SURAT PAULUS NGAN SIDANG RUM 1:16 - Rengah Jian

¹⁶ La'ah bé' akeu' menyaa' bara' Rengah Jian iteu', uban Rengah Jian iteu' inah éh penyukat Allah ke' Néh purip kekat kelunan éh ngelan tong Yésus, kenat péh irah Yahudi, kenat péh irah éh tengéé' pohoo'.

SURAT PAULUS NGAN SIDANG RUM 1:16 Iomraidhean Croise

MARKUS 8:38

Uban kelunan éh medai bara' tong pengelan tong Akeu' ngan tong ha' tebaraa' Ké', Anak Kelunan péh menyaa' tong kelunan inah, tovoo' Néh tuai kepéh dalem kekat pengaren Tamen Néh pemung ngan meliket Néh éh ni'ai, ha' Yésus ngan réh.

LUKAS 9:26

Uban kelunan séé'-séé' éh leko tong Akeu' ngan leko tong ha' tebaraa' Ké', Anak Kelunan leko tong iah sioo' savéé' Néh tuai kepéh dalem kekat pengaren Tamen Néh ngan pengaren meliket Néh péh.

YOHANES 7:35

Boh irah Yahudi pané belah irah ke', ka' ha' réh, Semah Éh juk tai nah ke' uleu' bé' omok tai temeu' ngan Néh. Kineu' Éh juk tai ngan irah Yahudi éh mokoo' tong tana' éh jah, ke' réh mokoo' belah kelunan éh tengéé' pohoo' ngan nebaraa' réh.

PENGANEU' LAWAH 3:26

Kenat péh Allah ngevéléé' Anak Néh ke' Anak inah tai ngan ka'ah tenah, dokoo' Néh mena' pengejian Néh ngan keh, neu' Néh mihin siget usah keh piso jin kekat kesa'at keh, ha' Péterus nah.

SURAT PAULUS NGAN SIDANG RUM 10:17

Hun kelunan menéng ha' tebaraa' Tuhan, boh réh omok ngelan, inah éh hun lu' bara' Rengah Jian tong Kristus ngan réh.

SURAT PAULUS NGAN SIDANG RUM 15:19

ngan neu' kuraa' telana' ja'au éh ngebéé kenin réh, ngan neu' penyukat Sahéé' Ni'ai kepéh. La'ah jin Yérusalem avéé' tong tana' Ilirikum pu'un akeu' tai bara' Rengah Jian tong Kristus ngan réh.

SURAT PAULUS NGAN SIDANG RUM 15:29

La'ah akeu' jam tovoo' ké' tuai tavin ka'ah, adang ka'ah pu'un alaa' kekat pengejian Kristus.

SURAT PAULUS NGAN SIDANG RUM 2:9

Kekat kelunan éh petem maneu' kesa'at adang réh pu'un keta ngan tusah kepéh vam, irah éh pohoo' Yahudi péh, kenat péh irah éh tengéé' pohoo' péh.

SURAT PAULUS NGAN SIDANG RUM 4:11

La'o inah boh éh pesunat, ngan sunat nah éh telana' éh neu' Allah éh bara' naneu' pengelan Abraham tong Allah inah jalan Allah alaa' iah seleket kelunan éh jian kepéh ngan Néh. Abraham nah seleket tepun kekat kelunan éh bé' kivu adet sunat, bang éh ngelan tong Allah ngan éh nalaa' Allah seleket kelunan éh jian mu'un kepéh ngan Néh.

1 KORINTUS 15:2

La'ah Rengah Jian inah bara' tong jalan ka'ah alaa' urip maréng, inah ha' tebaraa' éh benara' ké' ngan keh rai. Hun keh ngelan éh mu'un adang keh alaa' urip, inah éh hun pengelan keh rai bé' tuyah-tuyah awah.

1 KORINTUS 2:2

Kelebéé' ké' pu'un ngan keh, jah awah kenin ké', inah éh juk bara' Yésus Kristus matai ngan keh, ngan bara' tong pematai Néh tong kayeu' salib.

1 KORINTUS 2:4

La'ah ha' tosok ké' ngan ha' tebaraa' ké' inah rai, bé' éh barei' ha' tebaraa' kelunan éh jam seruh, éh pinaa' arong pengejam, bang pu'un éh neu' penyukat Sahéé' Allah. Ke' ka'ah omok ngelan.

1 KORINTUS 9:12

Hun kelunan éh jah omok alaa' éh jin ka'ah, makin péh améé' kepéh. Bang na' péh tekep keh tagong améé', bé' mé' nyohoo' keh. Bang améé' ngeretep awah dalem kekat inah, dai améé' mapat Rengah Jian Kristus.

1 KORINTUS 9:18

Hun néh kenat, ineu' éh oléé' néh tong akeu' kepéh? Inah éh, kemurung neu' Tuhan ngevéléé' akeu' bara' Rengah Jian Néh ngan bé' menyat ineu'-ineu' jin kelunan, ngan bé' nyohoo' kelunan maneu' ineu'-ineu' tagong akeu'.

2 KORINTUS 2:12

La'ah tovoo' ké' avéé' tong Troas rai dokoo' ké' perengah Rengah Jian tong Kristus, kejam ké' Tuhan pu'un ngusii' kenin kuraa'-kuraa' kelunan sinah.

2 KORINTUS 4:4

Bé' irah ngelan uban Sitan éh pengeja'au tana' iteu' memeseu' maten kenin réh, inah maneu' réh bé' omok na'at nawa éh perema tong irah, nawa éh jin Rengah Jian éh bara' tong pengaren Kristus éh pekua' mu'un ngan Allah lem ineu'-ineu' péh.

2 KORINTUS 9:13

Uban neu' pengena' keh kenat, inah éh pepoléng pengereken keh dalem pengelan keh, inah mihin kelunan pinaa' peparen Allah uban ka'ah maneu' pekua' éh kenakun keh tong Rengah Jian Kristus, neu' penika keh mena' ngan irah ngan mena' ngan kelunan éh jah kepéh.

GALATIA 1:7

Éh mu'un bé' pu'un rengah jian éh tengéé' jin éh benara' améé', bang akeu' pané kenat uban kelunan pu'un petusah kenin keh ngan juk ngepaléu Rengah Jian éh jin Kristus.

1 TESALONIKA 2:13

La'ah jah jalan kepéh améé' ngelayau bara' jian kenin ngan Allah. Uban hun mé' tuai bara' ha' tebaraa' Allah ngan keh rai, pelapah ka'ah alaa' ha' tebaraa' mé', bé' ka'ah seruh éh barei' ha' éh jin kelunan awah, ka'ah jam éh matek ha' Allah mu'un. Teneng kenin keh seruh éh kenat. Uban Allah ngelayau kereja' lem kenin ka'ah éh ngelan.

1 TIMOTIUS 1:11

La'ah inah éh tebaraa' éh pu'un lem Rengah Jian éh nena' Tuhan lem nihau ké', ke' ké' bara' éh kepéh, inah éh Rengah Jian jin Allah éh maren mu'un ngan éh tekep nejing lu'.

2 TIMOTIUS 1:12

La'ah kenat péh akeu' sioo' keta dalem kekat penganeu' ké' iteu'. Na' péh kenat bé' akeu' menyaa', uban ké' jam Iah éh kepelum ké' ngan akeu' jam Iah pu'un penyukat omok mihau kekat éh lepah nena' néh ngan ké', pah avéé' pengega' dau.

2 TIMOTIUS 1:16

Jian Tuhan masi kelunan tong lamin Onésiporus, uban pinaa' koléé' néh ngejian kenin ké' rai. Bé' iah menyaa' hun néh jam akeu' pu'un tong lamin tutup,

2 TIMOTIUS 1:8

Uban néh kenat mai ke' medai bara' tong pengelan ko', kenat péh mai ke' menyaa' bara' tong pengelan ko', kenat péh mai ke' menyaa' uban ké pu'un tong lamin tutup uban Kristus. Bang jian ke' pemung ngan ké' lem pengeketa neu' lu' bara' Rengah Jian tong Kristus. Adang Allah omok ngegahang ke' dokoo' ko' omok ngeretep.

IBRANI 4:12

Ha' tebaraa' Tuhan inah murip ngan pu'un penyukat, pelapah nyahit jin po'é éh peseripa nyahit. Ha' tebaraa' Tuhan inah masek dilem avéé' tong urip ngan sahéé' avéé' tong kekat bukun tulang ngan utek péh. Ha' tebaraa' Tuhan petuneng penyeruh ngan pengeloo' kenin kelunan.

1 PÉTERUS 4:16

Uban hun keh teneng pengeketa uban ngaran keh Kristén, mai keh menyaa', bang jian keh mejing Allah, uban keh anah Kristus.