SURAT PAULUS NGAN SIDANG RUM 7:4 - Rengah Jian

⁴ O kekat padéé' ké', inah ha' tapan ké' tong ka'ah kepéh. Ka'ah iteu' lepah matai ngan pelepu jin sohoo' lem Surat Musa, uban ka'ah lepah pemung ngan Kristus. La'ah hun iteu' ka'ah anah Kristus éh betéé' jin patai Néh. Iah betéé' kenat dokoo' uleu' kelunan omok murip ngan barék éh teneng ngan pu'un gunah ngan Allah.

SURAT PAULUS NGAN SIDANG RUM 7:4 Iomraidhean Croise

MATIUS 26:26

Tovoo' réh kuman Yésus alaa' roti ngan sebayang bara' jian kenin ngan Allah, boh éh mutip éh ke' néh mena' éh ngan irah bakéh néh. Ha' néh, Jian keh alaa' iteu' ngan kuman éh, iteu' néh seleket usah Ké', ha' néh.

MARKUS 4:20

Pu'un jelua' kelunan kepéh, barei' parai pelohoo' tong tana' éh jian nah. Uban hun réh menéng ha' tebaraa' inah, irah tioo alaa' éh ngan mihau éh mu'un lem lepok kenin réh. Barei' parai éh murip jian pah avéé' néh ngebuaa' ngan buaa' néh pinaa' mu'un nah. Jelua' parai bé' éh pinaa' buaa', jelua' pinaa' ke' éh. Pu'un kepéh éh matek pinaa' buaa'. Kenat sin ha' tapan iri ne', ha' Néh.

YOHANES 15:8

Hun keh ngebuaa' ngan buaa' pinaa', inah jalan Tamen Ké' pu'un kenajung, ngan inah jalan keh omok bakéh Ké' mu'un.

YOHANES 3:29

Tong kelunan kawin, lakei' éh alaa' redo, inah éh kelunan éh kawin, ngan bakéh néh murung kenin réh menéng ha' lakei' kawin inah, ngan murung kenin ké' hun iteu'.

YOHANES 6:51

Akeu' iteu' ka'an éh purip kelunan, éh tuai jin seruga, séé'-séé' éh kuman ka'an iteu' omok éh murip pelinguh. La'ah ka'an éh juk nena' Ké' ngan néh, inah éh usah Ké', éh juk nena' Ké' dokoo' Ké' purip kekat kelunan pah tipo tana', ha' Yésus ngan réh.

SURAT PAULUS NGAN SIDANG RUM 6:11

Kenat péh ka'ah éh lepah matai tong penyala', jian keh nesen usah keh seleket matai tong kekat penyukat penyala', ngan murip kepéh hun iteu' ngan Allah uban keh pu'un pemung dalem Kristus Yésus.

SURAT PAULUS NGAN SIDANG RUM 6:14

Uban penyala' bé' éh omok pengeja'au keh kepéh, uban bé' ka'ah pu'un murip kivu sohoo' lem Surat Musa, bang ka'ah pu'un murip dalem penika Allah.

SURAT PAULUS NGAN SIDANG RUM 6:2

Adang uleu' bé' tekep maneu' kenat kepéh. Uban penyala' bé' pu'un penyukat tong uleu' uban uleu' lepah matai tong penyala' ngan lepah piso jin penyala', bé' lu' juk murip petem maneu' penyala' la'ah.

SURAT PAULUS NGAN SIDANG RUM 6:22

Bang hun iteu' kepéh Allah pu'un ngelepu keh jin penyala' keh ngan Iah maneu' keh ripen Allah kepéh. Uban Iah ngelepu keh kenat, kekat urip keh anah nah, pengega' néh mihin keh murip pelinguh.

SURAT PAULUS NGAN SIDANG RUM 7:3

Bang hun redo inah murip pemung ngan lakei' éh jah hun lakei néh to murip keto, redo inah petuyang. Bang hun lakei' néh lepah matai, redo inah lepah pelepu jin ha' éh magen éh nah. Hun néh kawin ngan lakei' éh jah bé' éh petuyang.

SURAT PAULUS NGAN SIDANG RUM 7:6

Bang hun iteu' kepéh uleu' seleket matai tong sohoo' jin Surat Musa, bé' sohoo' inah omok pengeja'au lu' kepéh. Jalan lu' ngepayoo' kenin Allah hun iteu', maréng éh, neu' lu' kivu pengeloo' Sahéé' Ni'ai.

SURAT PAULUS NGAN SIDANG RUM 8:2

Uban Sahéé' Ni'ai éh pu'un mihin lu' murip petem dalem Yésus Kristus, pu'un éh ngelepu lu' jin penyukat penyala' éh mihin kelunan matai.

1 KORINTUS 10:16

Baa' éh nesep lu' tong penguman éh sohoo' Tuhan éh jalan Tuhan mena' pengejian Néh tong néh ngan éh nalaa' lu', uleu' mesep éh ngan bara' jian kenin ngan Néh. Neu' lu' mesep éh, inah lu' pepoléng lu' pu'un pemung ngan Kristus lem pengematai Néh. Kenat péh tong roti éh nutip lu', hun lu' kuman éh, inah lu' pepoléng lu' pu'un pemung ngan Kristus lem usah Néh.

2 KORINTUS 11:2

Uban akeu' mihau keh mu'un-mu'un barei' Allah mihau keh, uban ka'ah éh barei' redo éh bé' pu'un pemung ngan lakei', bang petunang awah jak. Akeu' juk mena' keh ngan Kristus, dokoo' keh omok pemung ngan Néh.

GALATIA 3:13

La'ah Kristus lepah ngelepu uleu' jin ukum inah, uban kelunan bé' omok kivu kekat ha' ngan sohoo' lem Surat Musa. Jalan Kristus ngelepu uleu', Iah tagong ukum uleu', usah Néh tengéé' kenukum Tuhan ngeliwah uleu'. Uban pu'un jah ha' lem Surat Allah bara' ka', siget-siget kelunan éh matai tong kayeu' salib pu'un éh kenukum Tuhan, ha' Néh.

GALATIA 5:18

Bang hun Sahéé' Ni'ai majak keh, bé' keh pu'un dalem penyukat sohoo' lem Surat Musa kepéh.

ÉPESUS 2:15

Neu' pematai Néh, nebet Néh kekat adet lem Surat Musa pemung ngan kekat sohoo' ngan penganeu' Néh, uban neu' adet inah, kelunan Yahudi ngan kelunan éh tengéé' pohoo' pu'un tengéé' kenin. La'ah pu'un éh maneu' kelunan Yahudi ngan kelunan éh tengéé' pohoo', jah arong éh maréng dalem usah Néh. Neu' Néh maneu' kenat inah Iah mihin keh tunuk.

PILIPI 1:11

Akeu' keloo' kekat urip ngan barék keh pu'un jian neu' penyukat Yésus Kristus lem kenin keh, dokoo' keh omok peparen ngan mejing Allah.

PILIPI 4:17

Bé' akeu' pitah pengena' jin kelunan makat, bang éh penitah ké' ngan éh keneloo' ké' ka'ah pepit dalem kekat éh jian, inah éh pepit pengejian Tuhan lem kenin keh kepéh.

KOLOSÉ 1:10

Boh keh omok murip barei' Tuhan keloo' keh murip, ngan ngelayau ngepayoo' kenin Néh. Pinaa' buaa' keh kepéh éh neu' kuraa'-kuraa' kereja' keh éh jian, ngan pu'un keh pepit dalem pengejam keh tong Allah.

KOLOSÉ 1:22

Bang hun iteu' neu' Anak Néh matai, Tuhan pu'un maneu' keh bakéh Néh kepéh, dokoo' Néh mihin keh tai tong jumen Néh mu'un, ngan ni'ai ngan teneng kenin, bé' pu'un sa'at ineu'-ineu' péh.

KOLOSÉ 1:6

La'ah Rengah Jian inah pu'un éh mihin kuraa'-kuraa' kelunan jian kenin ngan pu'un éh avéé' tong kuraa'-kuraa' kelunan pah tipo tana', barei' éh pu'un belah ka'ah jin dau bu'un keh menéng tong penika Allah ngan nesen éh lem kenin keh kepéh.

KOLOSÉ 2:14

La'ah pu'un Iah mosoo' surat utang éh bara' tong kekat penyala' ngan kesa'at lu'. Nalaa' Néh surat utang penyala' nah ngan Iah memata' éh neu' Néh senalib tong kayeu' salib.

KOLOSÉ 2:20

La'ah ka'ah lepah matai pemung ngan Kristus, ngan pu'un keh pelepu jin kamit kekat sahéé' éh pu'un tong tana' iteu'. Hun néh kenat uban ineu' keh murip barei' hun keh pu'un lem kamit néh keto. Uban ineu' keh to keto kivu sohoo' néh éh bara',

IBRANI 10:10

Uban Yésus Kristus pu'un kivu pengeloo' Allah ngan mena' usah Néh tengéé' dokoo' Néh penatai. Iteu' naneu' Néh jah koléé' awah pah avéé' pelinguh-linguh, uban kenat penyala' lu' omok pega'.

1 PÉTERUS 2:24

Kristus tengéé' tagong penyala' uleu' usah Néh tong kayeu' salib, dokoo' uleu' pelepu jin penyukat penyala', ngan murip kivu pengeloo' Allah. Kekat suhat Kristus nah éh peka'o keh.

ÉH POLÉNG 19:7

Jian lu' murung ngan bahuu' kenin, jian lu' ngeja'au ngan peparen Iah, uban hun iteu' lepah avéé' jaka' Anak Domba nah juk kawin, ngan redo Néh lepah petenup ke' néh omok tai pemung ngan Néh.

ÉH POLÉNG 21:9

La'ah jah meliket jin irah éh tujuu' nah éh pu'un tujuu' pigan penoo' neu' tujuu' arong penusah rai, tuai éh tavin akeu', ka' ha' néh ngan ké', Tuai ke', akeu' omok bara' redo Anak Domba ngan ko', ha' néh.