YAKUB 1:21 - Rengah Jian

²¹ Uban néh kenat jian keh bet kekat kemalai ngan barék éh sa'at. Ngerera' kenin tong Allah ngan alaa' ha' tebaraa' éh nulah Néh dalem kenin keh, uban ha' tebaraa' inah omok purip keh.

YAKUB 1:21 Iomraidhean Croise

MATIUS 5:5

Murung kenin kekat kelunan éh diva' kenin, omok réh alaa' éh pejajii' Allah.

YOHANES 6:63

Sahéé' Ni'ai awah omok purip kelunan, usah kelunan bé' éh omok kenat, kekat ha' éh benara' Ké' ngan keh, inah éh jin Sahéé' Ni'ai ngan omok Éh purip kelunan.

YOHANES 6:68

Ka' ha' Simon Péterus mipa Éh, O Tuhan, séé' ke' mé' omok tavin la'ah da', Ka'au awah Éh pu'un ha' tebaraa' éh omok purip kelunan ke' réh omok murip pelinguh.

PENGANEU' LAWAH 10:33

Inah akeu' nyohoo' kelunan tai tebai ke', jian éh uban ko' pu'un tuai. Hun iteu' pu'un améé' petipun siteu' tong ta'an Allah ke' mé' juk menéng kekat ha' éh sohoo' Tuhan benara' ko' ngan mé', ha' néh.

PENGANEU' LAWAH 13:26

Ka' ha' Paulus kepéh, O kekat tamen ngan kekat padéé' éh anak-ayam Abraham, ngan kekat kelunan éh tengéé' pohoo' péh éh pu'un seva' Allah, rengah tong jalan lu' omok alaa' urip, pu'un éh lepah avéé' tong kekat uleu' béé.

SURAT PAULUS NGAN SIDANG RUM 1:16

La'ah bé' akeu' menyaa' bara' Rengah Jian iteu', uban Rengah Jian iteu' inah éh penyukat Allah ke' Néh purip kekat kelunan éh ngelan tong Yésus, kenat péh irah Yahudi, kenat péh irah éh tengéé' pohoo'.

SURAT PAULUS NGAN SIDANG RUM 11:17

Pu'un jelua' paka' éh lepah nega' jin inan saitun éh murip nulah, ngan paka' saitun éh murip bé' nulah pepetok kepéh tong inan éh nulah. La'ah ka'ah kelunan éh tengéé' pohoo' ka'ah la'ah barei' paka' saitun éh pepetok tong inan saitun éh nulah nah. Uban hun iteu' nah omok lah ka'ah alaa' urip pekua' irah Yahudi.

SURAT PAULUS NGAN SIDANG RUM 6:17

Bang mejing ngaran Allah uban na' péh lepah rai pu'un keh keripen penyala' bang hun iteu' kepéh pu'un keh kivu mu'un kekat jalan éh teneng éh pekua' barei' ha' tebaraa' éh benara' réh ngan keh rai.

1 KORINTUS 15:2

La'ah Rengah Jian inah bara' tong jalan ka'ah alaa' urip maréng, inah ha' tebaraa' éh benara' ké' ngan keh rai. Hun keh ngelan éh mu'un adang keh alaa' urip, inah éh hun pengelan keh rai bé' tuyah-tuyah awah.

2 KORINTUS 7:1

Kekat bakéh ké', kekat ha' jajii' Néh inah, pu'un éh ngan uleu', uban néh pu'un ngan uleu' kenat, jian uleu' peti'ai kenin lu' jin kekat ineu'-ineu' éh omok maneu' usah ngan kenin lu' sa'at, jian uleu' ni'ai mu'un ngan murip ngan medai maneu' ineu'-ineu' éh sa'at éh omok ngesa'at ngaran Allah.

ÉPESUS 1:13

Kenat éh ngan ka'ah kepéh, hun keh menéng ha' tebaraa' éh teneng, inah éh Rengah Jian éh jalan keh alaa' urip maréng, hun keh menéng éh pu'un keh ngelan tong Kristus, uban Allah nelana' ka'ah éh anah nah, inah éh Iah mena' Sahéé' Ni'ai ngan keh éh lepah pejajii' Néh.

ÉPESUS 4:22

Uban néh kenat jian keh piso jin gaya' pengurip keh éh sahau, tovoo' kelunan bé' jak ngelan tong Tuhan, uban kekat gaya' pengurip keh inah ngelavo' keh awah.

ÉPESUS 4:25

Uban néh kenat mai la'ah keh pané kenyo, jian siget-siget usah pané mu'un ngan padéé' néh, uban uleu' béé pu'un pepadéé' dalem Kristus.

ÉPESUS 5:4

Kenat péh bé' tekep keh tosok tong ha' éh segit éh mihin kelunan seruh ngan magat tong kekat éh sa'at éh bé' tekep. Bang inah éh tekep, jian keh bara' jian kenin ngan Allah.

1 TESALONIKA 1:5

Uban Rengah Jian éh benara' mé' ngan keh rai, bé' améé' bara' éh pekua' ha' tosok éh kemalai kelunan awah, bang pu'un éh neu' penyukat Sahéé' Ni'ai, pah avéé' ka'ah péh jam kekat éh benara' mé' inah pu'un éh teneng mu'un. La'ah ka'ah jam tong pengurip améé' hun mé' pu'un mokoo' ngan ka'ah rai, pu'un urip mé' kenat uban mé' nolong ka'ah.

1 TESALONIKA 2:13

La'ah jah jalan kepéh améé' ngelayau bara' jian kenin ngan Allah. Uban hun mé' tuai bara' ha' tebaraa' Allah ngan keh rai, pelapah ka'ah alaa' ha' tebaraa' mé', bé' ka'ah seruh éh barei' ha' éh jin kelunan awah, ka'ah jam éh matek ha' Allah mu'un. Teneng kenin keh seruh éh kenat. Uban Allah ngelayau kereja' lem kenin ka'ah éh ngelan.

TITUS 2:11

Uban pu'un Allah pepoléng penika Néh dokoo' Néh omok purip kekat kelunan.

IBRANI 12:1

La'ah uban pu'un kelunan pinaa' nah éh tutuh lu' éh omok nelana' bara' tong pengelan réh tong Allah, jian uleu' bet kekat éh nebii' lu' éh bahat ngan bet kekat penyala' éh maneu' lu' tekaleu' ngan saveng, dokoo' lu' omok petakéé' nekedeu' mu'un-mu'un mapun éh saa' tenah lu'.

IBRANI 2:3

Bé' pu'un jalan lu' omok kelap hun lu' ngelapah awah tong penika Tuhan éh juk purip lu', adang lu' teneng ukum Néh. Uban Tuhan tengéé' éh bu'un-bu'un bara' tong jalan Néh juk purip lu', ngan irah éh pu'un menéng éh pu'un bara' éh ngan uleu' kepéh ngan pekelenaa' éh ngan lu' adang Tuhan juk purip kelunan.

IBRANI 4:2

Uban pu'un lu' lepah menéng Rengah Jian éh benara' ngan lu', barei' irah éh kivu Musa nah. Irah menéng ha' inah, bang Rengah inah bé' pu'un gunah tong réh, uban tovoo' réh menéng éh bé' irah ngelan tong jajii' Allah inah.

YAKUB 4:8

Jian keh tuai tepih déhéé' Allah, boh Iah tepih déhéé' ko' kepéh. Ngeni'ai kekat urip keh kekat kelunan éh penyala'. Mohéé' kenin keh, kekat kelunan éh ngelayoo' kivu Tuhan.

YAKUB 5:20

Jian keh nesen ayat iteu'; séé'-séé' éh mihin kelunan penyala' nelikut kekat kesa'at néh, kelunan inah purip sahéé' kelunan éh penyala' inah jin pematai ngan penyala' néh lepah pega'.

1 PÉTERUS 1:22

Uban ka'ah kivu ha' tebaraa' éh teneng jin Allah, ka'ah pu'un ni'ai ngan ka'ah murung padéé' keh dalem Tuhan ngan semu'un kenin. Uban kenat jian keh kua' pepika ngan kekat kenin keh.

1 PÉTERUS 1:9

Éh ke' néh kenat uban Iah lepah purip sahéé' keh, inah sin pengelan keh tong Kristus.

1 PÉTERUS 2:1

Uban kenat, Jian ka'ah bet kekat arong pengesa'at jin usah keh. Mai keh pané' kenyo la'ah, mai keh ngelayoo' maneu' jian, mai keh sakit kenin ngan kelunan ngan mai keh ngesa'at ngaran réh.

1 PÉTERUS 2:11

O kekat bakéh ké', ka'ah barei' kelunan nyakai ngan kelunan tejeu' tong tana' iteu'. Uban kenat akeu' nyohoo' ka'ah dokoo' mai keh kivu kemagat éh sa'at lem kenin kelunan, éh ngelayau pekayau ngan sahéé'.