SURAT PAULUS NGAN SIDANG RUM 3:3 - Rengah Jian

³ Kineu' hun jelua' kelunan Yahudi bé' tigéh ngan bé' kivu? Kineu' pu'un Allah ngepaléu kenin Néh ngan bé' tigéh uban irah bé' pu'un tigéh?

SURAT PAULUS NGAN SIDANG RUM 3:3 Iomraidhean Croise

MATIUS 24:35

Langit ngan tana' juk salai béé, bang kekat ha' tebaraa' ké' pu'un éh pelinguh, ha' néh.

YOHANES 1:16

Uban Néh pika uleu' pu'un éh maneu' jian ngan uleu', Iah lepah pika uleu' tenéh, ngan Iah pepit kepéh kekat pengejian Néh ngan uleu'.

SURAT PAULUS NGAN SIDANG RUM 10:16

Bang bé' makat kekat irah béé éh ngelan tong Rengah Jian iteu'. Uban ka' ha' Yesaya, O Tuhan, séé' pu'un ngelan tong tebaraa' éh lepah benara' améé' ngan réh?

SURAT PAULUS NGAN SIDANG RUM 11:29

Bé' Allah ngepaléu kenin Néh tong kelunan éh kevéléé' Néh ngan éh tenebai Néh.

SURAT PAULUS NGAN SIDANG RUM 9:6

Akeu' bé' bara' tong ineu' éh pejajii' Allah bé' petem, ineu' éh pejajii' Néh lepah pu'un tenéh, uban bé' éh ketem lo'ong kelunan Israel éh kevéléé' Néh.

2 KORINTUS 3:18

La'ah uleu' béé pepoléng pengaren Tuhan palaa' da'in lu' éh bé' pu'un mekep, uban pengaren inah tuai jin Tuhan, neu' Sahéé' Ni'ai éh ngepaléu uleu' omok pekua' Iah dalem pengaren Néh éh pelapah ja'au.

2 TESALONIKA 1:3

O kekat padéé' ké', tekep améé' ngelayau bara' jian kenin ngan Allah uban pengelan keh tong Kristus pu'un éh pepit-pepit, ngan penika keh ngan pesiget-siget ka'ah ke' pu'un éh pepit mu'un.

2 TIMOTIUS 2:13

Na' péh lu' bé' tigéh, Iah petem tigéh, uban bé' Iah omok bé' pu'un tigéh, uban bé' Iah omok maneu' ineu'-ineu' éh tengéé' jin pohoo' kenin Néh.

IBRANI 4:2

Uban pu'un lu' lepah menéng Rengah Jian éh benara' ngan lu', barei' irah éh kivu Musa nah. Irah menéng ha' inah, bang Rengah inah bé' pu'un gunah tong réh, uban tovoo' réh menéng éh bé' irah ngelan tong jajii' Allah inah.