YAKUB 1:10 - Rengah Jian

¹⁰ Kenat péh kelunan Kristén éh kaya, jian irah murung kenin hun Allah ngediva' réh, uban irah éh kaya' juk béé barei' busak tong tana'.

YAKUB 1:10 Iomraidhean Croise

MATIUS 5:3

Murung kenin kekat kelunan éh Nesen ngan juk pitah Allah, omok réh tai ngan Allah hun néh tuai pengeja'au ngan mihau kekat kelunan.

MATIUS 6:30

Bang Tuhan maneu' kekat ureu' murip tong tana', éh pu'un dau iteu' bang sagam notong réh éh. Hun néh kenat kineu' éh tong ka'ah kepéh, bé' Tuhan keloo' mena' pakai sukup ngan keh kei? Kurang pengelan keh, bé' keh ngelan mu'un.

1 KORINTUS 7:31

La'ah kelunan éh pebelih, mai éh telalau seruh pebelih awah. Uban tana' iteu' bé' pu'un barei' hun iteu' lebéé' la'ah.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

1 TIMOTIUS 6:17

Jian ke' bara' ngan kekat kelunan kaya' mai réh bau kenin, ngan mai réh ngelan tong pengekaya' réh uban bé' réh jam hun mah éh juk béé kepéh. Bang jian réh ngelan tong Allah éh mena' kekat ineu'-ineu' ngan lu' ngan mutaa' kepéh dokoo' néh ngejian kenin lu'.

YAKUB 4:14

bé' keh jam ineu'-ineu' tong urip keh sagam. Urip keh iteu' barei' avun awah, éh poléng metok awah, la'o inah bé' éh pu'un la'ah.

1 PÉTERUS 1:24

Barei' ha' dalem Surat Allah, Kekat kelunan pu'un barei' ureu' awah, ngan kekat kejian néh barei' busak awah, barei' ureu' éh melayeu' ngan busak éh peleraa'.

1 YOHANES 2:17

Tana' iteu' ngan kekat éh pu'un tong tana' iteu', éh kenelih kelunan bé' éh pelinguh. Bang kelunan éh maneu' pengeloo' Allah, omok murip pelinguh-linguh.