YAKUB 1:18 - Rengah Jian

¹⁸ Kivu pengeloo' Néh tengéé' Iah suai uleu' neu' ha' tebaraa' Néh éh teneng. Inah maneu' uleu' omok barei' buaa' éh tenah jin kekat-kekat éh senuai Néh.

YAKUB 1:18 Iomraidhean Croise

YOHANES 1:13

Bé' réh omok anak Allah neu' ineu'-ineu' éh neu' kelunan tong tana', bé' réh omok anak Allah barei' jah anak neu' tamen néh tong tana' iteu'. Allah éh maneu' réh anak Néh.

SURAT PAULUS NGAN SIDANG RUM 4:17

Kenat sin tong ha' lem surat Allah éh benara' Allah ngan Abraham, ka' éh, Pu'un Ku' maneu' ke' tepun kekat arong kelunan, ha' Néh. Jajii' inah pu'un petem ngan Abraham uban pengelan Abraham tong Allah. Allah inah, Allah éh omok purip kekat kelunan éh matai ngan Iah ke' éh Allah éh neu' ha' Néh awah, kekat éh bé' jak pu'un pesuai omok pesuai kepéh.

1 KORINTUS 4:15

Uban na' péh ka'ah pu'un ibu-ibu guru éh nebaraa' keh tong urip keh dalem Kristus, bé' tamen keh pinaa'. Uban dalem Kristus Yésus akeu' éh tamen keh, uban akeu' éh bu'un bara' Rengah Jian ngan keh.

2 KORINTUS 6:7

Inah kepéh neu' ha' tebaraa' éh benara' mé' éh teneng, ngan neu' penyukat Allah, inah éh pekelenaa' améé' éh kelunan sohoo' Tuhan. Kekat éh teneng, inah éh lajam mé' ke' mé' omok ngelawan kekat kesa'at ngan mihau usah mé' kepéh.

ÉPESUS 1:12

Uban néh kenat, jian urip améé' éh bu'un-bu'un ngelan tong Kristus, pepoléng pengaren Allah.

ÉPESUS 1:13

Kenat éh ngan ka'ah kepéh, hun keh menéng ha' tebaraa' éh teneng, inah éh Rengah Jian éh jalan keh alaa' urip maréng, hun keh menéng éh pu'un keh ngelan tong Kristus, uban Allah nelana' ka'ah éh anah nah, inah éh Iah mena' Sahéé' Ni'ai ngan keh éh lepah pejajii' Néh.

2 TIMOTIUS 2:15

Jian ke' mekat pitah jalan éh dokoo' Tuhan omok bara' ke' pu'un jian, barei' kelunan éh bé' menyaa' tong kekat penganeu' néh. Jian ke' bara' ha' tebaraa' éh teneng jin Allah ngan teneng mu'un.

YAKUB 1:15

Boh kekat kemagat néh inah tai pepit-pepit avéé' néh mihin éh maneu' penyala', penyala' inah kepéh pepit-pepit avéé' pengega' néh mihin éh matai.

YAKUB 1:21

Uban néh kenat jian keh bet kekat kemalai ngan barék éh sa'at. Ngerera' kenin tong Allah ngan alaa' ha' tebaraa' éh nulah Néh dalem kenin keh, uban ha' tebaraa' inah omok purip keh.

YAKUB 3:14

Bang hun keh sakit kenin ngan seruh tong usah keh tengéé', mai keh ngelapah tong ha' tebaraa' éh teneng jin Allah ngan bau kenin seruh keh pu'un pengejam.

1 PÉTERUS 1:23

Naneu' ha' tebaraa' Allah éh murip ngan pelinguh. Ka'ah lepah kenanak maréng, bé' éh jin kelunan bang jin tamen keh éh pelinguh.

1 PÉTERUS 1:3

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.

1 YOHANES 3:9

Séé'-séé' éh paléu anak Allah, bé' éh petem maneu' penyala', uban urip Allah pu'un éh dalem néh, Allah éh Tamen néh kepéh, bé' éh omok petem maneu' penyala'.

ÉH POLÉNG 14:4

Irah bé' pemung pegen ngan redo, ke' réh mihau usah réh ni'ai. Irah kivu Anak Domba semah awah éh tai. Jin belah kekat kelunan, irah inah éh lepah alaa' urip jin Allah. Irah anah Allah ngan Anak Domba inah. Uban irah néh éh barei' ajau éh bu'un-bu'un éh nena' ngan Allah.