SURAT PAULUS NGAN SIDANG RUM 2:4 - Rengah Jian

⁴ Kineu', leko ke' tong penika néh éh ja'au ngan pengasi néh ngan tong néh kebit kenin ngan ko'? Kineu', nebet ko' awah penika Néh? Bé' ke' jam uban Allah pika ke' inah Iah juk mihin ke' moléé' kenin kepéh?

SURAT PAULUS NGAN SIDANG RUM 2:4 Iomraidhean Croise

SURAT PAULUS NGAN SIDANG RUM 10:12

Neu' ha' lem surat Allah kenat, lenaa' mu'un irah Yahudi péh ngan kelunan éh tengéé' pohoo' péh pekua' awah jalan réh alaa' urip Tuhan. Uban jah de' ke' Allah éh Tuhan kekat kelunan béé, Iah pika séé'-séé' kelunan éh menyat pika jin Iah.

SURAT PAULUS NGAN SIDANG RUM 11:22

Kenat péh jalan lu' jam tong penika Allah ngan tong kemahéng kenin Néh kepéh. Tong kelunan éh bé' ngepelum éh nega' Néh inah, pu'un Iah mahéng kenin, bang pu'un Iah pika ka'ah, inah éh hun keh petem dalem penika Néh. Bang hun keh bé' petem dalem penika Néh, ka'ah péh nega' Néh kepéh.

SURAT PAULUS NGAN SIDANG RUM 11:33

Allah pu'un jian mu'un, sukup mu'un éh lem kekat penganeu' Néh ngan pengejam Néh. Séé' omok ngelé kekat penganeu' Néh? Séé' omok jam tong kekat jalan Néh?

SURAT PAULUS NGAN SIDANG RUM 3:25

Pu'un Allah mena' Yésus Kristus pengena' Néh dokoo' neu' pengematai Néh Iah omok mega' penyala' kelunan, hun réh ngelan tong Néh. Allah maneu' kenat dokoo' pepoléng Iah teneng mu'un. Sahau kebit kenin Allah tong penyala' Kelunan, bé' Iah tioo ngukum réh.

SURAT PAULUS NGAN SIDANG RUM 6:1

Hun Allah pika lu' kenat, kineu', tekep lu' petem maneu' penyala' kepéh dokoo' penika Allah pepit kepéh ngan lu'?

SURAT PAULUS NGAN SIDANG RUM 6:15

Uban hun iteu' uleu' pu'un murip lem penika Allah, bé' uleu' pu'un murip lem penyukat ukum kepéh, hun néh kenat, kineu', tekep lu' maneu' penyala' kepéh, adang lu' bé' tekep maneu' éh.

2 KORINTUS 8:2

Pinaa' arong penusah réh, penusah inah tupat kenin réh tong pengelan réh tong Tuhan, bang kemurung réh pelapah ja'au jin kekat arong penusah réh inah. La'ah livah ineu' éh pu'un ngan réh, irah mena' éh ngan Tuhan. Na' péh réh pu'un kari, pelapah ja'au kepéh pengena' réh ngan Tuhan jin pengekari réh.

ÉPESUS 1:18

Akeu' sebayang menyat éh pepekang maten kenin keh dokoo' keh omok nesen tong pengeloo' kenin Néh tovoo' Néh tebai keh rai. Pengeloo' kenin Néh nah bé' éh terah urip lu' hun iteu' awah, bang avéé' vam kepéh. Hun keh nesen éh adang keh nesen kepéh tong kejian pengena' Néh éh pejajii' Néh ngan irah éh anah nah.

ÉPESUS 1:7

Uban neu' dahaa' Kristus, uleu' pu'un pelepu, inah éh, penyala' lu' pu'un pega'. Iah maneu' kenat uban ja'au mu'un penika Allah ngan lu', pelapah ja'au jin éh omok benara' lu'.

ÉPESUS 2:4

Bang pu'un Allah pika lu' mu'un, ja'au mu'un penika Néh, bé' éh omok benara' lu',

ÉPESUS 2:7

Pu'un Iah maneu' kenat dokoo' penika Néh ngan lu' dalem Kristus, éh ja'au mu'un, éh bé' omok benara' lu', pu'un poléng pelinguh.

ÉPESUS 3:16

Matek ja'au mu'un pengemaren Allah, uban néh kenat akeu' sebayang menyat éh ngegahang kenin keh neu' penyukat Sahéé' Ni'ai pekua' ke ja'au pengaren Néh éh ja'au nah. Akeu' sebayang kenat dokoo' Kristus omok mokoo' lem kenin keh neu' pengelan keh tong Iah.

ÉPESUS 3:8

La'ah na' péh akeu' pelapah si'ik jin kekat irah éh jah éh anah Allah, dalem penika Néh Iah kejeraa' akeu' bara' ngan kelunan éh tengéé' pohoo' tong pengejian Kristus éh pelapah jian jin éh omok benara' lu'.

PILIPI 4:19

La'ah Allah éh kenelan ké' omok Éh pesukup kekat pengekurang keh kivu pengekaya' Néh dalem Kristus Yésus.

KOLOSÉ 1:27

La'ah jian mu'un éh kivu pengeloo' Néh pu'un Éh petenup éh ngan kekat arong kelunan, bé' makat ngan pohoo' Yahudi awah. Éh pelim jin irah sahau, inah éh Kristus pu'un dalem ka'ah ngan hun Néh pu'un dalem keh kenat adang kelunan ngelan keh pu'un pemung ngan Allah lem kekat pengaren Néh.

KOLOSÉ 2:2

Pu'un ku' kereja' kenat dokoo' keh omok gahang kenin ngan pekua' kenin jah awah neu' penika keh ngan Allah. La'ah dokoo' keh omok jam mu'un tong Kristus ngan kekat kenin ngan pengejam keh, ngan jam tong pengeloo' kenin Allah éh pelim sahau rai bang hun iteu' pu'un éh pepoléng éh kepéh, inah éh Kristus.

1 TIMOTIUS 1:16

Na' péh kenat pu'un Allah pika akeu' dokoo' Kristus Yésus pepoléng pemekat kenin Néh ngan ké', neu' pengebit kenin Néh kenat akeu' omok jah telana' éh omok ta'an ngan kenivu kelunan ke' réh omok ngelan kepéh ngan alaa' urip pelinguh.

1 TIMOTIUS 6:17

Jian ke' bara' ngan kekat kelunan kaya' mai réh bau kenin, ngan mai réh ngelan tong pengekaya' réh uban bé' réh jam hun mah éh juk béé kepéh. Bang jian réh ngelan tong Allah éh mena' kekat ineu'-ineu' ngan lu' ngan mutaa' kepéh dokoo' néh ngejian kenin lu'.

1 PÉTERUS 3:20

Inah éh kekat sahéé' kelunan éh ngelapah sohoo' Allah tovoo' Allah mena réh ngan kebit kenin sioo' Noh maneu' kapen. Ayah usah éh pu'un dalem kapen inah, ngan irah omok murip jin labuu inah.

2 PÉTERUS 1:11

Hun keh maneu' kenat, boh keh pu'un penyukat omok tai lem Pengihau éh pelinguh jin Tuhan éh purip lu' Kristus.

2 PÉTERUS 3:15

Jian ka'ah seruh tong pengekebit kenin Tuhan lu', inah jah bi'en éh nena' Tuhan ngan keh dokoo' keh omok alaa' urip Néh. Padéé' lu' Paulus éh kemurung lu', neu' pengejam éh nena' Allah ngan néh.

2 PÉTERUS 3:3

Éh bu'un néh jian keh nesen, tai sioo' pengega' urip pu'un kuraa'-kuraa' kelunan juk betéé' ngan maneu' barék sa'at kivu kenin réh tengéé'. Irah pu'un peja' keh,

2 PÉTERUS 3:9

La'ah bé' Tuhan tipa' maneu' kekat éh pejajii' Néh, na' péh jelua' kelunan seruh Tuhan tipa' maneu' éh, uban neu' Néh kebit kenin bé' Iah keloo' jah-jah usah péh matai lem penyala' néh, bang Iah keloo' kekat kelunan pekoléé' kenin jin penyala' réh.

ÉH POLÉNG 2:21

Akeu' lepah mena' bi'en ngan néh ke' néh omok pekoléé' kenin jin penyala' néh, bang bé' iah keloo' pekoléé' kenin jin kekat barék néh éh segit.

ÉH POLÉNG 3:20

Menéng keh. Pu'un Ku' nekedéng tong usit tapé kenin keh ngan ngatong, séé'-séé' éh menéng ha' Ké' ngan mukap tapé nah, Akeu' juk masek ngan mokoo' ngan kuman ngan néh, ngan iah péh omok kuman ngan Ké'.