ineu'-ineu' éh maréng ngan ké'.

GALATIA 2:9

La'ah Yakub, Péterus, ngan Yohanes, éh pengeja'au réh, irah péh jam Allah pu'un mena' kereja' iteu' ngan ké'. Uban kenat réh teleu' petabi' ngan amo Barnabas tada' améé' pekua' kenin améé' béé pu'un bara' amo éh tai ngan réh teleu' éh tai ngan kelunan Yahudi.

GALATIA 3:4

Kineu', tuyah-tuyah awah kekat pengeketa keh hun keh ngelan rai? Kioo' ké' bé' éh tuyah-tuyah awah.

GALATIA 6:3

Uban hun jah usah seruh usah néh tengéé' jian jin kekat irah éh jah, éh mu'un néh bé' éh kenat, hun iah seruh éh pu'un jian kenat, inah iah ngelavo' usah néh awah.

ÉPESUS 4:29

Mai keh sa'at ha' ané, bang jian keh pané tong kekat éh omok ngegahang ngan ngereken kenin kelunan, dokoo' keh omok nolong irah éh menéng ha' keh inah.

ÉPESUS 5:4

Kenat péh bé' tekep keh tosok tong ha' éh segit éh mihin kelunan seruh ngan magat tong kekat éh sa'at éh bé' tekep. Bang inah éh tekep, jian keh bara' jian kenin ngan Allah.

KOLOSÉ 4:6

Jian kekat ha' ané keh ngelayau pu'un jian, éh mihin kenin kelunan keloo' menéng ha' keh, ngan jian keh seruh mipa siget-siget ha' réh éh neteng keh tong pengelan keh.

YAKUB 1:19

O kekat padéé' éh kemurung ké'! Jian siget usah pu'un rigah menéng, bang lieu' éh pané ngan lieu' éh merek.

YAKUB 1:22

Mai keh ngelavo' usah keh tengéé' ngan menéng ha' tebaraa' néh awah. Bang jian keh kivu pekua' ha' tebaraa' Néh.

YAKUB 2:20

O kelunan palui, kejam keh pengelan éh bé' pu'un penganeu' ineu'-ineu' nolong irah éh jah bé' pu'un gunah néh?

1 PÉTERUS 3:10

Barei' ha' lem surat Allah bara', ka' éh, Kelunan éh keloo' murip jian ngan ngida, mai éh pané ngesa'at kelunan, ngan mai éh kenyo.