PILIPI 4:9 - Rengah Jian

⁹ La'ah tong kekat éh lepah pekalai keh ngan kekat éh nenéng keh, ngan éh ta'an keh tong akeu' nah, jian keh maneu' éh pekua' éh naneu' ke' nah kepéh. La'ah jian Tuhan Allah éh mena' Pengepawah Néh ngan uleu' pu'un pemung ngan ka'ah.

PILIPI 4:9 Iomraidhean Croise

MATIUS 1:23

Ka' ha' néh, la'ah redo lemanai éh bé' jak tavin lakei' pu'un éh nemaléé', ngan iah juk nganak jah anak lakei', ngaran néh éh nateng réh, Imanuel, ha' néh. Sin tong ngaran Imanuel, Allah pu'un ngan lu'.

MATIUS 28:20

Jian keh nebaraa' réh kivu kekat sohoo' Ké' ngan keh. Nesen keh, Adang Akeu' ngelayau pu'un ngan keh pah avéé' ga' tana' ha' Néh.

MATIUS 7:21

Ha' Yésus kepéh, Bé' éh siget-siget usah éh mateng Akeu', Tuhan, Tuhan, éh omok tai lem nihau Ké', bang kelunan éh maneu' kekat éh pengeloo' Tamen Ké' éh pu'un tong seruga, éh omok tai lem pengihau Ké'.

LUKAS 6:46

Ha' Yésus kepéh, Uban ineu' keh bara' Akeu' Tuhan keh hun keh bé' kivu sohoo' ké'?

LUKAS 8:21

Ha' Yésus mipa réh, Inah éh tinen ngan padéé' ké' mu'un, kelunan éh menéng ha' tebaraa' Allah ngan kivu éh kepéh, ha' néh.

YOHANES 13:17

Hun iteu' kejam keh éh kenat, hun keh pu'un kivu ngan maneu' éh kenat, boh keh pu'un murung mu'un.

YOHANES 15:14

Hun keh kivu kekat sohoo' Ké', boh keh omok bakéh Ké'.

YOHANES 2:5

Ka' ha' tinen Néh ngan kelunan sohoo', Ineu'-ineu' éh sohoo' Néh ngan keh, jian keh maneu' éh, ha' néh.

PENGANEU' LAWAH 9:6

Betéé' ke' tai leboo' inah, hun ko' avéé' sitai da', boh éh bara' ineu' éh tekep ko' maneu', ha' Tuhan ngan néh.

SURAT PAULUS NGAN SIDANG RUM 15:33

Jian Allah éh mihin lu' murip pawah, jian Iah pu'un pemung ngan ka'ah béé. Amin.

SURAT PAULUS NGAN SIDANG RUM 16:20

La'ah Allah éh mihin lu' pawah, iah éh omok nyaga' Sitan ra' gem keh. La'ah jian Yésus Kristus Tuhan lu' pu'un pepit penika Néh ngan ka'ah.

1 KORINTUS 10:31

Uban néh kenat dalem kekat penganeu' keh, hun keh kuman hun keh mesep péh, maneu' éh béé-béé dokoo' peparen Allah.

1 KORINTUS 14:33

uban Allah bé' Iah tebai lu' dokoo' lu' maneu' kekat éh bé' tatu' bang Iah tebai lu' dokoo' lu' maneu' éh ngan jian. Pekua' éh pu'un dalem kekat sidang éh anah Allah,

1 KORINTUS 4:16

Uban néh kenat akeu' nyohoo' ka'ah kivu uban ké' kepéh.

2 KORINTUS 13:11

O kekat padéé' ké', iteu' awah kekat ha' ké'. Jian keh peteneng kekat jalan keh dokoo' keh omok teneng ngan sukup mu'un, jian keh menéng kekat ha' ké' inah, jian ka'ah pekua' kenin murip ngan pawah. La'ah Allah éh jalan kekat penika ngan pengepawah pu'un, jian Iah pu'un pemung ngan ka'ah.

PILIPI 3:17

O kekat padéé' ké', jian ka'ah kivu uban ké'. Pu'un mé' lepah bara' jalan ngan ka'ah, jian keh kivu kelunan éh kivu barék éh teneng inah.

PILIPI 4:7

La'ah pengepawah éh jin Allah, éh tengéé' mu'un jin kekat ineu'-ineu' éh omok kejam kelunan, omok éh mihau kenin keh ngan penyeruh keh dalem Kristus Yésus.

1 TESALONIKA 1:6

Pu'un keh kivu pengurip améé' dalem Tuhan ngan kivu pengurip Tuhan Yésus péh. Na' péh ka'ah pinaa' arong penusah, pu'un keh alaa' ha' tebaraa' mé' ngan murung kenin, kemurung éh jin Sahéé' Ni'ai.

1 TESALONIKA 2:14

O kekat padéé' ké', ka'ah iteu' teneng penusah pekua' éh pu'un tong irah sidang Allah tong tana' Yudea, ngan irah éh anah Kristus Yésus. Irah pohoo' ka'ah ke' éh peketa keh pekua' barei' irah Yahudi peketa irah éh pohoo' irah ke' éh ngelan tong Tuhan.

1 TESALONIKA 5:23

La'ah jian Allah éh mena' pengepawah Néh ngan uleu', maneu' keh anah nah mu'un, ngan mihau sahéé' keh, ngan kenin keh, ngan usah keh jin kekat éh sa'at, pah avéé' penyavéé' Tuhan Yésus Kristus.

2 TESALONIKA 3:4

La'ah dalem Tuhan améé' ngelan adang keh maneu' ngan keloo' maneu' kekat éh senohoo' mé' ngan keh.

2 TIMOTIUS 4:22

Jian Tuhan pu'un pemung ngan ko'. Jian Allah mena' pengejian ngan kekat ka'ah béé.

YAKUB 1:22

Mai keh ngelavo' usah keh tengéé' ngan menéng ha' tebaraa' néh awah. Bang jian keh kivu pekua' ha' tebaraa' Néh.

2 PÉTERUS 1:10

Uban néh kenat o kekat padéé' ké', jian keh mekat pekalai dokoo' pekelenaa', ka'ah éh tenebai Allah ngan éh kevéléé' Néh. Hun keh maneu' kenat, bé' keh peleraa' jin pengelan keh kepéh.

1 YOHANES 3:22

ngan ineu'-ineu' éh pengenyat lu', adang lu' omok alaa' éh uban uleu' kivu kekat sohoo' Néh ngan maneu' kekat éh pengeloo' Néh kepéh.