SURAT PAULUS NGAN SIDANG RUM 1:12 - Rengah Jian

¹² Inah éh dokoo' ka'ah ngan akeu' péh, pekua' pu'un reken kenin, ka'ah omok reken neu' pengelan ké' akeu' omok reken neu' pengelan ka'ah.

SURAT PAULUS NGAN SIDANG RUM 1:12 Iomraidhean Croise

PENGANEU' LAWAH 11:23

Hun néh avéé' sitai ngan jam Allah mena' pengejian Néh ngan réh, murung kenin néh. Pu'un éh nyohoo' réh mihau ha' tebaraa' Tuhan lem kenin réh mu'un ngan petem dalem Tuhan.

SURAT PAULUS NGAN SIDANG RUM 1:11

Gahang mu'un-mu'un kenin ké' juk tuai jam ka'ah dokoo' ké' omok tulat kepéh pengena' éh nena' Sahéé' Ni'ai éh pu'un ngan ké' ke' néh omok pepit kegahang keh kepéh.

SURAT PAULUS NGAN SIDANG RUM 1:13

O kekat padéé' ké', mai keh seruh akeu' bé' pu'un pitah jalan tuai nepah ka'ah, pinaa' tenéh koléé' ké' lepah pitah jalan juk tuai tavin ka'ah bang meraran awah ku'. Akeu' juk tuai kenat jalan ké' omok mihin kuraa' usah jin belah ka'ah ngelan tong Tuhan, barei' irah éh lepah pu'un ngelan Tuhan jin belah kuraa' arong kelunan éh tengéé' pohoo' jin irah Yahudi nah rai.

SURAT PAULUS NGAN SIDANG RUM 15:24

hun iteu' akeu' ngelan omok angai da'. Tovoo' ké' lakau tai tana' Sepanyol akeu' juk mokoo' ngan keh jak, la'o inah boh keh omok nolong akeu' tai.

SURAT PAULUS NGAN SIDANG RUM 15:32

Ngan inah kepéh hun néh pengeloo' Allah, dokoo' ké' omok angai ngan murung kenin, ngan alaa' jian kenin pemung ngan ka'ah kepéh.

2 KORINTUS 7:13

Inah éh maneu' améé' gahang kenin kepéh. Bé' améé' pu'un gahang awah, bang améé' murung kepéh. Titus éh maneu' améé' murung kenin, uban iah pu'un murung kenin tong kekat jalan keh ngejian kenin néh rai.

ÉPESUS 4:5

La'ah jah awah Tuhan, jah awah pengelan éh jalan lu' alaa' urip Néh, jah awah pengebatis,

2 TIMOTIUS 1:4

Pu'un ku' nesen baa' maten ko' rai, ngan tawai ku' juk temeu' ngan ko' kepéh, dokoo' ké' omok murung mu'un.

TITUS 1:4

La'ah akeu' maneu' surat iteu' ngan Titus, éh seleket anak ké' mu'un dalem pengelan lu' tong Kristus. Jian Allah Tamen ngan Yésus Kristus éh purip lu' mena' pengejian ngan pengepawah ngan ko'.

2 PÉTERUS 1:1

Surat iteu' jin Simon Peterus, kelunan sohoo' éh lawah Yésus Kristus. Surat iteu' nena' ké' ngan kelunan éh ngelan tong Kristus pekua' améé' éh ngelan tong Néh. Yésus Kristus, inah éh Allah éh pepurip lu', maneu' lu' kelu' omok ngelan tong Néh uban Iah éh maneu' kekat éh teneng.

2 YOHANES 1:4

La'ah jian mu'un kenin ké' menéng rengah pu'un kuraa' anak ko' éh murip dalem kekat éh teneng, pekua' éh sohoo' Allah éh Tamen lu'.

YUDAS 1:3

O kekat padéé' éh kemurung ké'! Akeu' lepah maneu' surat ngan keh tong jalan urip lu' dalem Tuhan. Bang akeu' juk ngegahang kenin keh jin surat iteu' ngan nyohoo' keh ngelawan ineu'-ineu' éh juk ngebéé pengelan éh lepah nena' Allah jah koléé' awah ngan irah éh anah Nah avéé' pelinguh-linguh.