SURAT PAULUS NGAN SIDANG RUM 13:1 - Rengah Jian

¹ Jian siget-siget usah kivu sohoo' kekat pengeja'au peritah, uban Allah ke' éh kejeraa' irah omok pengeja'au, kenat péh kekat irah éh kereja' lem kereja' peritah, uban Allah éh kejeraa' éh kenat, inah maneu' irah pu'un kenat.

SURAT PAULUS NGAN SIDANG RUM 13:1 Iomraidhean Croise

MATIUS 6:13

Mai kejeraa' mé' teneng tong tenupat, bang jian ke' mavaa' mé' jin Sitan. Kenat ha' sebayang keh.

YOHANES 19:11

Ka' ha' Yésus mipa éh, Bé' ka'au' tengéé' pu'un penyukat, bang Allah éh kejeraa' ke' maneu' kenat awah, kenat péh kelunan éh mena' Akeu', lem kamit ko' nah, iah éh pelapah ja'au penyala' jin penyala' ko' nah, ha' Néh.

PENGANEU' LAWAH 2:41

La'ah pinaa' kelunan jin belah réh ngelan ha' tebaraa' éh benara' néh inah, ngan pu'un éh ngebatis réh. Tong dau inah péh pepit kepéh ngioo' teleu' ibu' kekat kelunan masek maréng pemung ngan irah éh lepah ngelan nah kepéh.

SURAT PAULUS NGAN SIDANG RUM 12:21

Mai keh sopéé' neu' kesa'at, bang jian keh nyopéé' kekat kesa'at palaa' pengejian.

SURAT PAULUS NGAN SIDANG RUM 13:2

Uban néh kenat séé'-séé' éh ngelawan ngan ngelapah tong ha' peritah, inah irah ngelawan tong éh neu' Allah, ngan kelunan éh ngelawan kenat, adang réh teneng kenukum Tuhan neu' pengepalui réh tengéé'.

ÉPESUS 5:21

Jian keh pata ngerera', uban keh medai tong Kristus.

1 TIMOTIUS 2:2

Ngan irah raja' kenat péh irah éh pu'un penyukat. Sebayang ngan Allah dokoo' uleu' omok murip ngida ngan pawah. Uleu' tekep seva' Allah ngan Jian tipan ngan kekat kelunan.

TITUS 3:1

Jian ke' petesen irah éh lem sidang ko', dokoo' réh omok ngerera' tong peritah ngan séé'-séé' éh pu'un penyukat, ngan kivu sohoo' réh, ngan maneu' kekat kereja' éh jian.

YUDAS 1:8

Kenat péh kekat kelunan éh bé' ngelan nah irah kivu éh seneruh réh, ngan éh seneruh réh inah mihin, réh maneu' penyala' tong usah réh tengéé'. Irah lebuau tong penyukat Allah ngan ngesa'at kekat éh maren tong seruga.

ÉH POLÉNG 1:5

Kenat péh jin Yésus Kristus éh tigéh lem kekat éh benara' Néh, Iah éh bu'un bu'un pebetéé' Allah jin patai Néh ngan Iah éh raja bau kekat raja tong tana'. Yésus pika uleu' ngan neu' dahaa' Néh, inah Iah ngelepu uleu' jin kekat penyala' lu'.

ÉH POLÉNG 17:14

Pu'un réh ngelawan Anak Domba nah, bang Anak Domba nah pemung ngan irah éh tenebai Néh ngan kevéléé' Néh, irah éh tigéh, pu'un réh nyopéé' réh teleu' raja inah, uban Anak Domba nah éh Pengeja'au bau kekat pengeja'au, ngan Raja bau kekat raja' péh, ha' néh.

ÉH POLÉNG 19:16

Tong livah pakai Néh ngan tong pa'an Néh senurat ngaran iteu', Raja' bau kekat raja ngan Tuhan bau kekat Tuhan.