SURAT PAULUS NGAN SIDANG RUM 6:3 - Rengah Jian

³ Kineu', bé' keh jam éh tovoo' lu' benatis, inah lu' seleket jah awah pemung ngan Kristus, inah sin néh lu' seleket jah awah lem pematai Néh.

SURAT PAULUS NGAN SIDANG RUM 6:3 Iomraidhean Croise

MATIUS 28:19

Jian keh tai tavin kekat arong kelunan pah tipo tana'. Ngan keh maneu' réh bakéh ké'. Jian keh ngebatis réh dalem ngaran Tamen ngan Anak ngan Sahéé' Ni'ai.

PENGANEU' LAWAH 19:5

Hun réh menéng éh kenat, boh réh batis lem ngaran Tuhan Yésus kepéh.

PENGANEU' LAWAH 2:38

Ka' ha' Péterus ngan réh, Jian siget-siget usah keh piso jin penyala' keh, ngan batis dalem ngaran Yésus Kristus dokoo' penyala' keh omok pega'. La'ah ka'ah omok alaa' Sahéé' Ni'ai éh pengena' Allah ngan lu'.

PENGANEU' LAWAH 8:16

Uban bé' jak réh pu'un alaa' Sahéé' Ni'ai, uban pu'un réh batis lem ngaran Tuhan Yésus awah.

SURAT PAULUS NGAN SIDANG RUM 6:16

Kineu', bé' keh jam hun keh ngerera' kivu sohoo' kelunan, kelunan inah éh pengeja'au keh, bé' keh omok kivu kenin keh tengéé'. Barei' inah péh hun keh kivu sohoo' penyala' iah éh pengeja'au keh, ga' néh mihin keh matai. Kenat péh hun keh kivu sohoo' Allah éh jalan keh alaa' jian kepéh ngan Néh, Tuhan pengeja'au keh.

SURAT PAULUS NGAN SIDANG RUM 6:8

Uban hun uleu' pu'un matai pemung ngan Kristus, adang uleu' omok betéé' murip pemung ngan Néh kepéh.

SURAT PAULUS NGAN SIDANG RUM 7:1

O kekat padéé' ké', adang keh jam tong éh juk benara' ké' iteu' da', uban keh jam tong ha' neta' tong kelunan éh lepah kawin bé' omok petat kepéh. La'ah ha' inah magen éh kelebéé' roh murip. Hun néh matai bé' éh inah omok magen éh kepéh.

1 KORINTUS 10:2

Iteu' barei' réh pu'un batis ke' réh kivu Musa.

1 KORINTUS 12:13

Kenat péh kekat uleu' béé pu'un petem jah usah awah. Kenat péh irah Yahudi kenat péh irah éh tengéé' pohoo', kenat péh kelunan ripen, kenat péh kelunan éh bé' ripen. Sahéé' Allah éh maneu' uleu' petem jah awah, uleu' pu'un petem dalem Kristus neu' Sahéé' Allah éh jah awah, ngan Sahéé' Allah inah pu'un petem dalem kenin uleu' béé.

1 KORINTUS 15:29

Kineu' tong irah kelunan éh benatis uban kelunan matai? Kineu' réh maneu' kenat hun néh teneng ha' réh bara' kelunan matai bé' pu'un betéé', uban ineu' réh benatis kepéh uban kelunan matai?

1 KORINTUS 3:16

Kineu', bé' keh jam ka'ah éh lamin Allah ngan Sahéé' Allah mokoo' lem kenin keh?

1 KORINTUS 5:6

Bé' tekep keh ngajung usah keh kenat. Kineu' keh, bé' keh jam tawan-pekevat tepong, na' péh éh si'ik awah, omok éh pekevat kekat lugung tepong?

1 KORINTUS 6:19

Kineu', bé' keh jam usah keh iteu' lamin Sahéé' Allah éh pu'un dalem keh, éh nena' Allah ngan keh? Bé' ka'ah anah ka'ah ke', bang ka'ah anah Allah.

1 KORINTUS 6:9

Adang keh jam kelunan éh sa'at barék bé' omok tai tong nihau Allah. Mai keh tawang, kelunan éh sa'at barék ngan petuyang, ngan kelunan éh pakai butun, ngan lakei' éh petuyang ngan lakei',

1 KORINTUS 9:13

Kineu', bé' keh jam kelunan éh kereja' tong umaa' Allah sahau, irah alaa' penguman réh jin umaa' Allah inah, kenat péh tong kelunan éh mematai ka'an ngan motong éh tong jalan réh mena' éh ngan Tuhan, pu'un réh alaa' tulat ka'an inah kepéh.

1 KORINTUS 9:24

Adang keh jam, hun keh petakéé' dalem réh petesi, kekat kelunan éh juk nakéé' réh pu'un réh pata nekedeu', bang jah usah awah éh menang. Jian ka'ah kepéh nekedeu' barei' kelunan éh juk menang inah.

2 KORINTUS 13:5

Jian keh seruh mu'un tong kekat barék keh dokoo' keh jam hun keh pu'un murip pekua' urip kelunan éh ngelan ngan hun néh bé' péh. Kineu', bé' keh jam Yésus Kristus pu'un dalem ka'ah, inah éh hun keh kelunan éh ngelan Tuhan mu'un.

GALATIA 3:27

Uban kekat ka'ah éh lepah benatis dalem Kristus, pu'un keh lepah alaa' kekat pengejian pekua' barei' Kristus kepéh.

YAKUB 4:4

O ka'ah éh petat jin Tuhan, kineu', bé' keh jam éh, hun keh kivu kenin éh jin tana' iteu', adang keh ayau Allah. Séé'-séé' éh kivu kenin éh jin tana' iteu' ngan bé' ngelan tong Tuhan, adang néh ayau Allah.

1 PÉTERUS 3:21

Labuu inah tapan tong baa' éh jalan kelunan ngebatis keh éh purip keh hun iteu'. Pengebatis inah bé' éh mohéé' nong jin usah keh bang neu' kekat éh kenakun keh ngan Allah jin kenin keh mu'un éh jian. Pengebatis iteu' purip keh uban Yésus Kristus lepah betéé' jin pematai ngan lepah moléé' tai seruga. Hun iteu' Iah saa' na'au' Allah ngan pengeja'au kekat meliket, ngan kekat éh pu'un penyukat ngan éh ja'au tong seruga,