YAKUB 1:17 - Rengah Jian

¹⁷ Kekat ineu'-ineu' éh jian ngan éh sukup mu'un inah éh tuai jin seruga jin Allah éh suai kekat éh rema tong Langit. Iah Allah éh bé' pu'un paléu, ngan bé' pu'un ngelihep ineu'-ineu' péh.

YAKUB 1:17 Iomraidhean Croise

MATIUS 7:11

Na' péh ka'ah kelunan éh sa'at awah, jam keh mena' kekat éh jian ngan anak keh, makin péh Tamen keh tong seruga, adang Iah mena' kekat éh jian ngan kelunan éh menyat jin Iah, ha' néh.

LUKAS 11:13

Hun ka'ah kelunan éh sa'at awah jam mena' kekat éh jian ngan anak keh, makin péh Tamen keh éh tong seruga, adang Iah omok mena' Sahéé' Ni'ai ngan kelunan éh menyat ngan Néh, ha' Néh ngan irah éh bakéh Néh.

YOHANES 1:9

Rema inah, inah éh rema mu'un, pu'un éh tuai tong tana' iteu' ke' Néh perema kepéh tong kekat-kekat kelunan.

YOHANES 3:27

Ka' ha' Yohanes mipa réh, Bé' pu'un jah usah péh éh omok alaa' ineu'-ineu' hun Allah bé' mena' éh ngan néh.

YOHANES 3:3

Ka' ha' Yésus mipa éh, Akeu' bara' mu'un ngan ko', hun kelunan bé' murip maréng kepéh, bé' Allah omok Pengeja'au néh ngan mihau éh, ha' Néh.

YOHANES 8:12

Ka' ha' Yésus ngan réh kepéh, Akeu' iteu' rema tana' iteu', séé'-séé' éh kivu Akeu' bé' éh lakau dalem merem, adang néh pu'un rema jin Akeu' éh purip réh, ha' Néh.

PENGANEU' LAWAH 11:18

Hun réh jam éh kenat, bé' réh maneu' éh kepéh, bang pu'un réh mejing Allah, ka' ha' réh, Hun néh kenat adang Allah maneu' jalan ngan kelunan éh tengéé' pohoo' péh ke' réh piso jin kesa'at réh ngan alaa' urip éh maréng, ha' réh.

PENGANEU' LAWAH 5:31

Allah pu'un metéé' Éh saa' na'au' Néh ngan maneu' Éh Raja' ke' Néh omok purip kelunan dokoo' Néh maneu' jalan ngan pohoo' kelunan Yahudi ke' réh ngepaléu kenin réh ngan penyala' réh omok pega'.

SURAT PAULUS NGAN SIDANG RUM 6:23

Kelunan éh maneu' penyala' pu'un oléé' néh kepéh, inah éh matai, bang pengena' Allah, inah éh urip pelinguh, pemung ngan Kristus Yésus éh Tuhan lu'.

1 KORINTUS 4:7

Séé' maneu' keh pelapah jian jin irah éh jah? Kineu', bé' éh Tuhan éh mena' kekat-kekat pengena' lem kenin keh kei? Hun néh kenat uban ineu' keh bau kenin ngajung usah keh, barei' keh seruh bé' éh pengena' Tuhan?

2 KORINTUS 4:6

Uban Allah éh lepah bara', Jian rema ngada jin merem, Iah ke' éh ngada dalem kenin uleu' kepéh, dokoo' Néh mihin lu' tong rema neu' pengejam lu' tong pengaren Allah éh pepoléng Néh ngan lu' neu' Kristus.

ÉPESUS 1:18

Akeu' sebayang menyat éh pepekang maten kenin keh dokoo' keh omok nesen tong pengeloo' kenin Néh tovoo' Néh tebai keh rai. Pengeloo' kenin Néh nah bé' éh terah urip lu' hun iteu' awah, bang avéé' vam kepéh. Hun keh nesen éh adang keh nesen kepéh tong kejian pengena' Néh éh pejajii' Néh ngan irah éh anah nah.

ÉPESUS 2:8

Uban naneu' penika Allah awah ka'ah pu'un pelepu jin ukum penyala', neu' pengelan keh tong Iah. Bé' éh neu' ineu'-ineu' penganeu' keh, bang neu' pengena' Allah ngan keh awah.

PILIPI 1:29

Jian keh murung kenin uban neu' penika Kristus Iah mihin keh ngelan tong Iah, bang bé' makat ngelan kenat awah, bang inah kepéh Iah mihin keh jam keta pemung ngan Néh.

1 TIMOTIUS 6:16

Iah awah éh murip pelinguh-linguh. Iah murip lem rema éh bé' omok tenavin kelunan séé' séé' péh. Bé' pu'un kelunan na'at Éh kenat péh bé' Éh omok ta'an kelunan. Tekep Iah ngelayau seneva' ngan Iah pu'un penyukat pelinguh-linguh'. Amin.

IBRANI 13:8

Yésus Kristus pu'un pekua' hun sahau, hun iteu' ngan avéé' kelebéé'-lebéé' néh.

YAKUB 1:5

Hun pu'un séé'-séé' jin belah ka'ah éh bé' pu'un pengejam, jian iah sebayang ngan Allah dokoo' Allah mena' pengejam seruh ngan néh; uban Allah mena' éh ngan lumang kenin ngan murung kenin ngan siget kelunan.

YAKUB 3:15

Pengejam éh kenat bé' éh tuai jin seruga, bang jin tana' awah jin barék kelunan éh penyala' ngan jin sahéé' éh sa'at!

YAKUB 3:17

Bang kelunan éh pu'un pengejam éh tuai jin seruga pu'un éh mihin kelunan murip ni'ai, pawah, dawai kenin, ngan jian pengané. Irah pu'un pika kelunan ngan kivu kekat arong penganeu' éh jian bé' réh netah ngan ngelayoo' awah maneu' jian.

1 YOHANES 1:5

La'ah iteu', néh rengah éh lepah nenéng mé' jin Anak Néh ngan éh benara' mé' ngan keh: Allah Iah éh rema ngan bé' pu'un merem ineu'-ineu' tong Néh.

1 YOHANES 4:10

Inah éh matek penika mu'un, bé' éh uleu' éh pika Allah, bang Allah éh pika uleu' ngan Iah nyohoo' Anak Néh tuai ke' Néh mega' penyala' lu'.

ÉH POLÉNG 21:23

La'ah bé' pu'un maten dau ngan laséh tong leboo' inah, uban pengaren Allah éh perema tong leboo' inah ngan Anak Domba éh pelita' néh.

ÉH POLÉNG 22:5

Bé' pu'un merem kepéh, bé' tiken pelita' ngan ada maten dau, uban Tuhan Allah tengéé' éh perema réh. Irah omok raja' pemung ngan Néh pelinguh-linguh.