SURAT PAULUS NGAN SIDANG RUM 5:3 - Rengah Jian

³ Kenat péh uleu' murung kenin dalem kekat penusah lu', uban uleu' jam kekat penusah inah, inah éh mihin uleu' omok ngeretep ngan kebit kenin,

SURAT PAULUS NGAN SIDANG RUM 5:3 Iomraidhean Croise

LUKAS 21:19

Jian keh ngereken kenin keh, boh keh omok alaa' urip pelinguh, ha' Néh.

PENGANEU' LAWAH 5:41

Musit irah lawah nah jin lamin Komiti sebayang Yahudi nah, murung mu'un-mu'un kenin réh uban kejam réh Tuhan ngevéléé' réh lem néh kejeraa' kelunan pekenyaa' réh kenat uban ngaran Yésus.

SURAT PAULUS NGAN SIDANG RUM 5:11

Bang bé' éh kenat awah, bang inah kepéh uleu' murung kenin dalem Allah naneu' Tuhan Yésus Kristus éh kenelan lu' éh matai ke' Néh mihin lu' tavin Allah dokoo' uleu' omok bakéh Néh kepéh.

SURAT PAULUS NGAN SIDANG RUM 8:23

Bé' makat éh kekat arong penyuai Néh awah éh ngerahéng kenat, bang pah avéé' uleu' kelunan éh pu'un Sahéé' Ni'ai éh tenah nena' Allah jin kekat pengena' Néh éh jah ngan uleu', uleu' péh pu'un barei' okoo' ngerahéng dalem kenin lu' kelebéé' lu' mena Tuhan maneu' lu' anak Néh mu'un ngan ngelepu lu' jin ukum.

SURAT PAULUS NGAN SIDANG RUM 9:10

Bang bé' éh kenat awah, uban anak Ribkah éh duah nah, Ishak éh tepun lu', inah éh tamen rawah anak inah.

2 KORINTUS 4:17

Uban penusah ngan pengeketa lu' iteu', barei' si'ik awah éh ngan metok awah, pu'un éh mihin uleu' alaa' pengaren éh ja'au ngan éh pelinguh, éh pelapah ja'au kepéh jin kekat penusah lu'.

2 KORINTUS 8:19

Bé' iah tuai uban néh sohoo' mé' makat, bang iah éh kevéléé' ngan éh senohoo' kekat sidang, ke' néh kivu améé' dalem kereja' mé' éh petulat pengena' jin siget sidang éh nena' réh uban penika réh ngan Tuhan, dokoo' mé' peparen Tuhan ngan dokoo' kekat kelunan omok jam améé' juk nolong réh béé.

ÉPESUS 3:13

Uban néh kenat akeu' nyohoo' keh, mai keh putui pengelan uban ké' teneng keta naneu' kereja' ké' belah ka'ah rai, pu'un éh kenat dokoo' mena' pengejian ngan ka'ah.

PILIPI 1:29

Jian keh murung kenin uban neu' penika Kristus Iah mihin keh ngelan tong Iah, bang bé' makat ngelan kenat awah, bang inah kepéh Iah mihin keh jam keta pemung ngan Néh.

YAKUB 1:12

Jian kenin kelunan éh omok ngeretep, na' péh penusah éh pinaa' arong teneng tong néh. Uban hun néh omok nyopéé' penusah inah, boh iah omok alaa' urip éh lepah pejajii' Allah ngan kekat kelunan éh pika Iah.

1 PÉTERUS 3:14

Na' péh réh peketa keh uban keh maneu' jian, jian keh murung kenin, mai keh medai ngan mapah kenin.