PILIPI 4:11 - Rengah Jian

¹¹ Bé' akeu' pané kenat uban ké' pu'un kurang, uban hun néh kineu'-kineu' péh jalan ké', jian kenin ké' kenat.

PILIPI 4:11 Iomraidhean Croise

LUKAS 3:14

Pu'un irah seradu kepéh neteng Yohanes, ka' ha' réh ngan néh, Kineu' lah améé'? Ineu' éh tekep ke' mé' maneu'? Ha' réh. Ha' néh mipa réh, Mai keh ngedai kelunan dokoo' keh omok alaa' livah réh pinaa', bang jian keh alaa' éh sukup tong gaji keh nah, ngan jian kenin. Mai keh magat juk alaa' éh pelapah pinaa' jin inah, ha' néh.

2 KORINTUS 11:27

Pu'un ku' kereja' mutau, pinaa' koléé' ké' bé' omok pegen, pinaa' koléé' ké' la'au' ngan mapeu' batok, pinaa' koléé' ké' bé' pu'un penguman, pinaa' koléé' ké' pu'un genin uban bé' pu'un jalan ké' mokoo' ngan bé' pu'un pakai ké'.

2 KORINTUS 6:10

Pu'un mé' besau, bang pu'un murung kenin mé' kepéh. Pu'un mé' kari mu'un, bang pu'un mé' pekaya' kenin kelunan pinaa'. Améé' bé' pu'un livah ineu'-ineu' bang améé' pu'un kekat pengena' Tuhan ngan kaya' mu'un mé'.

2 KORINTUS 8:9

Ka'ah jam tong penika Yésus Kristus éh Tuhan lu', na' péh Iah kaya' mu'un bang uban Iah pika ka'ah Iah tuai paléu kari mu'un kepéh, dokoo' ka'ah omok kaya' neu' pengekari Néh.

2 KORINTUS 9:8

La'ah omok Allah mena' ngan keh pelapah ja'au jin pengekurang keh, dokoo' néh omok sukup tong usah keh tengéé', ngan pu'un éh mutaa' kepéh dokoo' keh nolong dalem kereja' Tuhan.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

IBRANI 10:34

Ka'ah péh jam pengeketa kelunan éh lem lamin tutup. Hun réh nyayoh livah keh ka'ah ngeretep ngan murung kenin, uban keh jam ka'ah jian ngan éh omok pu'un pelinguh-linguh.