PILIPI 4:5 - Rengah Jian

⁵ Jian ka'ah dawai kenin ngan kekat kelunan béé. Tuhan pu'un danii' juk tuai kepéh.

PILIPI 4:5 Iomraidhean Croise

MATIUS 6:25

Uban keh bé' omok kenat inah Akeu' bara' ngan keh kepéh, Mai keh béé kenin seruh tong penguman ngan baa' éh nesep keh éh mihin keh murip, kenat péh tong pakai keh. Kineu' urip keh, bé' éh pelapah jian jin penguman keh kei? Kineu' usah keh, bé' éh pelapah jian jin pakai keh kei?

MATIUS 6:34

Uban néh kenat mai keh béé kenin seruh kineu' sagam da', uban sagam pu'un sukup penusah néh tengéé'. Mai keh pepit penusah tong kekat éh pu'un siget dau, ha' néh.

LUKAS 21:34

Ka' ha' Yésus kepéh, Seruh keh jian-jian, mai keh telalau kuman nyahan mesep pah avéé' keh mavuk, ngan mai keh taleu neu' penusah éh pu'un tong tana', dai Tuhan beleka' avéé' lem keh bé' nerepan éh.

1 KORINTUS 16:22

La'ah kelunan éh bé' pika Tuhan, inah éh kenukum Tuhan. Maranatha, sin néh, Tuhan juk tuai.

1 KORINTUS 6:7

Sala' mu'un ka'ah, uban keh pu'un tusah éh juk mihin keh tai besara', inah éh pepoléng keh sala' mu'un. Pelapah jian hun keh kejeraa' réh ngerugii' keh awah. Pelapah jian keh kejeraa' réh nekau, jin keh pu'un tai besara' ngan irah éh bé' ngelan tong Tuhan.

1 KORINTUS 8:13

Uban néh kenat hun néh neu' ka'an kinan ké' inah mihin padéé' ké' petat, bé' mu'un akeu' keloo' kuman ka'an inah kepéh, dai akeu' mihin padéé' ké' petat maneu' penyala'.

1 KORINTUS 9:25

La'ah siget-siget kelunan éh juk pekelawan, adang iah mihau usah néh dalem kekat éh naneu' néh, iah maneu' kenat uban néh juk menang ngan alaa' jah tapong, tapong éh omok melayeu' awah. Bang uleu' kepéh mihau kenin lu' dokoo' lu' omok alaa' jah tapong éh bé' omok melayeu' kepéh.

2 KORINTUS 10:1

Akeu' Paulus menyat pika ngan ka'ah, akeu' éh benara' kelunan pu'un diva' kenin hun ké'pemung ngan ka'ah bang éh makang kenin ngan mahéng kenin hun ké' juu'. Akeu' menyat keh neu' kekat penika ngan pengejian Kristus,

2 TESALONIKA 2:2

mai keh tawang kenin ngan besau menéng ha' kelunan bara' Dau savéé' Tuhan nah lepah avéé' tenéh. Barang pu'un péh kelunan bara' kenat hun néh bara' tong kekat éh juk avéé' vam, barang pu'un péh kelunan bara' kenat hun néh nebaraa' keh. Barang pu'un réh bara' améé' nyurat éh kenat dalem surat mé'.

TITUS 3:2

Mai réh pané ngesa'at ngaran kelunan, jian réh murip ngan pawah ngan maneu' éh jian. Jian réh jian pengané, dawai kenin ngan kekat kelunan béé.

IBRANI 10:25

Mai lu' leko petipun sebayang barei' jelua' kelunan, bang jian lu' ngereken kenin pesiget usah lu', makin péh hun iteu' uban kejam lu' Dau penyavéé' Tuhan lepah danii' mu'un.

IBRANI 10:37

Uban pu'un éh senurat lem surat Allah, Bé' lebéé' La'ah, Iah éh juk tuai nah pu'un juk laho avéé', bé' éh lieu'.

1 PÉTERUS 1:11

Sahéé' Kristus pu'un dalem irah nabi ngan sahéé' inah pu'un bara' tong pengeketa éh tekep teneng tong Kristus ngan tong Allah pu'un ngajung Iah kepéh. Irah nabi gahang kenin tatek hun néh pu'un kenat da'.

1 PÉTERUS 4:7

La'ah sioo' pengega' tana' lepah danii', jian keh mihau kenin keh ngan seruh jian-jian, dokoo' keh omok sebayang.

ÉH POLÉNG 22:20

La'ah Iah éh bara' tong kekat iteu' bara' mu'un, Akeu' juk tuai laho ha' Néh, Amin! Tuai ke', Tuhan Yésus.

ÉH POLÉNG 22:7

La'ah ka' ha' Yésus, Menéng ke'. Akeu' juk tuai laho. Murung kenin kekat irah éh kivu kekat ha' lem surat iteu' éh bara' tong kekat éh juk avéé' kepéh, ha' Néh.