SURAT PAULUS NGAN SIDANG RUM 1:1 - Rengah Jian

¹ Surat iteu' jin akeu' Paulus éh kelunan sohoo' Kristus Yésus, akeu' pu'un kevéléé' Allah ngan tenebai Néh dokoo' ké' lawah Néh ngan perengah Rengah Jian.

SURAT PAULUS NGAN SIDANG RUM 1:1 Iomraidhean Croise

MARKUS 1:14

La'o Yohanes Batis kenamit réh tong lamin tutup, Yésus tai tong tana' Galilia ke' Néh bara' Rengah Jian tong Allah ngan réh.

YOHANES 12:26

Séé'-séé' éh juk maneu' kereja' Ké', jian éh kivu Akeu' mu'un, dokoo' semah-semah Akeu' pu'un, sinah ke' kelunan éh kivu sohoo' Ké' inah. Séé'-séé' éh maneu' kereja' Ké' kenat, Tamen Ké' ngajung éh, ha' Yésus ngan réh.

YOHANES 15:15

Bé' Akeu' bara' ka'ah kelunan sohoo', uban kelunan sohoo' bé' éh jam ineu' éh juk neu' pengeja'au néh. Bang Akeu' bara' ka'ah bakéh Ké', uban pu'un Ku' bara' ngan keh kekat éh nenéng Ké' jin Tamen Ké'.

YOHANES 15:20

Jian keh seruh kepéh tong éh benara' Ké' ngan keh rai, kelunan sohoo' bé' éh ja'au ngaran jin pengeja'au néh. Hun néh kenat jian keh jam hun irah peketa Akeu', adang réh juk peketa keh kepéh. Hun réh mihau ha' tebaraa' Ké', adang réh keloo' mihau ha' tebaraa' keh kepéh.

PENGANEU' LAWAH 13:9

Boh Saulus éh nateng réh Paulus nah, éh penoo' neu' Sahéé' Ni'ai, kepuh lakei' éh mihau balei' nah,

PENGANEU' LAWAH 20:24

Bang bé' akeu' paréé' urip ké', sokoh ke' ku' omok pesukup kekat kereja' éh na' Tuhan Yésus ngan ké', inah éh, bara' Rengah Jian tong penika Allah.

PENGANEU' LAWAH 21:40

Boh lakei' ja'au nah kejeraa' éh pané ngan réh. Nekedéng Paulus tong jan ngan mapat réh palaa' ojoo' néh. Hun réh pawah ke' ha' boh éh pané lem ha' Ibrani, ka' ha' néh.

PENGANEU' LAWAH 22:21

Ka' ha' Tuhan ngan ké' kepéh, Lakau ke', Akeu' juk nyohoo' ke' tai juu', avéé' tong kelunan éh tengéé' pohoo' jin pohoo' Yahudi. Kenat ha' Tuhan ngan ké' rai, ha' Paulus.

PENGANEU' LAWAH 22:7

Tioo pesut ku' kuba' tong tana', boh ku' menéng jah ha' éh bara' ka' ngan ké', Saulus, Saulus, uban ineu' ke' peketa Akeu', ha' Néh.

PENGANEU' LAWAH 26:1

La'ah ka' ha' Agripa ngan Paulus, Hun ko' keloo' bara' kekat rungen éh juk benara' ko', omok ke' bara' éh, ha' néh. Pelapah Paulus mejing ojoo' néh ke' néh pané, ka' ha' néh,

PENGANEU' LAWAH 26:14

Kuba' mé' béé tong tana' neu' ada inah, boh ku' menéng jah ha' éh bara' ngan ké' lem ha' Yahudi, ka' ha' néh, Saulus, Saulus, Kineu' ke' peketa Akeu'? Tusah kenin ko' ngelawan Akeu' kenat hun ko' to ngelawan ka'au' ngesakit usah ko' tengéé' barei' lakin sapé' éh nyurung tapak kayeu' éh nyahit rai ha' néh.

PENGANEU' LAWAH 27:23

Uban tovoo' merem ni'ei' ri', pu'un jah meliket éh tuai jin Allah nekedéng déhéé' ké', Allah inah éh mihau akeu' ngan inah éh seneva' ké'.

PENGANEU' LAWAH 9:15

Ka' ha' Tuhan ngan néh kepéh, Jian ke' tai tavin éh, uban pu'un Ku' lepah ngevéléé' éh ke' néh bara' ngaran Ké' belah kelunan éh tengéé' pohoo', kenat péh tong irah éh raja', avéé' tong pohoo' Yahudi kepéh.

SURAT PAULUS NGAN SIDANG RUM 1:16

La'ah bé' akeu' menyaa' bara' Rengah Jian iteu', uban Rengah Jian iteu' inah éh penyukat Allah ke' Néh purip kekat kelunan éh ngelan tong Yésus, kenat péh irah Yahudi, kenat péh irah éh tengéé' pohoo'.

SURAT PAULUS NGAN SIDANG RUM 1:5

Jin Kristus, Allah lepah mena' penika Néh ngan ké' iah tebai akeu' lawah Néh dokoo' mihin siget arong kelunan ngelan tong Iah ngan kivu Éh kepéh.

SURAT PAULUS NGAN SIDANG RUM 1:9

Allah jam akeu' sebayang ka'ah siget koléé', adang Allah jam akeu' sebayang ka'ah mu'un, bé' akeu' kenyo, Iah éh Allah éh kenelan ké' ngan ketem lo'ong kenin ké' avéé' ké' perengah Rengah Jian éh bara' tong Anak Néh.

SURAT PAULUS NGAN SIDANG RUM 11:13

Hun iteu' kepéh akeu' pané ngan kelunan éh tengéé' pohoo' jin irah Yahudi, kelebéé' ké' lawah Tuhan belah irah éh tengéé' pohoo' adang muruh mu'un ku' kereja'.

SURAT PAULUS NGAN SIDANG RUM 15:16

dokoo' ké' omok maneu' kereja' Kristus Yésus belah kelunan éh tengéé' pohoo'. Lem ké' bara' Rengah Jian éh jin Allah ngan kelunan éh tengéé' pohoo' kenat, dokoo' ké' omok mena' réh ngan Allah, barei' kelunan éh mena' ka'an ngan Tuhan rai, kenat péh akeu' mena' réh ngan Allah ke' réh omok anah nah neu' Sahéé' Ni'ai.

SURAT PAULUS NGAN SIDANG RUM 15:29

La'ah akeu' jam tovoo' ké' tuai tavin ka'ah, adang ka'ah pu'un alaa' kekat pengejian Kristus.

SURAT PAULUS NGAN SIDANG RUM 16:18

Uban bé' réh maneu' kereja' Kristus éh Tuhan uleu', bang irah maneu' kekat éh omok ngejian kenin réh tong kemagat réh éh sa'at. La'ah neu' ha' réh éh méé ngan jian, inah irah ngelavo' kelunan éh bé' malai.

SURAT PAULUS NGAN SIDANG RUM 16:25

Jian lu' mejing Allah. Iah pu'un penyukat ngereken kenin ka'ah dalem pengelan keh tong Rengah Jian éh benara' ké' tong Yésus Kristus. Adang Tuhan juk purip ka'ah éh tengéé' pohoo'. Hun sahau rai bé' kelunan jam tong kenin Tuhan kenat uban néh pelim,

1 KORINTUS 1:1

Akeu' Paulus éh tenebai Allah ké' omok lawah Kristus Yésus, kivu pengeloo' kenin Allah awah, amo Sostenes éh padéé' keh dalem Tuhan.

1 KORINTUS 9:1

Bé' akeu' ripen tong adet sebayang ineu'-ineu'. Adang keh jam akeu' éh kelunan éh pelepu. Akeu' jah lawah Tuhan. Pu'un ku' na'at Yésus éh Tuhan lu'. Ka'ah péh pu'un ngelan tong Tuhan neu' kereja' ké' iteu'.

2 KORINTUS 1:1

Akeu' Paulus éh lawah Yésus Kristus neu' pengeloo' Allah, ngan Timotius éh padéé' lu', amo éh maneu' surat iteu' ngan sidang Allah éh pu'un tong leboo' ja'au Korintus, kenat péh ngan kekat kelunan éh anah Allah éh pu'un tong tana' Akhaya.

2 KORINTUS 11:5

Bang kioo' ké' bé' akeu' kurang jin irah lawah keh éh benara' keh jian mu'un.

2 KORINTUS 11:7

Hun ké' tuai rai ngan bara' Rengah Jian tong Allah ngan keh, bé' ku' menyat ineu'-ineu' jin keh. Akeu' ngediva' kenin ké' dokoo' ké' ngeja'au ka'ah. Kineu', sala' ku' maneu' kenat kei?

2 KORINTUS 12:11

Pu'un ku' pané barei' kelunan éh palui awah, bang ka'ah éh maneu' akeu' pané kenat. Éh mu'un néh tekep ka'ah ngajung akeu', uban na' péh akeu' kelunan éh adek ke' awah, bé' akeu' kurang jin irah lawah éh jah éh kenajung keh nah.

2 KORINTUS 2:12

La'ah tovoo' ké' avéé' tong Troas rai dokoo' ké' perengah Rengah Jian tong Kristus, kejam ké' Tuhan pu'un ngusii' kenin kuraa'-kuraa' kelunan sinah.

2 KORINTUS 4:5

Bé' améé' lakau ke' mé' bara' tong penganeu' usah mé' tengéé', bang pu'un mé' bara' Yésus Kristus Iah éh Tuhan, améé' éh kelunan sohoo' Néh awah, dokoo' mé' nolong keh uban penika Yésus ngan améé'.

GALATIA 1:1

Akeu' Paulus, bara' tabi' ngan sidang tong tana' Galatia. Akeu' kevéléé' ke' ké' lawah Néh, naneu' Yésus Kristus ngan Allah Tamen lu' éh lepah pebetéé' Yésus jin pematai Néh. Bé' éh jin kelunan ngan kevéléé' kelunan péh.

ÉPESUS 1:1

Akeu' Paulus lem pengeloo' Allah lawah Kristus Yésus, akeu' éh maneu' surat iteu' ngan kekat kelunan éh anah Allah éh mokoo' tong leboo' Épesus, ngan éh tigéh dalem urip réh lem Kristus Yésus.

ÉPESUS 1:13

Kenat éh ngan ka'ah kepéh, hun keh menéng ha' tebaraa' éh teneng, inah éh Rengah Jian éh jalan keh alaa' urip maréng, hun keh menéng éh pu'un keh ngelan tong Kristus, uban Allah nelana' ka'ah éh anah nah, inah éh Iah mena' Sahéé' Ni'ai ngan keh éh lepah pejajii' Néh.

ÉPESUS 4:11

Pu'un Iah mena' kuraa' pengena' ngan kelunan ke' réh omok nolong sidang, Iah ngevéléé' jelua' réh ke' réh omok lawah Néh, jelua' kepéh ke' réh nabi, jelua' kepéh ke' réh perengah Rengah Jian tong Yésus, jelua' kepéh ke' réh gembala mihau sidang, ngan jelua' kepéh ke' réh guru nebaraa' tong sidang.

PILIPI 1:1

Amo Paulus ngan Timotius éh kelunan sohoo' Kristus Yésus, amo maneu' surat iteu' ngan kekat kelunan éh anah Allah éh mokoo' tong tana' Pilipi éh ngelan tong Kristus Yésus, pemung ngan kekat pengeja'au ngan irah éh jah péh éh nolong tong sidang.

PILIPI 2:11

Ngan kekat néh béé bara' Yésus Kristus Iah éh pengeja'au. Neu' ha' réh kenat pu'un réh peparen Allah éh Tamen.

KOLOSÉ 1:1

Akeu' Paulus lem pengeloo' Allah éh lawah Kristus Yésus, ngan padéé' lu' Timotius amo éh maneu' surat iteu'

KOLOSÉ 1:25

La'ah akeu' éh kevéléé' Allah dokoo' ké' nolong sidang Néh Iah nyohoo' ku' maneu' kereja' iteu' dokoo' nolong ka'ah. Kereja' ké' iteu', inah éh dokoo' ké' bara' rengah Néh.

1 TESALONIKA 2:2

La'ah ka'ah jam tong jalan kelunan peketa mé' ngan pekenyaa' mé' hun mé' mokoo' keto tong tana' Pilipi rai, bé' jak mé' tai tavin ka'ah tong Tesalonika rai. Na' péh irah tong tana' Pilipi peketa mé', ngan irah Tesalonika ngelawan mé' mu'un, Tuhan ngegahang kenin mé' dokoo' mé' tai bara' Rengah Jian Néh ngan keh kepéh.

1 TESALONIKA 2:8

Uban améé' pika ka'ah kenat, améé' keloo' bara' Rengah Jian éh jin Allah ngan keh, bang bé' éh kenat awah, bang pah avéé' laset mé' péh, uban mé' murung ka'ah mu'un-mu'un.

1 TESALONIKA 2:9

O kekat padéé' ké', adang keh jam tong kemutau ngan penusah mé' kereja' belah ka'ah. Putung dau ngan putung merem mé' kereja' dai améé' petusah ka'ah kelebéé' mé' bara' Rengah Jian éh jin Allah ngan keh.

1 TIMOTIUS 1:1

Akeu' Paulus éh lawah Kristus Yésus neu' sohoo' Allah éh pepurip lu', pemung ngan Yésus Kristus éh kenelan lu',

1 TIMOTIUS 2:7

Kenat péh jalan Tuhan ngevéléé' akeu' lawah Néh ngan nyohoo' ku' tai nebaraa' irah éh tengéé' pohoo' jin irah Yahudi dokoo' ké' nebaraa' réh tong pengelan tong Tuhan éh jalan éh teneng. Pu'un ku' pané mu'un bé' ku' kenyo.

2 TIMOTIUS 1:11

La'ah pu'un Allah ngevéléé' akeu' ké' lawah Néh ngan guru Néh ke' ké' bara' Rengah Jian Néh.

TITUS 1:1

Surat iteu' jin akeu' Paulus kelunan sohoo' Allah ngan lawah Yésus Kristus. Pu'un Allah ngevéléé' akeu' dokoo' ké' omok ngereken pengelan kelunan éh anah Allah, ngan mihin réh jam tong ha' tebaraa' éh teneng dalem sebayang mé'.

IBRANI 5:4

Bé' éh séé'-séé' éh keloo' Imam éh pengeja'au kekat imam éh omok alaa' kereja' inah bang jin penebai Allah kelunan omok Imam éh pengeja'au kekat imam barei' éh teneng tong Harun rai.

IBRANI 7:26

Yésus nah, Iah Imam éh pengeja'au kekat imam lu' éh omok nolong lu' mu'un. Iah pu'un ni'ai, bé' pu'un ineu'-ineu' sala' ngan kesa'at lem Néh, tengéé' éh jin pohoo' kelunan penyala', Iah pu'un bau tong seruga ngan kenajung réh.

YAKUB 1:1

Surat iteu' jin Yakub, kelunan sohoo' Allah ngan Tuhan Yésus Kristus, akeu' bara' tabi' ngan kekat kelunan éh ngelan tong Allah éh purat pah tipo tana'.

1 PÉTERUS 4:17

Uban avéé' lah jaka' Allah petuneng kekat kelunan, bu'un-bu'un Iah juk petuneng irah éh anah Nah. Hun uleu' éh ngelan saa' tenah petuneng Néh, matek tusah mu'un tong ga' néh ngan kelunan éh bé' ngelan tong Rengah jian éh jin Allah pu'un kenat tong uleu' éh ngelan, kineu' kepéh tong kelunan éh pohoo' néh bé' ngelan tong Rengah Jian éh jin Allah?

2 PÉTERUS 1:1

Surat iteu' jin Simon Peterus, kelunan sohoo' éh lawah Yésus Kristus. Surat iteu' nena' ké' ngan kelunan éh ngelan tong Kristus pekua' améé' éh ngelan tong Néh. Yésus Kristus, inah éh Allah éh pepurip lu', maneu' lu' kelu' omok ngelan tong Néh uban Iah éh maneu' kekat éh teneng.

YUDAS 1:1

Akeu' Yudas, kelunan éh sohoo' Yésus Kristus, éh padéé' Yakub rai, akeu' maneu' surat iteu' ngan kekat kelunan éh tenebai Allah éh pu'un petem dalem kemurung Allah éh Tamen lu', inah éh ngan kekat kelunan éh pu'un lem nihau Yésus Kristus.

ÉH POLÉNG 1:1

Surat iteu' pu'un bara' tong kekat éh Pepoléng Yésus Kristus ngan Yohanes. Allah bara' éh ngan Kristus, ngan Kristus pepoléng ineu' éh, juk avéé' bé' makat lebéé' la'ah, ngan irah éh sohoo' Allah. Kristus nyohoo' meliket Néh dokoo' bara' ngan Yohanes, kelunan sohoo' Néh, tong kekat inah.

ÉH POLÉNG 22:6

Boh meliket inah bara' ka' ngan ké', Kekat ha' inah teneng éh omok ke' ngelan éh. La'ah Tuhan Allah éh mena' Sahéé' Néh ngan irah nabi Néh, Iah nyohoo' meliket Néh tai bara' ngan irah éh sohoo' Néh ke' réh omok jam tong kekat éh danii' juk pu'un kepéh, ha' néh.

ÉH POLÉNG 22:9

Bang ka' ha' néh ngan ké', Mai ke' maneu' kenat, akeu' péh kelunan éh sohoo' Tuhan barei' ka'au', ngan barei' kekat padéé' ko' éh bara' ha' Tuhan ngan kelunan, ngan barei' kekat irah éh jah éh kivu kekat ha' lem surat iteu'. Jian ke' seva' Allah, ha' néh.