YAKUB 1:22 - Rengah Jian

²² Mai keh ngelavo' usah keh tengéé' ngan menéng ha' tebaraa' néh awah. Bang jian keh kivu pekua' ha' tebaraa' Néh.

YAKUB 1:22 Iomraidhean Croise

MATIUS 12:50

uban séé'-séé' éh kivu pengeloo' Tamen Ké' tong seruga, kelunan inah éh padéé' Ké' jian péh éh lakei' ngan jian péh éh padéé' Ké' redo kenat péh éh tinen Ké', ha' Yésus ngan réh.

MATIUS 28:20

Jian keh nebaraa' réh kivu kekat sohoo' Ké' ngan keh. Nesen keh, Adang Akeu' ngelayau pu'un ngan keh pah avéé' ga' tana' ha' Néh.

LUKAS 11:28

Ha' Yésus mipa éh, Oo', mu'un éh kenat, bang pelapah murung kepéh irah éh menéng ha' Allah ngan kivu éh, ha' Néh.

YOHANES 13:17

Hun iteu' kejam keh éh kenat, hun keh pu'un kivu ngan maneu' éh kenat, boh keh pu'un murung mu'un.

SURAT PAULUS NGAN SIDANG RUM 2:13

Bé' kelunan omok jian kepéh ngan Allah hun réh menéng éh awah tong kekat ha' lem Surat Musa. Bang hun réh pu'un kivu kekat sohoo' lem surat inah, boh irah pu'un jian kepéh tong jumen Néh.

1 KORINTUS 15:33

Mai keh tawang. Hun keh pebakéh ngan kelunan éh sa'at barék, adang barék keh sa'at kepéh.

1 KORINTUS 3:18

Mai jah usah ngelavo' usah néh. Hun pu'un jah usah éh seruh iah kelunan éh jam seruh, tekep iah paléu palui awah, boh éh omok alaa' pengejam mu'un kepéh.

1 KORINTUS 6:9

Adang keh jam kelunan éh sa'at barék bé' omok tai tong nihau Allah. Mai keh tawang, kelunan éh sa'at barék ngan petuyang, ngan kelunan éh pakai butun, ngan lakei' éh petuyang ngan lakei',

GALATIA 6:3

Uban hun jah usah seruh usah néh tengéé' jian jin kekat irah éh jah, éh mu'un néh bé' éh kenat, hun iah seruh éh pu'un jian kenat, inah iah ngelavo' usah néh awah.

GALATIA 6:7

Mai keh ngelavo' usah keh tengéé'. Mai keh seruh Allah bé' jam ineu'-ineu' éh penganeu' keh. Barei' éh nulah kelunan kenat ke' éh najau néh kepéh.

PILIPI 4:8

O kekat padéé' ké', tong pengega' ha' ké', jian keh ngelayau seruh tong kekat-kekat éh teneng ngan éh tekep kenajung kelunan, inah éh, tong kekat éh teneng ngan jian, éh tekep naneu' kelunan. Jian keh seruh tong kekat éh ni'ai, tong kekat éh mihin keh jam pika, ngan éh omok kenajung lu'.

KOLOSÉ 3:17

Kekat ineu'-ineu' éh naneu' keh Kenat péh éh nané keh, jian keh maneu' éh dalem ngaran Tuhan Yésus, ngan bara' jian kenin ngan Allah Tamen, tong ineu' éh naneu' Tuhan Yésus ngan keh.

2 TIMOTIUS 3:13

Kelunan sa'at ngan éh ngelavo' adang makin sa'at kepéh, Irah ngelavo' kelunan éh jah, semu'un néh irah tengéé' péh pu'un kelavo'.

TITUS 3:3

Uban hun bu'un rai uleu' béé kelunan éh suwok kenin, éh bé' kivu sohoo', ngan tawang awah. Uleu' pu'un keripen kekat pengagat sa'at ngan pengekelih, urip lu' penoo' neu' akam ngeleko kelunan ngan nyonoh ngan uleu' murip pata pekeleko.

YAKUB 1:26

Hun pu'un kelunan éh seruh iah kivu Tuhan mu'un bang sa'at ha' ané néh, pengelan néh seleket bé' pu'un ngan iah ngelavo' usah néh awah.

YAKUB 4:11

O kekat padéé' ké', mai keh pané pesala' jah usah ngan jah usah. Séé'-séé' éh pané pesala' padéé' néh ngan nyelem petuneng barék padéé' néh ngan irah éh jah, inah seleket réh bara' ha' lem Surat Musa sala'. Hun keh pesala' Surat Musa, bé' keh kelunan éh ngerera' kenin ngan kivu éh, bang kelunan éh pesala' éh awah keh.

YAKUB 4:17

Uban kenat, séé'-séé' éh jam maneu' jian bang bé' éh maneu' éh, kivu éh tekep naneu' néh, kelunan inah penyala'.

2 PÉTERUS 2:13

Neu' réh petusah kenin kelunan éh jah, adang irah tengéé' péh teneng tusah kepéh. Kenat péh bé' réh jam menyaa', hun dau rema murung kenin réh kivu kekat pengagat usah réh. Tovoo' réh pu'un kuman pemung ngan keh, barék réh omok pekenyaa' mu'un. Irah murung kenin uban réh omok ngelavo' keh.

1 YOHANES 1:8

Hun lu' bara' Uleu' bé' pu'un penyala', inah uleu' ngelavo' Usah lu' tengéé'; ngan bé' pu'un ineu'-ineu' éh teneng dalem lu'.

1 YOHANES 2:3

Telana' lu' jam Allah inah éh hun lu' kivu kekat sohoo' Néh.

1 YOHANES 3:7

O kekat anak ké', mai keh lavo', kelunan éh kivu pengeloo' Tuhan iah éh anak Allah barei' Kristus.

3 YOHANES 1:11

Bakéh éh kemurung ké' mai ke' nyavuu' barék éh sa'at, tekep ke' nyavuu' barék éh jian. Séé'-séé' éh maneu' jian, iah éh anak Allah ngan séé'-séé' éh maneu' sa'at, bé' jak iah jam Allah.

ÉH POLÉNG 12:9

Berungan ja'au nah nebet jin seruga. Inah éh torok éh sahau éh ngaran néh Iblis ngan Sitan, éh ngelavo' kekat kelunan pah tipo tana'. Iah pu'un nebet tai tana' pemung ngan kekat meliket néh.

ÉH POLÉNG 22:7

La'ah ka' ha' Yésus, Menéng ke'. Akeu' juk tuai laho. Murung kenin kekat irah éh kivu kekat ha' lem surat iteu' éh bara' tong kekat éh juk avéé' kepéh, ha' Néh.