PILIPI 4:3 - Rengah Jian

³ La'ah Sinsigus éh bakéh ké' mu'un, jian ke' petena' rawah redo inah dokoo' roh jam pekua' kenin kepéh, uban lepah rai gahang mu'un rawah kereja' dokoo' perengah Rengah Jian, pemung ngan Kelemen ngan kekat bakéh ké' éh jah kepéh, ngaran réh pu'un éh senurat Tuhan lem surat ngaran irah éh pu'un urip maréng.

PILIPI 4:3 Iomraidhean Croise

LUKAS 10:20

Na' péh balei' omok pega' neu' ha' keh, mai keh murung kenin tong inah awah, bang jian keh murung kenin uban ngaran keh pu'un lem surat Tuhan tong seruga, ha' Yésus.

SURAT PAULUS NGAN SIDANG RUM 12:1

O kekat padéé' ké', hun néh kenat uban kuraa'-kuraa' penika Allah ngan lu', akeu' nyohoo' keh mena' usah keh ngan Allah barei' jah pengena' ngan Allah dokoo' usah keh inah omok anah Tuhan mu'un ngan maneu' kereja' Néh, inah éh omok ngepayoo' kenin Néh. Inah éh jalan éh tekep ngan kelunan éh seva' Iah.

SURAT PAULUS NGAN SIDANG RUM 16:12

Bara' tabi' ngan Tripina ngan Triposa, rawah redo éh maneu' kereja' Tuhan, ngan bakéh ké' Persis éh kereja' mu'un ngan Tuhan.

SURAT PAULUS NGAN SIDANG RUM 16:9

Tabi' ngan Urbanus, jah kelunan kepéh éh kereja' pemung ngan améé' dalem kereja' Kristus, kenat péh Stakhis, bakéh ké' irai.

PILIPI 1:12

O kekat padéé' ké', akeu' keloo' ka'ah jam tong kekat penusah éh teneng tong akeu', penusah inah mukap jalan kepéh tong Rengah Jian.

PILIPI 1:16

Irah maneu' kenat uban réh pika akeu' uban kejam réh akeu' pu'un siteu' dokoo' ké' nyakat kelunan éh juk kebéé Rengah Jian.

PILIPI 1:27

La'ah jian kekat urip keh pu'un pekua' éh tekep tong Rengah Jian Kristus, dokoo' hun ké' pu'un tai ngan ka'ah, kenat péh hun ké' bé' omok tai péh, omok akeu' menéng rengah ka'ah pu'un nekedéng petem ngan pekua' kenin ngelawan ineu'-ineu' éh juk nyopéé' pengelan kelunan tong Rengah Jian iteu'.

PILIPI 1:5

Pu'un ku' seruh tong kekat jalan keh nolong ku' perengah Rengah Jian, jin bu'un keh pu'un menéng rengah iteu' rai, pah avéé' hun iteu' péh.

PILIPI 1:7

Akeu' murung keh ngan nesen keh lem kenin ké'. Ka'ah béé pu'un nolong ku' lem kereja' ké' ngan Allah, jin ké' bé' jak tai lamin tutup ngan ké' nyakat tong kelunan éh juk kebéé Rengah Jian iteu', pah avéé' ké' pu'un lem lamin tutup nah péh.

PILIPI 4:2

O Euodia ngan Sintikhe, akeu' nyohoo' kawah pekua' kenin barei' kelunan éh pepadéé' dalem Tuhan.

KOLOSÉ 1:7

Pu'un keh menéng Rengah Jian inah jin bakéh mé' Epapras. Iah jah bakéh mé' éh pekua' ketigéh améé' kereja' ngan Kristus.

ÉH POLÉNG 13:8

Kekat kelunan éh murip tong tana' seva' ka'an inah, bang irah éh ngaran réh senurat lem surat irah éh alaa' urip bé' seva' éh. Kekat ngaran inah pu'un senurat tenéh bé' jak tana' iteu' senuai, ngan surat inah pu'un ngan Anak Domba éh lepah penatai.

ÉH POLÉNG 17:8

Ka'an éh ta'an ko' nah, inah pu'un éh murip sahau bang hun iteu' bé' éh murip la'ah, bang danii' jaka' néh juk musit jin luvang éh dilem, ke' Tuhan kebéé éh pelinguh. La'ah kekat kelunan tong tana' éh bé' pu'un ngaran senurat lem surat urip bé' jak tana' iteu' senuai, adang irah inah béé kenin na'at ka'an inah. Ka'an inah sahau pu'un éh murip, hun iteu' bé' éh murip la'ah, bang pu'un éh juk poléng kepéh.

ÉH POLÉNG 20:12

La'ah ta'an ké' kekat kelunan éh lepah matai, irah éh ja'au ngan irah éh si'ik péh, kekat réh béé nekedéng saa' tenah nyun nah. La'ah pu'un réh mukap kekat surat, boh réh mukap jah surat kepéh, éh surat ngaran irah éh pu'un urip maréng. Kekat irah éh lepah matai petuneng néh kivu kekat penganeu' réh pekua' éh senurat lem kekat surat inah.

ÉH POLÉNG 20:15

Séé'-séé' éh bé' pu'un ngaran lem surat ngaran irah éh pu'un urip maréng pu'un Tuhan bet réh lem bawang luten nah.

ÉH POLÉNG 21:27

Bang kekat ineu'-ineu' éh segit bé' omok masek lem leboo' inah, kenat péh kelunan éh maneu' kuraa'-kuraa' penganeu' éh sa'at éh pekenyaa' ngan kelunan éh kenyo. Bang kelunan éh pu'un ngaran senurat lem surat urip, éh anah Anak Domba éh omok masek lem leboo' inah.

ÉH POLÉNG 3:5

Irah éh nyopéé' kekat arong kesa'at omok réh alaa' pakai éh mebéng ngan bé' Akeu' bet ngaran réh jin surat ngaran irah éh pu'un urip maréng. Tong jumen Tamen ké' ngan kekat meliket Néh Akeu' juk ngakun mu'un irah éh anah ké' ha' Néh.