SURAT PAULUS NGAN SIDANG RUM 3:4 - Rengah Jian

⁴ Adang Allah bé' ngepaléu kenin Néh Iah pu'un tigéh, na' péh kekat kelunan kenyo awah bé' Iah omok kenyo. Barei' ha' lem Surat Allah bara' tong Iah, ka' éh, Hun Ko' pané, kekat kelunan jam Ké' pu'un pané teneng, bé' pu'un ineu'-ineu' ke' réh omok pesala' Ké adang ko' pu'un menang.

SURAT PAULUS NGAN SIDANG RUM 3:4 Iomraidhean Croise

MATIUS 11:19

La'ah Anak Kelunan, pu'un kuman ngan pu'un mesep, boh ka'ah bara', Na'at kelunan inah, iah kuman nyahan ngan mesep baa' agun ngan pebakéh ngan kelunan éh alaa' sukai ngan kelunan penyala', ha' keh. Bang pengejam éh jin Allah adang irah pepoléng pengejam inah pu'un éh teneng, ha' Yésus ngan réh.

LUKAS 20:16

Adang néh mematai réh uban réh sa'at, ngan tebai kelunan éh jah kepéh mihau pulah inah, ha' Yésus. Hun réh menéng ha' Yésus pané kenat, pu'un réh bara' ka', mai pu'un éh kenat da' ha' réh.

YOHANES 3:33

Bang hun kelunan pu'un alaa' ha' tebaraa' Néh, iah pepoléng adang Allah pu'un teneng.

SURAT PAULUS NGAN SIDANG RUM 11:1

La'ah akeu' neteng kepéh, kineu' Allah, nebet Néh awah kelunan Israel éh kevéléé' Néh rai? Bé' Iah bet irah. Akeu' péh jah kelunan pohoo' Israel, akeu' pu'un jin betah Benyamin éh ayam Abraham.

SURAT PAULUS NGAN SIDANG RUM 11:11

Akeu' juk neteng kepéh, Hun irah Yahudi tekaleu' rai, kineu' réh, pu'un réh pegup pah avéé' réh bé' omok betéé' nekedéng kepéh? Bé' éh kenat. Bang neu' penyala' irah Yahudi bé' ngelan tong Tuhan, inah pesavéé' urip ngan kelunan éh tengéé' pohoo', dokoo' peki'ah irah Yahudi ngan pebetéé' kenin réh ke' réh tavin Tuhan kepéh.

SURAT PAULUS NGAN SIDANG RUM 3:31

Hun néh kenat kineu' lu' da', tekep lu' bet Surat Musa ngan ngelan tong Yésus awah. Bé' makat lu' tekep bet éh, tekep lu' mihau kekat tebaraa' inah pemung ngan pengelan lu' tong Yésus.

SURAT PAULUS NGAN SIDANG RUM 6:15

Uban hun iteu' uleu' pu'un murip lem penika Allah, bé' uleu' pu'un murip lem penyukat ukum kepéh, hun néh kenat, kineu', tekep lu' maneu' penyala' kepéh, adang lu' bé' tekep maneu' éh.

SURAT PAULUS NGAN SIDANG RUM 6:2

Adang uleu' bé' tekep maneu' kenat kepéh. Uban penyala' bé' pu'un penyukat tong uleu' uban uleu' lepah matai tong penyala' ngan lepah piso jin penyala', bé' lu' juk murip petem maneu' penyala' la'ah.

SURAT PAULUS NGAN SIDANG RUM 7:13

Kekat sohoo' lem Surat Musa pu'un éh jian. Hun néh kenat, kineu éh? Éh jian nah mihin ku' matai? Bé' éh jian nah mihin ku' matai, bang penyala' nah éh. Uban pu'un Surat Musa pepoléng penyala' nah pelapah sa'at mu'un.

SURAT PAULUS NGAN SIDANG RUM 7:7

Hun néh kenat, kineu' ha' lu' tong Surat Musa, tekep lu' bara' éh sala', adang éh bé' sala'. Uban neu' kekat ha' Tuhan lem Surat Musa, inah jalan ké' nesen tong kesa'at penyala', uban hun néh usah ké' tengéé', bé' akeu' jam akeu' pu'un magat tong kesa'at, bang uban ha' lem Surat Musa bara', Mai keh magat tong kesa'at, inah jalan ké' nesen akeu' pu'un éh kenat.

SURAT PAULUS NGAN SIDANG RUM 9:14

Hun Allah ngevéléé' jelua' awah kelunan nah, kineu', tekep lu' bara' Allah netah kenin? Bé' éh netah kenin.

1 KORINTUS 6:15

Ka'ah jam usah keh iteu' usah Kristus. Kineu', tekep ku' alaa' jebila' usah Kristus ngan maneu' éh usah redo éh petuyang? Bé'. Bé' omok.

2 KORINTUS 1:18

Kejam lu' Tuhan pu'un tigéh, ngan uleu' omok ngelan kekat ha' éh benara' Néh pu'un teneng, kenat péh akeu'. Hun ké' bara' akeu' juk tai nepah keh rai, bé' akeu' pané kenat palaa' ha' ujun ké' awah. Bé' akeu' barei' kelunan éh bara' Oo' bang lem kenin réh seruh bé'.

GALATIA 2:17

Bang kineu' améé' Yahudi, hun mé' pitah jalan ke' mé' omok ngepayoo' kenin Allah boh mé' nesen, bé' mé' tengéé' jin irah éh pohoo' éh jah, améé' péh kelunan penyala' barei' irah éh tengéé'pohoo', seruh keh, séé' éh maneu' mé' sala'? Kineu', pu'un keh seruh Kristus éh maneu' mé' sala'? Adang bé'.

GALATIA 2:21

Bé' akeu' bet penika Allah, bang hun kelunan omok alaa' jian kepéh tong jumen Allah, neu' néh kivu sohoo' ngan adet lem Surat Musa, boh pematai Kristus nah, tuyah-tuyah awah.

GALATIA 6:14

Bang tong akeu', jah awah éh juk kenajung ké', inah éh tong pengematai Tuhan lu' Yésus Kristus. Uban neu' Néh matai tong kayeu' salib, kekat-kekat éh tong tana' iteu' tuyah-tuyah awah ngan ké'. Akeu' péh seleket matai ngan kekat-kekat éh pu'un tong tana'.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

TITUS 1:2

Ha' tebaraa' iteu' éh mihin kelunan alaa' urip éh pelinguh. La'ah Allah éh bé' omok kenyo, Iah jajii' mena' urip pelinguh ngan lu' jin bu'un-bu'un sahau tovoo' bé' jak tana' ngan langit iteu' pu'un,

IBRANI 6:18

Duah ha' iteu' bé' omok paléu inah éh jajii' Néh ngan ha' supa Néh. Bé' Allah omok kenyo tong Néh. Uban kenat uleu' éh lepah tai tavin éh dokoo' alaa' Iah singau lu' uleu' senohoo' dokoo' ngamit reken pengepelum éh pu'un saa' tenah lu'.

1 YOHANES 5:10

Kelunan éh ngelan tong Anak Allah kejam néh éh benara' Allah tong Anak Néh nah lem kenin néh. Bang kelunan éh bé' ngelan tong Allah, seleket iah bara' Allah kenyo. Uban bé' iah ngelan tong éh benara' Allah tong Anak Néh.

1 YOHANES 5:20

La'ah uleu' jam Anak Allah pu'un tuai, Iah mena' pengejam Néh ngan lu', dokoo' lu' jam Allah éh teneng. Urip lu' pu'un éh dalem Allah éh teneng ngan dalem Anak Néh Yésus Kristus. Inah éh Allah éh teneng ngan urip éh mu'un ngan pelinguh.

ÉH POLÉNG 3:7

Jian ke' nyurat ngan meliket sidang tong Piladelpia. Iteu' ha' éh benara' jin Iah éh ni'ai ngan tigéh. Iah ngamit kusi' éh jin Daud; hun mah Iah mukap tapé, bé' pu'un jah usah péh omok tutup éh. Hun mah Iah tutup éh, bé' pu'un jah usah péh omok mukap éh.