SURAT PAULUS NGAN SIDANG RUM 1:9 - Rengah Jian

⁹ Allah jam akeu' sebayang ka'ah siget koléé', adang Allah jam akeu' sebayang ka'ah mu'un, bé' akeu' kenyo, Iah éh Allah éh kenelan ké' ngan ketem lo'ong kenin ké' avéé' ké' perengah Rengah Jian éh bara' tong Anak Néh.

SURAT PAULUS NGAN SIDANG RUM 1:9 Iomraidhean Croise

MARKUS 1:1

Kekat ha' lem surat iteu' inah éh bara' Rengah Jian tong Yésus Kristus éh Anak Allah.

LUKAS 18:1

Pu'un Yésus bara' jah ha' tapan ngan réh ke' réh omok jam adang tekep irah mekat sebayang ngan mai putui pengelan. Ka' ha' Néh,

PENGANEU' LAWAH 12:5

Uban kenat péh Péterus pu'un tong lamin tutup, bang irah sidang gahang mu'un réh sebayang ngan Allah tong néh.

PENGANEU' LAWAH 19:21

La'o inah kepéh Paulus juk lakau tai tana' Makedonia ngan tana' Yunani, ngan jin sinah kepéh tai Yérusalem, ka' ha' néh, Hun ké' omok avéé' sinah adang akeu' juk tai leboo' Rum kepéh, ha' néh.

PENGANEU' LAWAH 24:14

Bang akeu' bara' mu'un ngan ko', mu'un akeu' seva' Allah éh kenelan tepun mé', ngan mu'un akeu' pu'un kivu ha' tebaraa' Yésus, éh benara' réh sala', bang inah kepéh pu'un akeu' ngelan tong kekat ha' éh lepah senurat dalem Surat Musa ngan éh lem surat irah nabi Tuhan.

PENGANEU' LAWAH 27:23

Uban tovoo' merem ni'ei' ri', pu'un jah meliket éh tuai jin Allah nekedéng déhéé' ké', Allah inah éh mihau akeu' ngan inah éh seneva' ké'.

PENGANEU' LAWAH 3:26

Kenat péh Allah ngevéléé' Anak Néh ke' Anak inah tai ngan ka'ah tenah, dokoo' Néh mena' pengejian Néh ngan keh, neu' Néh mihin siget usah keh piso jin kekat kesa'at keh, ha' Péterus nah.

SURAT PAULUS NGAN SIDANG RUM 9:1

La'ah besau kenin ké' uban irah Yahudi éh pohoo' ké' mu'un, bé' réh pu'un ngelan tong Tuhan. Bé' ku' kenyo bara' ku' besau kenin kenat, usah ké' tengéé' kivu Kristus ngan kenin ké' pu'un lem nihau Sahéé' Ni'ai, akeu' jam ku' bé' pané kenyo. Besau kenin ké', keta mu'un lem kenin ké' seruh réh uban réh panak ké' mu'un bang bé' irah ngelan Tuhan.

2 KORINTUS 1:23

Akeu' bara' mu'un tong jumen Allah bé' ku' kenyo. Bang tong jalan ké' bé' angai nepah keh rai uban ké' pika keh dai ku' barei' pepit penusah keh kepéh.

2 KORINTUS 11:31

La'ah Allah, éh Tamen Tuhan Yésus, éh tekep kenajung lu' pelinguh, la'ah kejam nah ke' ku' bé' kenyo.

GALATIA 1:20

Tong kekat ha' éh senurat ké' iteu', teneng béé-béé éh, bé' akeu' kenyo, Tuhan jam, bé' akeu' kenyo.

ÉPESUS 6:18

Pakai kekat inah béé ngan sebayang menyat Tuhan nolong keh. Ngelayau sebayang kivu pengeloo' Sahéé'. Jian keh mavaa' mu'un, mai keh putui pengelan bang jian keh ngelayau sebayang tong kekat kelunan éh anah Allah.

PILIPI 1:3

La'ah siget koléé' akeu' seruh tong ka'ah, ngelayau akeu' bara' jian kenin ngan Allah.

PILIPI 1:4

Kenat péh siget koléé' hun ké' sebayang tong ka'ah pu'un ku' sebayang ngan jian kenin.

PILIPI 2:22

Ka'ah jam Timotius pu'un tigéh mu'un, iah éh seleket anak ké', amo pekua' perengah Rengah Jian.

PILIPI 3:3

bang uleu' éh pu'un pesunat éh teneng, uban uleu' seva' Allah naneu' Sahéé' Néh ngan murung naneu' urip lu' lem Kristus Yésus, bé' uleu' ngelan tong ineu'-ineu' éh omok neu' kelunan.

1 TESALONIKA 1:2

Améé' ngelayau bara' jian kenin ngan Allah uban ka'ah béé. Siget koléé mé' sebayang, améé' ngelayau sebayang tong keh.

1 TESALONIKA 3:10

Siget dau ngan siget merem améé' sebayang menyat Iah mukap jalan ke' mé' omok tai tavin ka'ah, dokoo' mé' pesukup ineu'-ineu' éh kurang dalem pengelan keh tong Kristus.

1 TESALONIKA 5:17

ngan ngelayau sebayang,

1 TIMOTIUS 2:7

Kenat péh jalan Tuhan ngevéléé' akeu' lawah Néh ngan nyohoo' ku' tai nebaraa' irah éh tengéé' pohoo' jin irah Yahudi dokoo' ké' nebaraa' réh tong pengelan tong Tuhan éh jalan éh teneng. Pu'un ku' pané mu'un bé' ku' kenyo.

2 TIMOTIUS 1:3

Akeu' bara' jian kenin ngan Allah éh kenivu ké' ngan bé' pu'un ineu'-ineu' pesala' kenin ké' barei' kekat tepun ké' sahau rai. La'ah akeu' ngelayau sebayang bara' jian kenin ngan Néh hun ké' seruh tong ka'au', siget dau ngan siget merem péh.

PILEMON 1:4

O padéé' ké', siget koléé' ké' sebayang, akeu' mateng ke' lem sebayang ké', ngan bara' jian kenin ngan Allah.