SURAT PAULUS NGAN SIDANG RUM 1:7 - Rengah Jian

⁷ Kenat péh akeu' nyurat surat iteu' ngan kekat ka'ah éh pu'un tong leboo' Rum éh penika Allah ngan éh tenebai Néh dokoo' ka'ah omok anah nah kepéh. Akeu' sebayang keh dokoo' Allah Tamen uleu' ngan Tuhan Yésus Kristus mena' penika ngan pengepawah ngan keh.

SURAT PAULUS NGAN SIDANG RUM 1:7 Iomraidhean Croise

MATIUS 5:16

Kenat péh jian rema keh iteu' nawa tong kekat kelunan, dokoo' réh omok na'at kekat penganeu' keh éh jian, ke' réh omok peparen Tamen keh éh tong seruga, ha' Néh.

YOHANES 20:17

Ka' ha' Yésus ngan néh kepéh, Mai ke' ngamit Akeu', uban bé' jak Ku' pu'un moléé' tai Tamen Ké', bang jian ke' moléé' tai tavin kekat padéé' Ké' ngan bara' ha' Ké' iteu' ngan réh. Pu'un Akeu' moléé' ngan Tamen Ké', éh Tamen ka'ah péh, ngan Allah Ké', éh Allah ka'ah péh, ha' Néh.

PENGANEU' LAWAH 15:23

Pu'un réh pekateu' surat jalan rawah, ka' ha' lem surat inah, Surat iteu' jin lawah Tuhan ngan jin pengeja'au sidang ngan jin kekat améé' padéé' keh siteu'. Tabi' ngan kekat padéé' dalem Tuhan éh tengéé' pohoo' éh mokoo' tong leboo' Antiokia ngan tong tana' Siria ngan tong tana' Kilikia péh.

PENGANEU' LAWAH 9:13

Ka' ha' Ananias kepéh, O Tuhan, pinaa' kelunan lepah bara' ngan ké' tong kesa'at kelunan inah, tong kekat éh neu' néh tong kelunan éh ngelan tong Ka'au' éh pu'un tong Yérusalem.

SURAT PAULUS NGAN SIDANG RUM 1:6

Uban kenat ka'ah éh tong leboo' Rum kepéh, Allah pu'un tebai ka'ah dokoo' ka'ah omok anah Yésus Kristus.

SURAT PAULUS NGAN SIDANG RUM 5:1

La'ah uban uleu' pu'un jian kepéh ngan Allah naneu' pengelan lu' tong Iah, inah éh mihin uleu' tunuk ngan Allah kepéh naneu' Tuhan Yésus Kristus éh kenelan lu'.

SURAT PAULUS NGAN SIDANG RUM 5:5

Hun lu' ngelan tong Allah kenat bé' lu' duah kenin uban lu' jam Allah éh pika lu', éh mena' Sahéé' Ni'ai Néh ngan uleu'.

SURAT PAULUS NGAN SIDANG RUM 8:28

Uban uleu' jam Allah ngepaléu kekat ineu'-ineu' kivu pengeloo' Néh ke' néh jian, dokoo' Néh pesavéé' pengejian ngan kekat kelunan éh pika Iah.

SURAT PAULUS NGAN SIDANG RUM 8:39

bé' pu'un ineu'-ineu' éh bau lu' ngan éh ra' lu' péh éh omok, bé' pu'un ineu'-ineu' ngan semah-semah péh éh omok pepetat lu' jin penika Allah éh pepoléng Néh ngan uleu' dalem Kristus Yésus éh Tuhan lu'.

SURAT PAULUS NGAN SIDANG RUM 9:25

Uban ka' ha' Allah dalem surat Hosea, Kekat arong kelunan éh bé' anah Ké', Akeu' juk mateng réh kepéh, kelunan éh anah Ké'. Jah pohoo' kelunan éh bé' penika Ké', Akeu' juk mateng réh kepéh, kelunan éh penika Ké'.

1 KORINTUS 1:24

Bang ngan kelunan éh tenebai Allah, irah Yahudi péh kenat péh irah éh tengéé' pohoo', tebaraa' inah, inah éh Kristus, éh penyukat Allah ngan éh pengejam Allah mu'un.

1 KORINTUS 16:23

Jian penika ké' pu'un ngan ka'ah éh murip pemung ngan Kristus Yésus.

GALATIA 6:18

O kekat padéé' ké', jian penika Tuhan Yésus Kristus pu'un ngan ka'ah béé, Amin.

ÉPESUS 1:2

Jian Allah éh Tamen lu' ngan Tuhan Yésus Kristus, mena' penika Néh ngan pengepawah Néh ngan keh.

ÉPESUS 6:23

La'ah jian Allah éh Tamen lu', ngan Tuhan Yésus Kristus, mena' pengepawah Néh ngan penika Néh ngan kekat padéé' mé' éh ngelan tong Tuhan.

PILIPI 1:2

Jian Allah éh Tamen lu', ngan Tuhan Yésus Kristus, mena' penika Néh ngan pengepawah Néh ngan keh.

PILIPI 4:13

Tong kekat éh benara' ké' iteu' omok akeu' kenat naneu' penyukat Kristus éh ngegahang akeu'.

PILIPI 4:20

La'ah jian kekat kenajung pu'un ngan Allah éh Tamen uleu', avéé' kelebéé'-lebéé' néh. Amin.

PILIPI 4:23

Jian penika Tuhan Yésus Kristus pu'un pemung ngan keh.

KOLOSÉ 1:2

ngan kekat kelunan éh anah Tuhan éh pu'un tong leboo' Kolosé, inah éh ngan kekat padéé' mé' éh tigéh éh ngelan tong Kristus. Jian Allah éh Tamen lu' mena' penika Néh ngan pengepawah Néh ngan keh.

KOLOSÉ 3:12

La'ah ka'ah péh anah Allah, pu'un Iah pika keh ngan ngevéléé' keh dokoo' keh omok anah Néh mu'un. Uban kenat ka'ah tekep pika pepika, Jian tipan, diva' kenin, dawai kenin ngan kebit kenin.

KOLOSÉ 3:15

Jian pengepawah éh nena' Kristus nolong keh maneu' pemekat tong ineu'-ineu' éh tekep naneu' keh, uban Allah lepah tebai keh dokoo' keh murip jah awah dalem pengepawah Néh.

1 TESALONIKA 1:1

Surat iteu' jin Paulus, Silas ngan Timotius, surat iteu' nena' ngan Sidang Tesalonika, éh anah Allah éh Tamen ngan Tuhan Yésus Kristus. Jian Allah mena' penika ngan pengepawah Néh ngan keh.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

1 TESALONIKA 1:4

O kekat padéé' ké' améé' jam Allah pu'un ka'ah ngan lepah ngevéléé' keh dokoo' keh omok anah nah.

1 TESALONIKA 4:7

Uban bé' Allah tebai uleu' kelu' maneu' barék éh jelemih, bang Iah tebai lu' tong kekat éh ni'ai.

1 TESALONIKA 5:28

Jian Tuhan lu' Yésus Kristus mena' pengejian ngan ka'ah béé.

2 TESALONIKA 1:2

Jian Allah éh Tamen lu', ngan Tuhan Yésus Kristus, mena' penika Néh ngan pengepawah Néh ngan keh.

2 TESALONIKA 3:16

La'ah jian Tuhan éh jalan lu' alaa' pawah kenin, ngelayau mena' pengepawah Néh ngan keh dalem kekat-kekat pengurip keh. Jian Tuhan pu'un ngan kekat keh béé.

2 TESALONIKA 3:18

Jian Tuhan lu' Yésus Kristus mena' pengejian ngan kekat ka'ah béé.

1 TIMOTIUS 1:2

akeu' éh maneu' surat iteu' ngan Timotius éh seleket anak usah ké' mu'un neu' pengelan ko' tong Tuhan. Jian Allah éh Tamen, ngan Tuhan Yésus Kristus, mena' penika Néh ngan pengasi Néh ngan pengepawah Néh ngan ko'.

1 TIMOTIUS 6:2

Kekat kelunan ripen éh pu'un lem nihau kelunan éh ngelan tong Tuhan, jian keh ngerera' tong réh, uban ka'ah péh pepadéé' lem Tuhan. Jian keh kereja' pelapah gahang kepéh ngan irah éh ngelan nah, uban irah éh alaa' oléé' jin kereja' keh inah, pu'un réh ngelan ngan pika Tuhan kepéh.

2 TIMOTIUS 1:2

Akeu' maneu' surat iteu' ngan Timotius, anak ké' éh penika ké'. Jian Allah éh Tamen, ngan Kristus Yésus éh Tuhan lu', mena' pengejian, penika ngan pengepawah Néh ngan ko'.

2 TIMOTIUS 4:22

Jian Tuhan pu'un pemung ngan ko'. Jian Allah mena' pengejian ngan kekat ka'ah béé.

TITUS 1:4

La'ah akeu' maneu' surat iteu' ngan Titus, éh seleket anak ké' mu'un dalem pengelan lu' tong Kristus. Jian Allah Tamen ngan Yésus Kristus éh purip lu' mena' pengejian ngan pengepawah ngan ko'.

PILEMON 1:25

Jian éh penika Tuhan Yésus Kristus pu'un pemung ngan kekat ka'ah béé.

PILEMON 1:3

Jian Allah éh Tamen lu', ngan Tuhan Yésus Kristus, mena' pengejian ngan pengepawah ngan kéh.

YAKUB 1:1

Surat iteu' jin Yakub, kelunan sohoo' Allah ngan Tuhan Yésus Kristus, akeu' bara' tabi' ngan kekat kelunan éh ngelan tong Allah éh purat pah tipo tana'.

1 PÉTERUS 1:15

Bang barei' Allah éh tebai ka'ah pu'un ni'ai, jian ka'ah péh ni'ai dalem kekat ineu'-ineu' penganeu' keh.

1 YOHANES 3:1

Jian keh nesen Allah matek pika lu' mu'un, avéé' lu' nateng anak Allah, adang uleu' anak Allah, bang kelunan éh tong tana' iteu' bé' réh jam lu' anak Allah. Uban kelunan tong tana' bé' réh jam Allah.

2 YOHANES 1:3

Jian Allah éh Tamen ngan Yésus Kristus Anak Néh, mena' pengejian, pengasi ngan pengepawah Néh ngan lu'. Pah avéé' uleu' pu'un alaa' kekat inah ngan kenin éh pejek, pemung ngan penika.

ÉH POLÉNG 2:1

La'ah ha' Néh kepéh, Jian ke' nyurat ha' Ké' iteu' ngan meliket tong sidang Épesus. Ka' ha' jin Iah éh ngamit tujuu' kenyuhai lem ojoo' Néh saa' na'au', éh lakau belah tujuu' pelita' mas.

ÉH POLÉNG 2:12

Jian ke' nyurat ha' Ké' iteu' ngan meliket sidang tong Pergamus. Iteu' ha' éh benara' jin Iah éh pu'un po'é éh peseripa nyahit.

ÉH POLÉNG 2:18

Jian ke' nyurat ha' Ké' iteu' ngan meliket sidang tong Tiatira. Inah ha' éh benara' Anak Allah, éh maten Néh barei' tekok luten, gem Néh mening barei temagaa' éh lepah nosoo' rai.

ÉH POLÉNG 2:29

Hun ko' pu'un kelingen omok menéng jian ke' menéng ineu' éh benara' Sahéé' Ni'ai ngan sidang!

ÉH POLÉNG 2:8

Jian ke' nyurat ha' ké' iteu' ngan meliket sidang tong Smirna. Iteu' ha' éh benara' jin Iah éh bu'un ngan éh ga' péh, éh lepah matai ngan éh murip kepéh.

ÉH POLÉNG 22:21

Jian Tuhan Yésus mena' pengejian ngan siget usah éh anah Nah.

ÉH POLÉNG 3:14

Jian ke' nyurat ha' Ké' iteu' ngan meliket sidang tong Laodikia. Iteu' ha' éh benara' jin Iah éh nateng réh Amin, Iah éh tigéh ngan teneng lem kekat éh benara' Néh; jin Iah Allah suai kekat ineu'-ineu' éh senuai Néh.

ÉH POLÉNG 3:22

Hun ko' pu'un kelingen omok menéng, jian ke' menéng ineu' éh benara' Sahéé' Ni'ai ngan sidang!

ÉH POLÉNG 3:7

Jian ke' nyurat ngan meliket sidang tong Piladelpia. Iteu' ha' éh benara' jin Iah éh ni'ai ngan tigéh. Iah ngamit kusi' éh jin Daud; hun mah Iah mukap tapé, bé' pu'un jah usah péh omok tutup éh. Hun mah Iah tutup éh, bé' pu'un jah usah péh omok mukap éh.