SURAT PAULUS NGAN SIDANG RUM 3:1 - Rengah Jian

¹ Hun néh kenat kineu' kelunan Yahudi, pu'un gunah néh uban réh pohoo' Yahudi? Kenat péh tong adet sunat inah kineu' pu'un gunah réh?

SURAT PAULUS NGAN SIDANG RUM 3:1 Iomraidhean Croise

YOHANES 4:22

Pu'un ka'ah Samaria sebayang, bang bé' keh jam éh mu'un séé' éh kenelan keh. Améé' Yahudi sebayang ngan kejam mé' séé' éh kenelan mé' uban jalan kelunan alaa' urip Tuhan, pu'un éh jin pohoo' Yahudi.

SURAT PAULUS NGAN SIDANG RUM 3:2

Adang kekat inah pu'un gunah. Uban éh bu'un néh Allah lepah mena' ha' tebaraa' Néh ngan réh.

SURAT PAULUS NGAN SIDANG RUM 3:9

Hun néh kenat kineu' kenin améé' éh pohoo' Yahudi, pu'un éh pelapah jian jin kelunan éh tengéé' pohoo'? Adang bé'. Uban dalem kekat ha' éh benara' ké' inah ri', inah akeu' bara', kekat kelunan béé-béé pu'un lem penyukat penyala', kenat péh pohoo' Yahudi kenat péh irah éh tengéé' pohoo'.

1 KORINTUS 15:32

La'ah ineu' gunah ké' ngelawan ka'an éh luvaa' tong Épesus siteu' hun néh tong tana' iteu' awah éh pu'un oléé' néh. Ineu' gunah néh hun kelunan matai ngan bé' betéé' kepéh? Pu'un éh barei' ha' kelunan éh bara' ka', Jian tam kuman ngan mesep ngida mu'un hun iteu', uban sagam da', matai lah lu', ha' réh.

IBRANI 13:9

Mai keh kejeraa' ha' tebaraa' éh tengéé' pepetat keh jin jalan éh teneng. Kenin lu' tekep gahang neu' penika Allah, bé' éh neu' lu' kivu kuraa' kuraa' sohoo' tong éh omok kinan lu'. Kelunan éh kivu sohoo' inah bé' inah omok ngegahang pengelan réh tong Tuhan.