SURAT PAULUS NGAN SIDANG RUM 3:2 - Rengah Jian

² Adang kekat inah pu'un gunah. Uban éh bu'un néh Allah lepah mena' ha' tebaraa' Néh ngan réh.

SURAT PAULUS NGAN SIDANG RUM 3:2 Iomraidhean Croise

YOHANES 5:39

Pu'un keh pekalai tong surat Allah, uban keh seruh neu' kekat ha' tebaraa' inah, adang keh omok alaa' urip pelinguh. Kekat ha' lem surat Allah pu'un éh bara' tong Akeu',

PENGANEU' LAWAH 7:38

Ha' Stepanus, La'ah Musa nah pu'un éh pemung ngan kekat kelunan Israel hun réh pu'un tong tana' pegawa sahau, iah pu'un pemung ngan kekat tepun lu' ngan meliket éh pané ngan néh tong tokong Sinai, ngan pu'un éh alaa' kekat ha' tebaraa' jin Allah éh omok purip réh ke' néh bara' éh ngan uleu' kepéh, ha' néh.

SURAT PAULUS NGAN SIDANG RUM 1:2

Rengah Jian inah lepah pejajii' Allah neu' kekat nabi éh bara' ha' Néh ngan kelunan sahau, pu'un éh senurat réh dalem surat Allah.

SURAT PAULUS NGAN SIDANG RUM 2:18

Neu' ha' lem Surat Musa inah, adang ka'ah jam tong kekat pengeloo' Allah ngan tong kekat éh jian ngan tong kekat éh sa'at péh, bang na' péh kenat bé' keh pu'un kivu tong éh jian nah.

SURAT PAULUS NGAN SIDANG RUM 3:1

Hun néh kenat kineu' kelunan Yahudi, pu'un gunah néh uban réh pohoo' Yahudi? Kenat péh tong adet sunat inah kineu' pu'un gunah réh?

SURAT PAULUS NGAN SIDANG RUM 3:3

Kineu' hun jelua' kelunan Yahudi bé' tigéh ngan bé' kivu? Kineu' pu'un Allah ngepaléu kenin Néh ngan bé' tigéh uban irah bé' pu'un tigéh?

SURAT PAULUS NGAN SIDANG RUM 9:4

Uban irah éh kelunan éh kevéléé' Allah, Allah lepah alaa' réh anak Néh mu'un ngan peta'an réh tong pengemaren Néh. Iah mena' jajii' ngan réh kenat péh Iah mena' Surat Musa. Irah jam tong penyebayang éh teneng, ngan réh pu'un alaa' jajii' Allah.

1 KORINTUS 9:17

Hun akeu' maneu' kereja' Tuhan kivu pengeloo' kenin ké' tengéé', boh éh tekep akeu' alaa' oléé' néh jin kelunan kepéh, bang hun néh neu' sohoo' Allah, inah akeu' kivu sohoo' Néh awah.

2 KORINTUS 5:19

La'ah inah éh ha' tebaraa' mé', Allah neu' Kristus pu'un mihin kekat kelunan bakéh Néh kepéh. Bé' Iah mihau penyala' réh ke' Néh ngukum réh, Ha' tebaraa' inah nena' Néh ngan améé' dokoo' améé' omok bara' éh kepéh ngan irah éh jah, ke' réh omok bakéh Néh kepéh.

GALATIA 2:7

Bang irah jam Allah pu'un nyohoo' ku' perengah Rengah Jian ngan kelunan éh tengéé' pohoo', pekua' Iah nyohoo' Péterus perengah Rengah Jian ngan irah Yahudi rai.

1 TIMOTIUS 6:20

Timotius, jian ke' mihau kekat ha' tebaraa' éh lepah benara' réh ngan ko' rai. Jian ke' petedau kekat ha' ané kelunan éh pané awah, ngan ha' kelunan éh pepané uban irah seruh réh pu'un pengejam, bang éh mu'un bé' réh pu'un pengejam.

IBRANI 5:12

Lepah lebéé' tenéh keh pu'un kivu Tuhan ngan pekalai, sukup kelebéé' keh omok nebaraa' irah éh jah. Bang na' péh kenat kelebéé', to de' ke' keh bé' nesen mu'un, ngan ka'ah ngelan kelunan nebaraa' keh keto tong ha' tebaraa' éh bu'un-bu'un nenéng keh. Ka'ah météé' awah, bé' jak keh jam kuman sin ka'an.

1 PÉTERUS 4:11

Séé'-séé' éh juk nebaraa' kelunan, jian iah bara' ha' éh jin Allah. Hun keh pu'un pengena' dokoo' nolong kelunan éh jah, jian keh nolong réh neu' pengegahang éh nena' Allah ngan keh. Dokoo' dalem kekat-kekat néh béé, Allah pu'un kenajung lem Yésus Kristus. Kristus éh pu'un pengaren ngan penyukat pah avéé' pelinguh. Amin.

ÉH POLÉNG 19:10

Akeu' ngejekuu' lep ké' déhéé' gem néh juk seva' éh, bang ha' néh ngan ké', Mai ke' seva' akeu', akeu' péh kelunan sohoo' barei' ka'au' ngan kekat irah padéé' ko', inah éh irah éh bé' putui pengelan bang éh ngelan tong Yésus ngan mihau ha' tebaraa' éh teneng éh benara' Yésus. Jian ke' seva' Allah, ha' néh. Uban pengeteneng éh benara' Yésus pu'un éh ngusii' kenin kelunan éh bara' ha' Tuhan ngan kelunan.

ÉH POLÉNG 22:6

Boh meliket inah bara' ka' ngan ké', Kekat ha' inah teneng éh omok ke' ngelan éh. La'ah Tuhan Allah éh mena' Sahéé' Néh ngan irah nabi Néh, Iah nyohoo' meliket Néh tai bara' ngan irah éh sohoo' Néh ke' réh omok jam tong kekat éh danii' juk pu'un kepéh, ha' néh.