YAKUB 1:25 - Rengah Jian

²⁵ Bang kelunan éh seruh mu'un tong kekat ha' tebaraa' Tuhan éh jian mu'un, tebaraa' inah néh éh ngelepu réh jin kesa'at réh, kelunan éh seruh tong néh mu'un ngan éh mihau éh, bé' éh barei' kelunan éh menéng éh metok awah tioo kelepan néh éh kepéh, bang kelunan éh pu'un kivu éh mu'un, Tuhan éh nolong éh dalem kekat penganeu' néh kepéh.

YAKUB 1:25 Iomraidhean Croise

LUKAS 11:28

Ha' Yésus mipa éh, Oo', mu'un éh kenat, bang pelapah murung kepéh irah éh menéng ha' Allah ngan kivu éh, ha' Néh.

YOHANES 13:17

Hun iteu' kejam keh éh kenat, hun keh pu'un kivu ngan maneu' éh kenat, boh keh pu'un murung mu'un.

YOHANES 8:36

Hun néh Anak Allah éh ngelepu keh, boh keh pelepu mu'un.

PENGANEU' LAWAH 13:43

Musit réh béé-béé, pinaa' kelunan Yahudi ngan kelunan éh tengéé' pohoo' éh ngabit sebayang réh, pu'un réh kivu Paulus ngan Barnabas. Pu'un roh pané ngan réh nyohoo' réh murip petem lem pengelan tong Tuhan éh pika réh.

PENGANEU' LAWAH 2:42

Pu'un réh mekat pekalai tong ha' tebaraa' éh benara' irah lawah nah, ngan pata pekua' kenin réh tong urip réh dalem Kristus, kenat péh irah pemung kuman ngan pekua' kenin, ngan pekua kenin réh sebayang.

PENGANEU' LAWAH 26:22

Bang avéé' dau iteu' Allah éh pu'un nolong akeu', kenat péh akeu' nekedéng tong jumen ka'ah béé siteu' ngan bara' tong pengelan ké', kenat péh ngan kelunan éh maren ngan irah éh awah péh. La'ah kekat ha' éh benara' ké' iteu', bé' éh tengéé' jin éh benara' irah nabi sahau, ngan éh benara' Musa tong kekat éh juk pu'un temurei'.

SURAT PAULUS NGAN SIDANG RUM 11:22

Kenat péh jalan lu' jam tong penika Allah ngan tong kemahéng kenin Néh kepéh. Tong kelunan éh bé' ngepelum éh nega' Néh inah, pu'un Iah mahéng kenin, bang pu'un Iah pika ka'ah, inah éh hun keh petem dalem penika Néh. Bang hun keh bé' petem dalem penika Néh, ka'ah péh nega' Néh kepéh.

SURAT PAULUS NGAN SIDANG RUM 2:13

Bé' kelunan omok jian kepéh ngan Allah hun réh menéng éh awah tong kekat ha' lem Surat Musa. Bang hun réh pu'un kivu kekat sohoo' lem surat inah, boh irah pu'un jian kepéh tong jumen Néh.

SURAT PAULUS NGAN SIDANG RUM 7:12

La'ah kekat sohoo' lem Surat Musa pu'un éh nena' Allah, ngan kekat ha' éh meta' lu' maneu' sa'at, inah kepéh nena' Allah, ngan teneng éh ngan jian éh.

SURAT PAULUS NGAN SIDANG RUM 8:15

Uban Sahéé' Ni'ai éh nena' Tuhan ngan keh, bé' éh ngeripen keh ke' Néh ngedai keh, bang pu'un Iah maneu' keh anak Tuhan Allah mu'un. Naneu' penyukat Sahéé', inah jalan uleu' omok mateng Allah, Amam O Amam!

SURAT PAULUS NGAN SIDANG RUM 8:2

Uban Sahéé' Ni'ai éh pu'un mihin lu' murip petem dalem Yésus Kristus, pu'un éh ngelepu lu' jin penyukat penyala' éh mihin kelunan matai.

1 KORINTUS 15:58

O kekat padéé' éh penika ké', uban néh kenat jian keh petem reken, mai kejeraa' ineu'-ineu' ngelemoo' keh. Jian keh ngelayau mekat maneu' kereja' Tuhan, uban ka'ah jam kekat kereja' keh ngan Tuhan pu'un gunah mu'un.

2 KORINTUS 13:5

Jian keh seruh mu'un tong kekat barék keh dokoo' keh jam hun keh pu'un murip pekua' urip kelunan éh ngelan ngan hun néh bé' péh. Kineu', bé' keh jam Yésus Kristus pu'un dalem ka'ah, inah éh hun keh kelunan éh ngelan Tuhan mu'un.

GALATIA 2:4

Na' péh pu'un jelua' keloo' éh kenat, irah inah kelunan éh selim masek ngan améé' ngan ngelayoo' awah pepadéé' dalem Tuhan, irah pu'un tuai dokoo' réh omok ngedalem uban ineu' améé' bé' pu'un kivu kekat-kekat adet réh, ngan naneu' ineu' améé' pu'un pemung ngan Kristus. Irah maneu' kenat ke' réh juk ngeripen mé' tong adet réh kepéh.

GALATIA 5:1

La'ah uleu' lepah piso jin kekat sohoo' lem Surat Musa uban Kristus éh pepiso lu'. Uban néh kenat, jian keh nekedéng petem, mai keh moléé' kivu inah kepéh.

GALATIA 6:2

Tekep keh nolong kelunan éh jah lem penusah néh, kenat jalan keh kivu sohoo' Kristus.

KOLOSÉ 1:23

Bang jian keh tigéh ngan reken mu'un lem pengelan keh, mai keh kejeraa' ineu'-ineu' ngusii' ngan mega' keh jin pengelan keh tong Rengah Jian éh lepah nenéng keh. La'ah uban Rengah Jian iteu' akeu' Paulus pu'un maneu' kereja' ngan Tuhan, ngan Rengah Jian iteu' benara' kelunan ngan kekat irah pah tipo tana'.

1 TIMOTIUS 2:15

Bang redo omok alaa' urip neu' pu'un anak, inah éh hun néh pu'un petem dalem pengelan néh, ngan pika ngan kekat éh ni'ai ngan jam seruh.

1 TIMOTIUS 4:16

Mavaa' kenin ko' ngan mavaa' ha' tebaraa' ko' kepéh. Jian ke' petem maneu' éh, uban kenat péh jalan ko' omok purip kenin ko' ngan purip irah éh menéng ha' ko' kepéh.

IBRANI 12:15

Mavaa' keh dai pu'un kelunan bet Allah éh na' penika Néh ngan lu'. Mai pu'un séé'-séé' péh éh barei' pulah éh petuh, éh maneu' pinaa' penusah ngan éh ngesa'at kelunan palaa' katah néh.

YAKUB 2:12

Jian keh pané ngan jian keh maneu' kekat barék keh pekua' barei' kelunan éh jam Allah juk petuneng réh neu' kekat ha' tebaraa' Néh éh omok ngelepu réh.

1 PÉTERUS 2:16

Jian keh murip barei' kelunan éh pohoo' pelepu, na' péh kenat mai keh pakai pengelepu keh inah dokoo' petavun pengesa'at, Bang jian keh murip barei' kelunan éh kivu sohoo' Allah.

1 YOHANES 2:24

Uban néh kenat, ha' tebaraa' éh nenéng keh jin bu'un-bu'un keh ngelan tong Kristus tekep nodoo' keh dalem kenin keh. Hun keh petem dalem ha' tebaraa' inah. Adang ka'ah ngelayau murip pemung ngan Anak Néh ngan Tamen Néh péh.

ÉH POLÉNG 14:13

La'ah nenéng ké' jah ha' jin seruga éh bara', Jian ke' nyurat ha' ké' iteu', Jin la'o iteu' murung kenin kelunan éh matai lem réh maneu' kereja' Tuhan, ha' néh. Ka' ha' Sahéé' Ni'ai mipa éh, Mu'un, adang réh murung, uban réh ma'o jin kereja' réh bahat, kekat penganeu' réh pu'un oléé' ngan réh kepéh, ha' néh.

ÉH POLÉNG 22:14

La'ah murung kenin irah éh poo' pakai réh ngan maneu' éh ni'ai. Irah omok kuman buaa' kayeu' éh mena' urip ngan kelunan, ngan omok masek lem leboo' inah jin usit néh.