PILIPI 4:1 - Rengah Jian

¹ O kekat padéé' ké' éh penika ké' ngan éh tenawai ké', tong ka'ah iteu' akeu' murung kenin, jian kenin ké' seruh tong keh. O kekat padéé' uban néh kenat tong kekat jalan iteu' jian ka'ah nekedéng petem dalem Tuhan.

PILIPI 4:1 Iomraidhean Croise

MATIUS 10:22

La'ah adang ka'ah keleko kekat kelunan pinaa' uban pengelan keh tong Akeu', bang séé' éh ngeretep pah avéé' ga' néh iah omok alaa' urip.

YOHANES 8:31

La'ah ka' ha' Yésus ngan irah kelunan Yahudi éh ngelan tong Néh, Hun keh mihau ha' Ké' boh keh omok bakéh Ké' mu'un.

PENGANEU' LAWAH 11:23

Hun néh avéé' sitai ngan jam Allah mena' pengejian Néh ngan réh, murung kenin néh. Pu'un éh nyohoo' réh mihau ha' tebaraa' Tuhan lem kenin réh mu'un ngan petem dalem Tuhan.

PENGANEU' LAWAH 14:22

Pu'un roh ngereken kenin kekat kelunan éh ngelan tong Tuhan ngan nyohoo' réh gahang lem pengelan réh. Ka' ha' roh, Adang lu' juk teneng kuraa' arong penusah kelu' omok tai lem nihau Tuhan, ha' roh.

PENGANEU' LAWAH 2:42

Pu'un réh mekat pekalai tong ha' tebaraa' éh benara' irah lawah nah, ngan pata pekua' kenin réh tong urip réh dalem Kristus, kenat péh irah pemung kuman ngan pekua' kenin, ngan pekua kenin réh sebayang.

SURAT PAULUS NGAN SIDANG RUM 2:7

Irah kelunan éh ngelayau maneu' jian, éh pitah jalan ke' réh omok pemung ngan Allah ngan mejing Éh, ngan ngajung Éh ngan éh pitah urip éh pelinguh, ngan kelunan éh kenat, adang Allah mena' urip pelinguh ngan réh.

1 KORINTUS 15:58

O kekat padéé' éh penika ké', uban néh kenat jian keh petem reken, mai kejeraa' ineu'-ineu' ngelemoo' keh. Jian keh ngelayau mekat maneu' kereja' Tuhan, uban ka'ah jam kekat kereja' keh ngan Tuhan pu'un gunah mu'un.

1 KORINTUS 16:13

Jian keh mavaa' mu'un, nekedéng petem dalem pengelan keh tong Tuhan, makang kenin mai medai, jian keh gahang.

2 KORINTUS 1:14

Akeu' ngelan kekat éh bé' kejam keh mu'un, omok keh jam éh kepéh, dokoo' tong Dau Tuhan Yésus tuai kepéh, ka'ah omok bahuu' améé' pekua' barei' améé' péh bahuu' ka'ah.

GALATIA 5:1

La'ah uleu' lepah piso jin kekat sohoo' lem Surat Musa uban Kristus éh pepiso lu'. Uban néh kenat, jian keh nekedéng petem, mai keh moléé' kivu inah kepéh.

PILIPI 1:27

La'ah jian kekat urip keh pu'un pekua' éh tekep tong Rengah Jian Kristus, dokoo' hun ké' pu'un tai ngan ka'ah, kenat péh hun ké' bé' omok tai péh, omok akeu' menéng rengah ka'ah pu'un nekedéng petem ngan pekua' kenin ngelawan ineu'-ineu' éh juk nyopéé' pengelan kelunan tong Rengah Jian iteu'.

PILIPI 1:8

Allah éh jam akeu' pané mu'un hun ké' bara' akeu' pika keh ngan tawai keh neu' penika Kristus Yésus.

PILIPI 2:16

Jian keh bara' ha' tebaraa' ngan réh éh omok purip réh. Hun keh maneu' kenat boh ku' pu'un jalan ké' ngajung tong Dau Kristus tuai kepéh, uban kenat éh pepoléng kekat kereja' ngan kemutau ké' bé' éh tuyah-tuyah awah.

PILIPI 2:26

Gahang kenin néh juk jam ka'ah kepéh, bahat kenin néh uban ka'ah menéng rengah néh pu'un sakit rai.

KOLOSÉ 4:12

La'ah Epapras iah péh pemung tana' ngan ka'ah, ngan éh sohoo' Kristus Yésus, iah péh bara' tabi' ngan keh. Ngelayau iah gahang sebayang tong ka'ah dokoo' keh omok reken kenin ngan sukup kenin ngan jam seruh ngan ngelayau kivu pengeloo' Allah.

1 TESALONIKA 3:13

Kenat péh jalan Tuhan omok ngereken kenin keh, ngan maneu' keh ni'ai, bé' pu'un sa'at ineu'-ineu' tong jumen Allah éh Tamen uleu' sioo' savéé' Tuhan Yésus pemung ngan kekat kelunan éh anah Nah.

2 TESALONIKA 2:15

O kekat padéé' ké', uban néh kenat jian keh nekedéng petem, ngan mihau kekat ha' tebaraa' éh teneng éh benara' mé' ngan keh, hun néh ha' tebaraa' usah mé' péh, kenat péh hun néh ha' surat mé' awah péh.

2 TIMOTIUS 2:1

Timotius anak ké'! Jian ke' gahang neu' penika Néh éh pu'un ngan lu', uban lu' pemung ngan Kristus Yésus.

IBRANI 10:23

Jian lu' mihau pengelan lu' mu'un tong Tuhan, uban Allah éh kenelan lu', adang Iah kivu pekua' éh pejajii' Néh.

IBRANI 3:14

Uleu' béé pu'un pekua' kereja' ngan Kristus, hun lu' avéé' ga' néh petem ngamit pengelan éh pu'un ngan lu' jin bu'un néh.

IBRANI 4:14

Uban kenat jian uleu' mihau pengelan lu' mu'un tong Tuhan uban uleu' pu'un Imam éh pengeja'au kekat imam éh ja'au, inah éh Yésus éh Anak Allah pu'un éh lepah tai tong jumen Allah mu'un.

2 PÉTERUS 3:17

Bang ka'ah kekat padéé' éh kemurung ké' ka'ah lepah jam tong inah, uban néh kenat jian keh mavaa' mu'un-mu'un dai keh pu'un tawang naneu' penganeu' kelunan éh maneu' sa'at, ngan pelohoo ' jin jalan tekedéng éh reken.