PILIPI 4:6 - Rengah Jian

⁶ Mai ka'ah besau kenin seruh tong ineu'-ineu', bang dalem kekat néh béé jian keh sebayang bara' éh ngan Allah. Siget koléé' keh menyat jin Iah, jian keh menyat ngan bara' jian kenin ngan Néh kepéh.

PILIPI 4:6 Iomraidhean Croise

MATIUS 10:19

Bang hun réh mihin keh tai besara' kenat, mai keh medai seruh kineu' jalan keh omok mipa ha' réh da'. Uban tovoo' réh mihin keh tai besara' da', tovoo' inah péh pu'un éh bara' dalem kenin keh tong éh tekep keh pané ngan réh da'.

MATIUS 13:22

Sin tong lo'ong éh pelohoo' lem suha', inah éh barei' kelunan éh menéng rengah nah, bang neu' réh kawa' neu' urip réh tong tana', ngan neu' réh pitah pengekaya', inah éh maneu' rengah inah ngerising lem kenin réh, bé' réh omok ngebuaa'.

MATIUS 6:34

Uban néh kenat mai keh béé kenin seruh kineu' sagam da', uban sagam pu'un sukup penusah néh tengéé'. Mai keh pepit penusah tong kekat éh pu'un siget dau, ha' néh.

MATIUS 6:8

Mai keh barei' irah inah, uban Tamen keh éh tenah jam tong kekat éh pengekurang keh hun keh bé' jak menyat éh péh.

LUKAS 10:41

Ha' Tuhan mipa éh, Marta, Marta, tusah mu'un kenin ko' ngan mutau ke' neu' kereja' ko' pinaa' nah,

LUKAS 12:22

La'o inah Yésus pané ngan irah éh bakéh Néh, ka' ha' Néh, Uban néh kenat Akeu' bara' ngan keh, mai keh besau kenin seruh tong penguman keh, jin semah keh omok alaa' éh sukup siget-siget dau. Kenat péh tong pakai keh, mai keh tusah seruh jin semah keh omok alaa' pakai keh.

LUKAS 12:29

Mai keh tusah kenin ngelayau pitah penguman ngan pakai keh awah,

LUKAS 18:1

Pu'un Yésus bara' jah ha' tapan ngan réh ke' réh omok jam adang tekep irah mekat sebayang ngan mai putui pengelan. Ka' ha' Néh,

LUKAS 18:7

kineu' Tuhan, bé' Tuhan keloo' nolong kelunan éh kivu pengeloo' Néh éh sebayang putung dau ngan putung merem péh. Kineu', leko Éh nolong réh.

1 KORINTUS 7:21

Kelunan éh ripen hun Allah tebai éh rai, mai éh tusah kenin hun néh kenat, bang hun pengeja'au keh éh ngamit keh juk ngelepu keh, jian keh pelepu.

1 KORINTUS 7:32

Bang kenin ké' mu'un keloo' ka'ah bé' pu'un tusah ineu'-ineu'. La'ah kelunan éh bé' pu'un redo, iah seruh mu'un tong kekat kereja' Tuhan, uban iah juk ngepayoo' kenin Tuhan.

2 KORINTUS 1:11

Jian keh nolong sebayang tong améé'. Adang Tuhan omok nolong améé' mipa ha' sebayang kelunan pinaa', adang pinaa' kelunan juk bara' jian kenin ngan Tuhan uban Iah pu'un nolong améé'.

ÉPESUS 5:20

Dalem kekat ineu'-ineu' péh jian keh ngelayau bara' jian kenin ngan Allah éh Tamen lu', dalem ngaran Tuhan Yésus Kristus.

ÉPESUS 6:18

Pakai kekat inah béé ngan sebayang menyat Tuhan nolong keh. Ngelayau sebayang kivu pengeloo' Sahéé'. Jian keh mavaa' mu'un, mai keh putui pengelan bang jian keh ngelayau sebayang tong kekat kelunan éh anah Allah.

KOLOSÉ 3:15

Jian pengepawah éh nena' Kristus nolong keh maneu' pemekat tong ineu'-ineu' éh tekep naneu' keh, uban Allah lepah tebai keh dokoo' keh murip jah awah dalem pengepawah Néh.

KOLOSÉ 3:17

Kekat ineu'-ineu' éh naneu' keh Kenat péh éh nané keh, jian keh maneu' éh dalem ngaran Tuhan Yésus, ngan bara' jian kenin ngan Allah Tamen, tong ineu' éh naneu' Tuhan Yésus ngan keh.

KOLOSÉ 4:2

Jian keh gahang sebayang pah avéé' keh omok jam Allah mipa ha' keh, ngan mavaa' kenat péh bara' jian kenin kepéh ngan Néh.

1 TIMOTIUS 2:1

La'ah bu'un-bu'un akeu' nyohoo' dokoo, sebayang menyat ngan bara' jian kenin ngan Allah tulat kekat kelunan.

1 TIMOTIUS 5:5

La'ah redo éh baleu' éh bé' pu'un séé'-séé' éh omok petubo éh bang pu'un éh ngelan Allah awah mihau éh, ngan pu'un éh sebayang siget dau ngan siget merem péh menyat pika jin Tuhan.

1 PÉTERUS 4:7

La'ah sioo' pengega' tana' lepah danii', jian keh mihau kenin keh ngan seruh jian-jian, dokoo' keh omok sebayang.

1 PÉTERUS 5:7

Jian keh bara' kekat penusah keh ngan Allah uban Iah éh mihau keh.