SURAT PAULUS NGAN SIDANG RUM 3:5 - Rengah Jian

⁵ Kineu' hun néh neu' kekat koléé' lu' maneu' sa'at, inah éh pepoléng Allah pu'un jian ngan ngelayau maneu' jian? Kineu' kepéh éh? Kineu' Allah, sala' éh ngukum lu'? Nah, kekat ha' ké' inah akeu' pané' barei' éh kemalai seneruh kelunan awah.

SURAT PAULUS NGAN SIDANG RUM 3:5 Iomraidhean Croise

SURAT PAULUS NGAN SIDANG RUM 12:19

O kekat padéé' ké'! mai ka'ah ngesa'at kelunan na' péh irah ngesa'at keh bu'un, bang kejeraa' néh Tuhan mipa penganeu' réh inah, uban pu'un jah ha' lem surat Allah éh bara' Akeu' omok maneu' irah éh maneu' keh, Akeu éh mena' oléé' ngan réh kepéh ha' Tuhan.

SURAT PAULUS NGAN SIDANG RUM 2:5

Adang ko' jam éh bang ka'au' mahéng kenin. Neu' kenin ko' mahéng kenat ngan bé' keloo' moléé' tavin Iah, adang ukum ko' pelapah bahat kepéh tong dau Allah pepoléng kemerek Néh tong kelunan éh maneu' penyala' ngan ngukum réh. Teneng mu'un Iah tong jalan Néh ngukum réh.

SURAT PAULUS NGAN SIDANG RUM 3:19

Hun iteu' uleu' jam tong kekat éh senurat dalem Surat Musa pu'un éh tulat kelunan éh murip ra' Surat Musa. Uban néh kenat bé' pu'un jah usah péh éh omok bara' réh bé' jam éh adang Tuhan Allah juk petuneng kekat kelunan tong tana' iteu'.

SURAT PAULUS NGAN SIDANG RUM 3:7

Bang na' péh akeu' bé' pu'un tigéh, Allah éh pu'un kenajung uban Iah pu'un tigéh ngan pu'un kivu jajii' Néh. Hun néh kenat uban ineu' Allah ngukum akeu' pekua' kelunan éh penyala'?

SURAT PAULUS NGAN SIDANG RUM 4:1

Jian lu' seruh kepéh tong tepun lu' Abraham. Kineu' éh, omok éh alaa' kenin éh jian kepéh ngan Allah neu' penganeu' néh.

SURAT PAULUS NGAN SIDANG RUM 5:8

Bang inah jalan Allah pepoléng penika Néh ngan uleu', uban lem lu' pu'un maneu' penyala' keto, inah Kristus matai ngeliwah uleu'.

SURAT PAULUS NGAN SIDANG RUM 6:1

Hun Allah pika lu' kenat, kineu', tekep lu' petem maneu' penyala' kepéh dokoo' penika Allah pepit kepéh ngan lu'?

SURAT PAULUS NGAN SIDANG RUM 6:19

Akeu' bara' éh palaa' ha' tapan inah dokoo' keh omok jam éh. Hun lepah rai pu'un keh mena' usah keh maneu' kekat kesa'at barei' kelunan éh keripen tong kekat éh jelemih ngan sa'at. Barei' inah péh hun iteu', jian keh mena' usah keh kepéh maneu' kekat éh ni'ai ngan ripen tong kekat éh teneng.

SURAT PAULUS NGAN SIDANG RUM 7:7

Hun néh kenat, kineu' ha' lu' tong Surat Musa, tekep lu' bara' éh sala', adang éh bé' sala'. Uban neu' kekat ha' Tuhan lem Surat Musa, inah jalan ké' nesen tong kesa'at penyala', uban hun néh usah ké' tengéé', bé' akeu' jam akeu' pu'un magat tong kesa'at, bang uban ha' lem Surat Musa bara', Mai keh magat tong kesa'at, inah jalan ké' nesen akeu' pu'un éh kenat.

SURAT PAULUS NGAN SIDANG RUM 8:31

Hun lu' seruh tong kekat inah, ineu' éh juk benara' lu' kepéh? Ieng ke'. Hun Allah pu'un pemung ngan uleu', bé' pu'un séé'-séé' éh omok nyopéé' uleu' kepéh.

SURAT PAULUS NGAN SIDANG RUM 9:30

Hun néh kenat, kineu' ha' lu' kepéh, kelunan éh tengéé' pohoo' jin irah Yahudi, bé' éh pitah jalan ke' réh omok jian kepéh ngan Allah, bang hun iteu' Allah tengéé' mihin réh jian kepéh tong Allah neu' pengelan réh tong Iah.

1 KORINTUS 15:32

La'ah ineu' gunah ké' ngelawan ka'an éh luvaa' tong Épesus siteu' hun néh tong tana' iteu' awah éh pu'un oléé' néh. Ineu' gunah néh hun kelunan matai ngan bé' betéé' kepéh? Pu'un éh barei' ha' kelunan éh bara' ka', Jian tam kuman ngan mesep ngida mu'un hun iteu', uban sagam da', matai lah lu', ha' réh.

1 KORINTUS 9:8

Bé' makat akeu' bara' tong éh kemalai keh awah.

2 KORINTUS 6:4

Bang pu'un mé' maneu' kekat kereja' mé' barei' éh tekep ngan kelunan éh sohoo' Tuhan, pu'un mé' ngeretep lem penusah ngan kekat pengeketa, kenat péh hun mé' besau, pu'un mé' ngeretep ngan kebit kenin.

2 KORINTUS 7:11

Tuhan pakai kekat kebesau keh inah ngepaléu éh jian, uban neu' kebesau keh inah, inah éh mihin keh jam seruh ngan maneu' keh mekat mu'un pekelenaa' kekat penganeu' keh rai bé' éh sala'. Jelua' ka'ah kelatan kenin menéng ha' ké', ngan jelua' kepéh merek ngan medai, ngan maneu' keh tawai kenin juk alaa' akeu' kepéh, ngan pu'un éh pebetéé' pengelan keh kepéh juk ngukum kelunan éh sala'. Dalem kekat penusah rai pu'un keh pepoléng ka'ah bé' pu'un sala'.

GALATIA 2:18

Bang inah akeu' sala', hun ké' juk kivu kekat-kekat éh nebet ké' tong kekat adet lem Surat Musa.

GALATIA 3:15

O Kekat padéé' ké', akeu' juk bara' ngan keh tong jalan éh kemalai keh. Hun pu'un duah usah maneu' jajii' ngan peséréé' bé' pu'un jah usah péh omok memata' éh kenat péh pepit ineu'-ineu' tong néh.

ÉH POLÉNG 15:3

Pu'un réh nyanyi ha' nyanyi Musa, kelunan éh sohoo' Allah, ngan ha' nyanyi Anak Domba, ka' ha' réh, O Tuhan, Tuhan Allah éh pelapah ja'au penyukat jin ineu'-ineu' péh, matek jian ngan matek ja'au kekat penganeu' Ko'. Ka'au' éh Raja' bau kekat arong kelunan, kekat jalan Ko' pu'un teneng ngan pu'un pejek.

ÉH POLÉNG 18:20

O kekat kelunan tong seruga, jian keh murung kenin uban néh lepah béé. O kekat kelunan éh anah Allah, ngan kekat lawah Néh ngan kekat nabi, murung keh, uban pu'un Allah ngukum éh uban kekat penganeu' néh ngan keh lepah rai.