PILIPI 4:8 - Rengah Jian

⁸ O kekat padéé' ké', tong pengega' ha' ké', jian keh ngelayau seruh tong kekat-kekat éh teneng ngan éh tekep kenajung kelunan, inah éh, tong kekat éh teneng ngan jian, éh tekep naneu' kelunan. Jian keh seruh tong kekat éh ni'ai, tong kekat éh mihin keh jam pika, ngan éh omok kenajung lu'.

PILIPI 4:8 Iomraidhean Croise

MATIUS 22:16

Pu'un réh nyohoo' jelua' irah Parisi nah ngan pu'un kuraa' usah irah éh kivu Herodis, tavin Yésus ngan nyohoo' réh pané ka', O Guru, kejam mé' ka'au' kelunan éh ngelayau maneu' kekat éh jian ngan teneng, ka'au' nebaraa' kelunan tong kekat pengeloo' Allah ngan kelunan. Bé' ke' medai bara' éh, kelunan éh ja'au péh, irah éh si'ik péh, bé' ke' medai réh.

MARKUS 6:20

Raja' Herodis nah medai Yohanes, uban kejam nah ke' Yohanes nah, kelunan éh jian, éh teneng ngan ni'ai kenin. Kenat Herodis mavaa' mu'un, dai réh mematai éh. Keloo' Raja' Herodis menéng ha' tebaraa' Yohanes, na' péh éh merek ngan tusah kenin, siget koléé' néh menéng ha' néh.

LUKAS 16:15

Ka' ha' Yésus ngan réh, Neu' kekat kereja' keh, ka'ah keloo' kelunan éh jah seruh keh kelunan éh jian, bang Allah jam kenin keh bé' éh kenat. Kekat éh pu'un gunah kunah kelunan, seleket dek awah éh tong ta'an Allah, ha' Néh.

LUKAS 2:25

Tovoo' inah pu'un jah kelunan mokoo' tong Yérusalem, ngaran néh Simeon. Kelunan inah jian ngan medai tong Tuhan, ngan kebit kenin iah mena hun kelunan Yahudi pawah jin kekat penusah réh. La'ah Sahéé' Ni'ai pu'un tong Simeon,

LUKAS 23:50

La'ah pu'un jah kelunan jin Arimatia éh leboo' Yahudi, ngaran kelunan inah Yusup. Kelunan inah kelunan éh jian ngan teneng éh lem kekat penganeu' néh kebit kenin néh mena jaka' Allah Pengeja'au. Yusup nah jah usah jin belah irah pengeja'au Komiti sebayang Yahudi, bang bé' éh pekua' kenin ngan irah éh maneu' ngan mematai Yésus nah.

YOHANES 7:18

Kelunan éh pu'un pané kivu kenin néh tengéé', iah maneu' kenat dokoo' kelunan omok ngajung éh. Bang kelunan éh keloo' réh ngajung Iah éh nyohoo' Éh tuai, pu'un éh pané mu'un, bé' éh kenyo ngan ngelavo' réh.

PENGANEU' LAWAH 10:22

Ka' ha' réh mipa éh, Pu'un mé' tuai sohoo' Kornelius éh pengeja'au mé' Kornelius nah iah jah kelunan éh jian ngan éh seva' Allah ngan éh senepah kekat kelunan Yahudi. Pu'un jah meliket Tuhan nyohoo' éh tebai ke' tai lamin néh, ke' néh omok menéng ineu'-ineu' éh juk benara' ko' ngan néh, ha' réh ngan Péterus.

PENGANEU' LAWAH 22:12

La'ah tong Damsyik nah pu'un jah kelunan ngaran néh Ananias, éh senepah kekat kelunan Yahudi, mekat mu'un éh kivu sohoo' lem Surat Musa.

PENGANEU' LAWAH 6:3

O kekat padéé' mé', uban néh kenat jian keh ngevéléé' tujuu' lakei' éh penoo' neu' Sahéé' Ni'ai ngan éh jam seruh, ke' mé' omok mena' kereja' iteu' ngan irah kepéh.

SURAT PAULUS NGAN SIDANG RUM 13:13

Tekep uleu' maneu' kekat barék éh teneng, pekua' éh tekep tong kelunan éh murip tong rema, mai maneu' inga' éh sa'at ngan mavuk, mai petuyang ngan maneu' barék éh sa'at, ngan mai punan ngan pana kenin.

SURAT PAULUS NGAN SIDANG RUM 13:3

Uban kelunan éh maneu' jian ngan éh teneng barék, bé' réh medai tong peritah réh, bang kelunan éh maneu' sa'at adang réh pu'un medai. Kineu', keloo' keh bé' medai tong peritah kei? Hun keh keloo', jian keh maneu' kekat éh jian boh pengeja'au keh pu'un mejing keh kepéh.

SURAT PAULUS NGAN SIDANG RUM 14:18

Séé'-séé' éh jam mihau kekat inah iah pu'un kivu Kristus, iah éh payoo' tong jumen Allah ngan tong jumen kelunan péh.

SURAT PAULUS NGAN SIDANG RUM 2:29

Bang kelunan éh pesunat kenin neu' Sahéé' Ni'ai, inah éh kelunan Yahudi mu'un, bé' éh kelunan éh pesunat tong usah réh awah, kelunan éh pesunat kenin kenat, inah éh kenajung Allah, bé' éh kenajung kelunan awah.

1 KORINTUS 4:5

Uban néh kenat mai ka'ah petuneng ngan maneu' kelunan pah avéé' jaka' éh kevéléé' Tuhan hun sioo' Néh tuai kepéh. Adang Iah omok pepoléng kekat penyeruh réh éh merem ngan éh pelim rai, ngan Iah pepoléng kekat pengeloo' kenin kelunan éh pelim rai. Tovoo' inah Tuhan pu'un mejing kelunan kivu pekua' penganeu' réh.

2 KORINTUS 13:7

Améé' sebayang menyat Allah dokoo' ka'ah bé' maneu' kesa'at ineu'-ineu', bé' makat dokoo' améé' kenajung uban kereja' mé' belah ka'ah, hun kelunan seruh kereja' mé' bé' pu'un gunah, bé' ineu', bang inah éh pengeloo' mé' hun keh maneu' jian.

2 KORINTUS 6:8

Jelua' koléé' pu'un mé' kenajung kelunan, jelua' koléé' pu'un réh pekenyaa' mé'. Pu'un réh maneu' mé' pu'un réh mejing mé'. Pu'un réh maneu' mé' barei' réh seruh améé' kelunan éh pané kenyo awah, bang bé' mé' kenyo, kekat ha' mé' teneng éh.

2 KORINTUS 8:18

La'ah pu'un jah padéé' lu' kivu éh tai, padéé' éh kenajung kuraa' kelunan tong sidang uban kereja' néh perengah Rengah Jian.

2 KORINTUS 8:21

Améé' juk maneu' éh pekua' éh teneng tong ta'an Tuhan ngan tong ta'an kelunan péh.

GALATIA 5:22

Bang Sahéé' Ni'ai mihin kelunan maneu' kekat éh jian, inah éh mihin réh jam pika, murung kenin, pawah kenin, ngan dawai kenin, pu'un éh mihin réh jam nolong kelunan éh jah, ngan barék éh jian, ngan tigéh,

ÉPESUS 4:25

Uban néh kenat mai la'ah keh pané kenyo, jian siget-siget usah pané mu'un ngan padéé' néh, uban uleu' béé pu'un pepadéé' dalem Kristus.

ÉPESUS 5:9

Uban kelunan éh pu'un tong rema, pinaa' buaa' néh, inah éh kekat éh jian ngan teneng ngan tigéh.

ÉPESUS 6:14

Uban néh kenat jian keh petenup ngan ngejeret é'éng keh palaa' ha' tebaraa' éh teneng, éh bara' tong Allah ngan pakai kerayung daven, inah éh tigéh kenin,

PILIPI 3:1

O kekat padéé' ké', tong pengega' ha' ké', inah akeu' bara', jian ka'ah murung kenin dalem Tuhan. La'ah bé' akeu' menyaa' nyurat kepéh éh lepah senurat ké' rai, uban inah éh jalan keh omok jam seruh.

KOLOSÉ 4:5

Jian keh jam seruh dalem kekat penganeu' ngan barék keh belah kelunan éh bé' ngelan, ngan pakai kekat bi'en éh pu'un ngan jian-jian.

1 TESALONIKA 4:12

Hun keh maneu' éh kenat boh kelunan éh bé' ngelan tong Tuhan omok sepah keh, ngan ka'ah péh omok murip jian bé' murip ngabit kelunan awah.

1 TIMOTIUS 2:2

Ngan irah raja' kenat péh irah éh pu'un penyukat. Sebayang ngan Allah dokoo' uleu' omok murip ngida ngan pawah. Uleu' tekep seva' Allah ngan Jian tipan ngan kekat kelunan.

1 TIMOTIUS 3:11

La'ah kenat péh tekep redo néh kelunan éh jian barék, mai éh kelunan éh tosok tong kekat rengah sa'at, jian éh kelunan éh jam seruh éh bé' paba pané, ngan éh tigéh dalem kekat penganeu' néh.

1 TIMOTIUS 3:4

Jian éh kelunan éh jam nebaraa' ngan petena' irah tong lamin néh ngan anak néh péh keloo' kivu sohoo' néh ngan jian kenin.

1 TIMOTIUS 4:12

Mai ke' kejeraa' séé'-séé' ngera' ke' ngan bara' ke' anak awah. Bang jian ke' jah telana' ngan kekat kelunan éh ngelan tong Kristus. Kenat péh lem kekat ha' ané ko', ngan lem barék ko' ngan tong penika ko', ngan pengelan ko' ngan pengeni'ai ko' kepéh.

1 TIMOTIUS 5:10

Inah kepéh hun néh redo éh pu'un ngaran éh jian uban néh pinaa' jalan nolong kelunan éh jah, éh pu'un mihau anak néh mu'un ngan éh ngelayau alaa' irah sakai tong lamin néh ngan mihau réh ngan jian kenin, éh pu'un masi ngan pika kelunan lem penusah réh, ngan éh mekat maneu' kuraa'-kuraa' arong kereja' éh jian péh, redo baleu' éh kenat jian keh nolong éh.

1 TIMOTIUS 5:2

Kenat péh tong redo éh mukun, jian ke' pané ngan néh barei' ko' pané ngan tinen ko' mu'un, ngan tong irah redo lemanai jian ke' pané ngan réh barei' ngan padéé' ko' mu'un dalem kekat éh ni'ai.

TITUS 1:8

Tekep éh kelunan éh keloo' alaa' irah sakai tong lamin néh ngan petubo éh ngan jian kenin. Jian éh kelunan éh keloo' tong kekat éh jian, éh jam mavaa' kenin néh, éh teneng dalem kekat penganeu' néh, ngan éh ni'ai kenin ngan éh jam seruh.

TITUS 2:14

Pu'un éh mena' urip Néh ngeliwah uleu', dokoo' Néh ngelepu lu' jin kekat arong kesa'at, mohéé uleu' ngan maneu' uleu' anah nah awah, kenat péh mihin uleu' mekat maneu' jian.

TITUS 2:2

Jian ke' nebaraa' irah lakei' éh ja'au urip, ke' réh jam seruh, ngan pu'un barék éh jian ngan jam mihau usah réh, ngan petem lem pengelan réh tong Kristus, ngan jam pika irah éh jah, kebit kenin lem pengeketa.

TITUS 2:7

Ka'au' tekep jah telana' tong barék éh jian dalem kekat ineu'-ineu' péh. Jian ke' nebaraa' réh jin kenin ko' mu'un, mai ke' ngelayoo' awah.

TITUS 3:14

Jian irah éh ngelan, pekalai maneu' jian ngan pesukup ineu'-ineu' pengekurang kelunan, mai réh murip ngan bé' jam seruh.

IBRANI 11:2

Uban pengelan tepun lu' sahau Allah payoo' kenin tong réh.

IBRANI 13:18

Jian keh ngelayau sebayang tong améé'. Bé' pu'un ineu'-ineu' éh pesala' kenin mé', uban ngelayau améé' juk maneu' kekat éh teneng.

YAKUB 1:27

Kelunan éh ngepayoo' kenin Allah Tamen lu', inah éh kelunan éh kivu Iah mu'un, bé' éh ngelayoo' awah sebayang. Jian réh nolong anak uyau ngan redo baleu' lem kekat penusah réh ngan mihau usah réh jin kekat arong kesa'at tong tana' iteu'.

YAKUB 3:17

Bang kelunan éh pu'un pengejam éh tuai jin seruga pu'un éh mihin kelunan murip ni'ai, pawah, dawai kenin, ngan jian pengané. Irah pu'un pika kelunan ngan kivu kekat arong penganeu' éh jian bé' réh netah ngan ngelayoo' awah maneu' jian.

1 PÉTERUS 1:22

Uban ka'ah kivu ha' tebaraa' éh teneng jin Allah, ka'ah pu'un ni'ai ngan ka'ah murung padéé' keh dalem Tuhan ngan semu'un kenin. Uban kenat jian keh kua' pepika ngan kekat kenin keh.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 4:8

Éh pelapah gunah éh tekep ka'ah maneu', inah éh pika ngan pepika ngan kekat kenin keh uban neu' keh jam pepika kenat pinaa' penyala' omok pega'.

2 PÉTERUS 3:1

O kekat bakéh ké', iteu' éh keruwah koléé' ké' maneu' surat ngan ka'ah. Dalem duah surat ké' iteu', akeu' tupat mihin keh seruh tong kekat éh ni'ai, neu' ké' petesen keh tong néh.

1 YOHANES 3:18

O kekat anak ké', mai lu' bara' lu' pika palaa' ha' ujun lu' awah, bang jian lu' kua' pepika palaa' penika éh mu'un éh pepoléng lu' jin penganeu' lu'.

1 YOHANES 3:3

Siget-siget usah éh ngelan tong Kristus tekep iah mavaa' kenin néh ke' néh ni'ai, pekua' Kristus pu'un ni'ai.

1 YOHANES 4:1

O kekat padéé' ké' éh kemurung ké', mai keh ulak ngelan ha' kelunan éh bara' iah pu'un Sahéé' Ni'ai, jian keh ngelenaa' réh dokoo' keh omok jam éh hun sahéé' inah pu'un jin Allah ngan hun néh bé' péh. Uban pinaa' kelunan éh ngelavo' lepah tai semah-semah péh.