SURAT PAULUS NGAN SIDANG RUM 8:3 - Rengah Jian

³ Kekat ha' lem Surat Musa bé' pu'un penyukat ngelepu kelunan jin penyukat penyala' uban kelunan lemoo' kenin, bang Allah pu'un penyukat omok ngelepu réh. Pu'un éh ngukum penyala' ngan memekat pengereken penyala' jin lem kenin kelunan, neu' Anak Néh mu'un éh senohoo' Néh tuai. Iah tuai paléu' kelunan mu'un, pekua' layan kelunan éh penyala', dokoo' Néh kebéé penyala'.

SURAT PAULUS NGAN SIDANG RUM 8:3 Iomraidhean Croise

MARKUS 15:27

La'ah irah nyalib duah usah kelunan éh maneu' kereja' sa'at Pemung ngan Néh jah saa' na'au' Néh jah saa' kabéng Néh.

YOHANES 1:14

La'ah Ateng ha' inah paléu kelunan, tuai éh mokoo' belah lu' iteu', ngan améé' pu'un na'at pengaren Néh, pengaren Néh inah pu'un éh kenat uban Néh Anak éh jah awah jin Tamen Néh, ngan ja'au mu'un penika Allah, kenat péh kekat ha' Néh pu'un éh teneng mu'un.

YOHANES 9:24

Jah koléé' kepéh irah Parisi tebai kelunan inah ngan neteng éh kepéh, ka' ha' réh, Jian ke' mejing Allah ngan bara' mu'un, mai ke' kenyo, adang kelunan éh benara' ko' inah kelunan penyala', ha' réh.

PENGANEU' LAWAH 13:39

La'ah séé'-séé' éh ngelan tong Yésus, pu'un éh pelepu jin kekat penyala' néh. Neu' néh kivu sohoo' lem Surat Musa awah bé' éh omok pelepu.

SURAT PAULUS NGAN SIDANG RUM 3:20

Bé' pu'un séé'-séé' kelunan éh omok pemung ngan Allah ke' néh omok jian kepéh, neu' néh kivu sohoo' lem Surat Musa. Surat Musa nojoo' jalan ngan kelunan ke' réh jam kekat kelunan, kelunan penyala' awah.

SURAT PAULUS NGAN SIDANG RUM 6:6

Uban uleu' jam kekat kenin ngan kekat urip lu' éh jin bu'un sahau, pu'un éh lepah matai pemung ngan Kristus tong salib Néh, dokoo' pengeloo' usah lu' iteu' éh malai maneu' kesa'at kenebéé penyukat Néh dokoo' penyala' bé' omok ngeripen keh kepéh.

SURAT PAULUS NGAN SIDANG RUM 7:18

Akeu' jam bé' pu'un ineu'-ineu' éh jian murip dalem kenin ké' hun bé' pu'un Sahéé' Ni'ai. Uban na' péh ku' keloo' ngan gahang kenin juk maneu' jian, bé' ku' omok maneu' éh.

SURAT PAULUS NGAN SIDANG RUM 8:32

Uban bé' Tuhan sihun tong Anak Néh, bang Iah mena' éh ke' Néh matai uban Néh ngeliwah kekat uleu'. Anak Néh mu'un éh nena' Néh. Hun néh kenat, adang Iah keloo' mena' ineu'-ineu' éh jah ngan uleu' kepéh éh omok mihin uleu' menang.

SURAT PAULUS NGAN SIDANG RUM 9:3

Neu' ké' pika irah kenat, palaa' kenin ké' éh selayoo' péh éh akeu' éh teneng ukum ngan bet usah ké' tengéé' jin Kristus.

2 KORINTUS 5:21

La'ah bé' Kristus pu'un penyala', bang Allah nyohoo' Iah tagong penyala' uleu', dokoo' uleu' omok alaa' jian kepéh ngan Allah hun lu' pu'un pemung ngan Néh kepéh.

GALATIA 3:13

La'ah Kristus lepah ngelepu uleu' jin ukum inah, uban kelunan bé' omok kivu kekat ha' ngan sohoo' lem Surat Musa. Jalan Kristus ngelepu uleu', Iah tagong ukum uleu', usah Néh tengéé' kenukum Tuhan ngeliwah uleu'. Uban pu'un jah ha' lem Surat Allah bara' ka', siget-siget kelunan éh matai tong kayeu' salib pu'un éh kenukum Tuhan, ha' Néh.

GALATIA 3:21

Hun néh kenat, kineu', Surat Musa nah pekelawan ngan jajii' Allah éh? Bé' éh kenat. Uban hun néh pu'un jah sohoo' éh omok pepurip kelunan, boh irah pu'un jian kepéh ngan Allah neu' sohoo' inah.

PILIPI 2:7

Bang neu' pengeloo' kenin Néh tengéé', pu'un Éh pokoo' kekat pengaren Néh, ngan paléu pekua' kelunan ripen awah. Pu'un éh paléu kelunan awah, ngan Iah tuai pekua' layan kelunan.

IBRANI 10:12

Bang jah koléé' awah Kristus matai mena' urip Néh ngan Allah ke' Néh mega' penyala' kelunan, pengena' Néh inah pu'un penyukat mega' penyala' avéé' pelinguh. La'o inah Iah menyun saa' na'au' Allah.

IBRANI 10:14

La'ah neu' Néh mena' urip Néh jah koléé' awah, Iah peteneng kenin irah éh lepah nohéé' Néh penyala' réh avéé' pelinguh.

IBRANI 2:14

Uban irah éh nateng anak Allah kelunan mu'un, inah Yésus tuai paléu kelunan pekua' irah inah ke'. Iah paléu kelunan dokoo' neu' pematai Néh Iah omok ngebéé Sitan éh pu'un penyukat bau patai.

IBRANI 2:17

Adang néh tekep Yésus paléu kelunan pekua' kekat padéé' Néh dalem kekat ineu'-ineu' péh. Dokoo' Iah omok Imam éh pengeja'au kekat imam éh tigéh ngan pu'un penika. Neu' penganeu' Néh inah penyala' kelunan omok pega'.

IBRANI 4:15

Bé' lu' pu'un Imam éh pengeja'au kekat imam éh bé' jam pika lu' ngan éh bé' nesen tong kekat pengelemoo' lu' bang Imam éh pengeja'au kekat imam lu' lepah teneng penupat lem kekat ineu'-ineu' péh, pekua' uleu' iteu', bang bé' éh maneu' penyala'.

1 PÉTERUS 2:24

Kristus tengéé' tagong penyala' uleu' usah Néh tong kayeu' salib, dokoo' uleu' pelepu jin penyukat penyala', ngan murip kivu pengeloo' Allah. Kekat suhat Kristus nah éh peka'o keh.