SURAT PAULUS NGAN SIDANG RUM 2:1 - Rengah Jian

¹ O kei, kineu' ke', pu'un keh pesala' kelunan éh jah? Séé'-séé' éh pu'un maneu' kenat, bé' éh omok bara' kenin néh pu'un teneng. Uban hun ko' pesala' kelunan éh jah uban barék réh sa'at, boh usah ko' maneu' barék inah kepéh, usah ko' péh éh sala' barei' inah ke' éh kepéh.

SURAT PAULUS NGAN SIDANG RUM 2:1 Iomraidhean Croise

LUKAS 12:14

Ha' Yésus mipa éh, O bakéh, séé' nyohoo' Akeu' ke' ké' omok seruh tong inah, ngan séé' nyohoo' Akeu' ke' ké' omok petulat livah tamen koh nah? Bé' pu'un sohoo' kenat ngan ké', ha' Yésus.

LUKAS 19:22

Ha' lakei' ja'au ngan néh kepéh, Sa'at ka'au', ka'au' jah kelunan sohoo' bang bé' ke' jam seruh. Neu' ha' ko' kenat nah, akeu' ngukum ka'au'. Ka'au' jam akeu' jah kelunan éh mahéng kenin ngan alaa' livah éh bé' anah ké' mu'un ngan majau tong éh nulah irah éh jah,

LUKAS 6:37

Ha' Yésus kepéh, Mai keh ulak pesala' kelunan boh Allah bé' pesala' keh kepéh. Mai keh ulak ngukum kelunan, boh Allah bé' ngukum keh kepéh. Hun kelunan pu'un menyat pika jin keh, jian keh pika réh ngan mai keh mihau kesa'at réh lem kenin keh, boh Allah omok mega' kesa'at keh kepéh.

SURAT PAULUS NGAN SIDANG RUM 14:22

Hun keh seruh tekep kuman éh péh ngan bé' tekep kuman éh péh, mihau éh lem kenin ko' tengéé', kejeraa' éh pu'un tong jumen Allah awah. Jian mu'un ngan kelunan éh omok kuman kekat ka'an ngan bé' pu'un ineu' petusah kenin néh.

SURAT PAULUS NGAN SIDANG RUM 2:2

Bé' Allah sala' ngukum irah éh maneu' kenat.

SURAT PAULUS NGAN SIDANG RUM 2:3

Bang barék ko' péh kei, pu'un éh pekua' barék kelunan éh pesala' ko' inah. Kineu' ke', pu'un ke' seruh ke' omok pelepu jin ukum Allah?

SURAT PAULUS NGAN SIDANG RUM 3:9

Hun néh kenat kineu' kenin améé' éh pohoo' Yahudi, pu'un éh pelapah jian jin kelunan éh tengéé' pohoo'? Adang bé'. Uban dalem kekat ha' éh benara' ké' inah ri', inah akeu' bara', kekat kelunan béé-béé pu'un lem penyukat penyala', kenat péh pohoo' Yahudi kenat péh irah éh tengéé' pohoo'.

SURAT PAULUS NGAN SIDANG RUM 9:20

O padéé' ké' séé' ka'ah ke' keh makang neteng ngan Allah? kineu' omok kuren tana' éh senuai réh barei' lajang nah neteng ngan irah éh suai éh, kineu' ko' suai akeu' ka'?

1 KORINTUS 4:5

Uban néh kenat mai ka'ah petuneng ngan maneu' kelunan pah avéé' jaka' éh kevéléé' Tuhan hun sioo' Néh tuai kepéh. Adang Iah omok pepoléng kekat penyeruh réh éh merem ngan éh pelim rai, ngan Iah pepoléng kekat pengeloo' kenin kelunan éh pelim rai. Tovoo' inah Tuhan pu'un mejing kelunan kivu pekua' penganeu' réh.

1 KORINTUS 7:16

O redo éh ngelan tong Kristus, bé' ke' jam, barang ka'au' omok mihin lakei' ko' ngelan tong Tuhan hun ko' mokoo' petem ngan néh. Kenat péh lakei' éh ngelan, bé' ke' jam, barang ka'au' omok mihin redo ko' ngelan tong Tuhan.

YAKUB 2:20

O kelunan palui, kejam keh pengelan éh bé' pu'un penganeu' ineu'-ineu' nolong irah éh jah bé' pu'un gunah néh?

YAKUB 4:11

O kekat padéé' ké', mai keh pané pesala' jah usah ngan jah usah. Séé'-séé' éh pané pesala' padéé' néh ngan nyelem petuneng barék padéé' néh ngan irah éh jah, inah seleket réh bara' ha' lem Surat Musa sala'. Hun keh pesala' Surat Musa, bé' keh kelunan éh ngerera' kenin ngan kivu éh, bang kelunan éh pesala' éh awah keh.