YAKUB 1:16 - Rengah Jian

¹⁶ O kekat padéé' ké', mai keh lavo' neu' penyala'.

YAKUB 1:16 Iomraidhean Croise

MATIUS 22:29

Ha' Yésus mipa réh, Sala' penyeruh keh, uban keh bé' jam Sin tong ha' lem surat Allah ngan bé' keh jam tong Penyukat Allah.

MARKUS 12:24

Ka' ha' Yésus mipa réh, Sala' mu'un penyeruh ka'ah, kejam keh uban ineu'? Ka'ah bé' jam sin tong ha' lem surat Allah ngan bé' jam penyukat Allah, ha' Néh.

MARKUS 12:27

Uban néh kenat, Iah Allah kelunan éh murip bé' éh Allah kelunan éh lepah matai, sala' mu'un penyeruh keh kenat, ha' Néh.

PENGANEU' LAWAH 1:15

Ngioo' duah teleu' dau la'o inah kepéh, irah éh ngelan petipun kepéh, kekat réh ngioo' jah ato duah poloo' usah, boh Péterus nekedéng ke' néh pané ngan réh, ka' ha' néh,

1 KORINTUS 6:9

Adang keh jam kelunan éh sa'at barék bé' omok tai tong nihau Allah. Mai keh tawang, kelunan éh sa'at barék ngan petuyang, ngan kelunan éh pakai butun, ngan lakei' éh petuyang ngan lakei',

GALATIA 6:7

Mai keh ngelavo' usah keh tengéé'. Mai keh seruh Allah bé' jam ineu'-ineu' éh penganeu' keh. Barei' éh nulah kelunan kenat ke' éh najau néh kepéh.

PILIPI 2:12

O kekat bakéh ké' éh penika ké', hun néh kenat barei' keh ngelayau kivu sohoo' ké' hun ké' pu'un pemung ngan keh rai, na' péh ku' juu' jin ka'ah, tekep keh kivu éh kepéh. Jian keh murip barei' kelunan éh lepah alaa' urip maréng, éh medai ngan leko tong kekat kesa'at.

PILIPI 4:1

O kekat padéé' ké' éh penika ké' ngan éh tenawai ké', tong ka'ah iteu' akeu' murung kenin, jian kenin ké' seruh tong keh. O kekat padéé' uban néh kenat tong kekat jalan iteu' jian ka'ah nekedéng petem dalem Tuhan.

KOLOSÉ 2:4

Akeu' bara' kenat dai séé'-séé' péh petawang keh neu' néh pané menat-menat kenin keh.

KOLOSÉ 2:8

Mavaa' keh jian-jian dai kelunan mejeu keh neu' kuraa'-kuraa' arong ha' tebaraa' éh sala', éh kenyo ngan ngelavo' keh awah. Tebaraa' inah bé' éh jin Kristus bang jin kenin kelunan awah kenat péh tebaraa' inah jin pengejam utek néh awah, bé' éh jin penyukat Tuhan.

2 TIMOTIUS 2:18

Pu'un réh netat jin ha' tebaraa' éh teneng, ngan hun iteu' irah mihin kuraa' kelunan petat jin pengelan réh tong Kristus. Uban réh bara', pengebetéé kelunan jin pematai lepah pu'un tenéh.

IBRANI 13:1

Barei' keh pu'un pika pepika, jian keh petem maneu' kenat barei' éh tekep ngan kelunan éh pepadéé' dalem Tuhan.

YAKUB 1:19

O kekat padéé' éh kemurung ké'! Jian siget usah pu'un rigah menéng, bang lieu' éh pané ngan lieu' éh merek.

YAKUB 1:2

O kekat padéé' ké', hun keh teneng neu' pinaa' arong penyilam jian keh jian kenin.

YAKUB 2:1

O kekat padéé' ké', uban keh ngelan tong Tuhan Yésus Kristus, Tuhan lu' éh Maren, mai keh tengéé' kenin ngan netah kenin tong kelunan uban pu'un jelua' kaya' ngan pu'un jelua' kari.

YAKUB 2:14

O kekat padéé' ké' bé' pu'un gunah néh hun jah kelunan Kristén bara' Akeu' ngelan tong Tuhan ha' hun penganeu' néh bé' pekua' ngan pengelan néh inah. Pengelan éh kenat bé'omok purip éh.

YAKUB 2:5

Nesen keh, padéé'-padéé' éh kemurung ké'! Allah lepah ngevéléé' kelunan éh kari tong tana' iteu' dokoo' réh omok kaya' dalem pengelan. Irah juk tai lem Pengihau Allah barei' éh lepah pejajii' Néh ngan irah éh pika Iah.

YAKUB 3:1

O kekat padéé' ké'! Semu'un néh kuraa' usah awah jin belah ka'ah nengayet ke' néh omok nebaraa'. Ka'ah jam tong uleu' éh nebaraa' adang lu' teneng petuneng palaa' éh pelapah bahat kepéh jin kelunan éh jah.

YAKUB 3:10

Jin ujun kelunan musit kuraa'-kuraa' ha' mejing Tuhan, musit kepéh kuraa'-kuraa' ha' maneu' kelunan. O kekat padéé' ké', bé' éh tekep pu'un kenat!

YAKUB 4:11

O kekat padéé' ké', mai keh pané pesala' jah usah ngan jah usah. Séé'-séé' éh pané pesala' padéé' néh ngan nyelem petuneng barék padéé' néh ngan irah éh jah, inah seleket réh bara' ha' lem Surat Musa sala'. Hun keh pesala' Surat Musa, bé' keh kelunan éh ngerera' kenin ngan kivu éh, bang kelunan éh pesala' éh awah keh.

YAKUB 5:12

O kekat padéé' ké', mai keh pesupa hun keh maneu' jajii', mai keh pesupa palaa' ineu'-ineu' tong langit kenat péh palaa' ineu'-ineu' péh. Tekep keh mipa oo' hun néh oo' bé' hun néh bé' boh keh bé' kenukum Allah.

YAKUB 5:19

O kekat padéé' ké', hun néh pu'un jah kelunan belah kéh éh petat jin jalan éh teneng, boh pu'un jah usah tai mihin éh moléé' tong Allah,