PILIPI 3:9 - Rengah Jian

⁹ ngan pu'un petem dalem Iah. Bé' éh neu' pengeteneng ké' uban ké' pu'un kivu kekat sohoo' lem Surat Musa, bang pengeteneng éh pu'un neu' pengelan ké' tong Kristus, inah éh pengeteneng éh jin Allah éh pu'un neu' pengelan.

PILIPI 3:9 Iomraidhean Croise

MATIUS 9:13

Jian keh tai ngan seruh tong sin ha' lem surat Allah éh bara' ka', Bé' akeu' keloo' keh mematai ka'an dokoo' seva' Akeu', bang Akeu' keloo' keh pika kelunan, ha' néh. Bé' Akeu' tuai dokoo' tebai kelunan éh seruh iah éh kelunan éh jian, bang Akeu' tuai dokoo' tebai kelunan éh seruh iah éh kelunan éh sa'at, ha' néh.

SURAT PAULUS NGAN SIDANG RUM 1:17

Uban dalem Rengah Jian inah, pu'un éh tojoo' jalan tong pengepemung kelunan ngan Allah ke' néh omok jian kepéh. Pu'un Allah maneu' éh jian kepéh neu' pengelan réh tong Iah awah, bé' éh neu' ineu'-ineu' éh neu' réh. Barei' ha' lem Surat Allah, ka' éh, Kelunan éh ngelan tong Allah, pengepemung néh ngan Allah omok jian kepéh, kelunan inah omok éh murip, ha' Néh.

SURAT PAULUS NGAN SIDANG RUM 10:10

Hun ko' ngelan éh kenat mu'un ngan bara' éh kenat ngan irah éh jah kepéh, boh ke' omok murip.

SURAT PAULUS NGAN SIDANG RUM 16:7

Tabi' ngan Andronikus ngan Yunias, rawah éh kua' pohoo' ngan ké', éh pu'un tong lamin tutup pemung ngan ké' lepah rai, kekat irah lawah malai mu'un ngan rawah inah, rawah inah ngelan tong Tuhan hun ké' to bé' jak ngelan irai.

SURAT PAULUS NGAN SIDANG RUM 5:21

Kenat péh lepah rai, penyala' éh pengeja'au ngan mihin kelunan matai, bang hun iteu' kepéh penika Allah éh pengeja'au ngan mihin lu' alaa' urip éh pelinguh naneu' Yésus Kristus Éh Tuhan uleu'.

SURAT PAULUS NGAN SIDANG RUM 8:1

Bé' pu'un ukum hun iteu' tong kelunan éh petem dalem Kristus Yésus.

SURAT PAULUS NGAN SIDANG RUM 8:3

Kekat ha' lem Surat Musa bé' pu'un penyukat ngelepu kelunan jin penyukat penyala' uban kelunan lemoo' kenin, bang Allah pu'un penyukat omok ngelepu réh. Pu'un éh ngukum penyala' ngan memekat pengereken penyala' jin lem kenin kelunan, neu' Anak Néh mu'un éh senohoo' Néh tuai. Iah tuai paléu' kelunan mu'un, pekua' layan kelunan éh penyala', dokoo' Néh kebéé penyala'.

1 KORINTUS 1:30

Bang Allah éh maneu' keh petem dalem Kristus Yésus. La'ah jin Kristus Allah maneu' uleu' pu'un pengejam. Kenat kepéh naneu' Kristus, inah uleu' pu'un teneng kenin tong jumen Allah ngan paléu anak Néh mu'un, ngan pelepu jin kekat penyala'.

2 KORINTUS 5:17

Séé'-séé' éh murip dalem Kristus, iah pu'un urip maréng, kekat urip néh jin sahau lepah béé, iah pu'un urip maréng kepéh.

2 KORINTUS 5:21

La'ah bé' Kristus pu'un penyala', bang Allah nyohoo' Iah tagong penyala' uleu', dokoo' uleu' omok alaa' jian kepéh ngan Allah hun lu' pu'un pemung ngan Néh kepéh.

GALATIA 2:16

Na' péh kenat kejam mé', bé' pu'un jah usah péh éh pu'un kenin éh jian éh teneng mu'un tong jumen Allah neu' néh kivu kekat adet sebayang lem Surat Musa. Kelunan omok ngepayoo' kenin Allah neu' pengelan néh awah tong Yésus Kristus. Bé' éh neu' penganeu' néh kivu kekat adet sebayang lem Surat Musa. Uban jah usah péh bé' omok ngepayoo' kenin Allah neu' néh kivu adet inah. Kenat péh améé' Yahudi péh, améé' pu'un kenin éh jian kepéh tong jumen Allah neu' pengelan mé' tong Kristus awah.

PILIPI 3:6

avéé' ké' pu'un peketa sidang Tuhan. Hun kelunan omok teneng kenin tong jumen Tuhan neu' réh kivu sohoo' lem Surat Musa, akeu' éh pu'un kivu kekat néh béé.

2 TIMOTIUS 1:9

Pu'un éh purip uleu' ngan tebai lu' kelu' omok anah Nah mu'un, bé' éh uban ineu'-ineu' éh penganeu' lu', bang kivu pengeloo' Néh ngan penika Néh tengéé'. Iah mena' penika Néh jin bu'un-bu'un dalem Kristus Yésus.

TITUS 3:5

Pu'un éh purip uleu'. Bé' éh neu' ineu'-ineu' penganeu' lu' éh jian, bang neu' pengasi Néh awah Iah purip lu', neu' Néh mohéé' kenin lu' ngan mena' urip maréng ngan lu' neu' Sahéé' Ni'ai,

IBRANI 6:18

Duah ha' iteu' bé' omok paléu inah éh jajii' Néh ngan ha' supa Néh. Bé' Allah omok kenyo tong Néh. Uban kenat uleu' éh lepah tai tavin éh dokoo' alaa' Iah singau lu' uleu' senohoo' dokoo' ngamit reken pengepelum éh pu'un saa' tenah lu'.

YAKUB 3:2

Uleu' béé ngelayau maneu' éh sala'. Hun kelunan bé' pu'un maneu' éh sala' tong kekat ha' ané néh, Iah kelunan éh sukup mu'un. Iah omok mihau ketem lo'ong usah néh.

2 PÉTERUS 1:1

Surat iteu' jin Simon Peterus, kelunan sohoo' éh lawah Yésus Kristus. Surat iteu' nena' ké' ngan kelunan éh ngelan tong Kristus pekua' améé' éh ngelan tong Néh. Yésus Kristus, inah éh Allah éh pepurip lu', maneu' lu' kelu' omok ngelan tong Néh uban Iah éh maneu' kekat éh teneng.

1 YOHANES 3:4

Kelunan éh maneu' penyala' ngelapah ha' tebaraa' Tuhan, uban penyala' nah inah éh ngelapah tong ha' tebaraa' Tuhan.