SURAT PAULUS NGAN SIDANG RUM 4:4 - Rengah Jian

⁴ Kelunan éh kereja' pu'un éh alaa' gaji néh, bé' éh seruh gaji néh nah pengena' kelunan awah, uban réh pika éh awah, adang iah seruh tekep réh mena' gaji néh uban néh kereja' ngan réh nah.

SURAT PAULUS NGAN SIDANG RUM 4:4 Iomraidhean Croise

SURAT PAULUS NGAN SIDANG RUM 11:35

Séé' omok mena' ngan Tuhan dokoo' Tuhan ngayo kenin kelunan inah mena' oléé' néh kepéh ngan néh?

SURAT PAULUS NGAN SIDANG RUM 11:6

Pu'un Iah ngevéléé' réh neu' penika Néh awah, bé' éh uban neu' ineu'-ineu' éh penganeu' réh. Hun Allah ngevéléé' réh uban neu' penganeu' réh awah, bé' éh neu' penika Néh.

SURAT PAULUS NGAN SIDANG RUM 3:24

Bang naneu' penika Allah nah awah, kekat kelunan omok alaa' pengepemung ngan Allah ke' néh omok jian kepéh, neu' Allah mena' Anak Néh, dokoo' naneu' dahaa' Néh éh pega', pu'un jalan ke' Tuhan omok mega' penyala' réh naneu' pengelan réh tong Yésus.

SURAT PAULUS NGAN SIDANG RUM 9:32

Uban ineu' adet inah bé' omok? Uban kekat penganeu' réh tong adet inah bé' éh neu' pengelan réh tong Allah, bang irah seruh neu' kekat adet réh kenat, omok réh jian. La'ah tekaleu' réh tong bateu' nekaleu',