PILIPI 3:8 - Rengah Jian

⁸ Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

PILIPI 3:8 Iomraidhean Croise

LUKAS 1:43

Béé kenin ké' seruh uban akeu' éh ra' mu'un pu'un kenajung ke' ka'au' éh tinen Tuhan, Tuhan éh Pengeja'au ké', ka'au' pu'un tuai nepah akeu'.

LUKAS 11:20

Neu' penyukat Allah inah Akeu' mega' balei', inah éh nelana' Allah pu'un belah keh ke' Néh Pengeja'au, ha' Néh.

YOHANES 14:20

Tovoo' néh pu'un kenat, adang keh omok jam Akeu' pu'un pekua' ngan Tamen Ké' ngan ka'ah péh pu'un dalem Akeu', barei' Akeu' péh pu'un dalem ka'ah, ha' Néh.

YOHANES 14:7

Hun iteu' pu'un keh jam Akeu' ngan omok keh jam Tamen Ké' kepéh, ngan jin la'o iteu' ka'ah pu'un jam éh, ngan ka'ah pu'un na'at Éh tenéh, ha' Néh.

YOHANES 16:3

Pu'un réh maneu' kenat uban réh bé' jam Akeu' ngan bé' jam Tamen Ké' kepéh.

YOHANES 17:3

La'ah urip éh pelinguh, inah éh, hun kelunan jam jah Ka'au awah néh Allah éh mu'un, ngan hun réh jam Yésus Kristus éh senohoo' Ko' tuai nah.

YOHANES 17:8

Uban kekat ha' tebaraa' éh nena' Ko' ngan Ké', pu'un Ku' bara' éh ngan réh kepéh, ngan pu'un réh mihau éh lem kenin réh. Kejam réh mu'un Akeu' pu'un tuai jin Ka'au ngan pu'un réh ngelan Ka'au éh nyohoo' Akeu' tuai.

YOHANES 20:13

Ka' ha' rawah ngan Meriam, O redo, kineu' ke' mangaa' kenat, ha' roh. Ka' ha' Meriam mipa roh, Pu'un réh alaa' patai Tuhan ngan bé' ku' jam semah Éh nodoo' réh kepéh, ha' néh.

YOHANES 20:28

Ka' ha' Tomas mipa Éh, O Tuhan, pu'un akeu' ngelan, Ka'au éh Allah ké', ha' néh.

PENGANEU' LAWAH 20:24

Bang bé' akeu' paréé' urip ké', sokoh ke' ku' omok pesukup kekat kereja' éh na' Tuhan Yésus ngan ké', inah éh, bara' Rengah Jian tong penika Allah.

SURAT PAULUS NGAN SIDANG RUM 8:18

Hun ké' seruh tong kekat penusah éh teneng tong uleu' hun iteu', si'ik awah éh hun ké' seruh tong kekat kemurung lu' pemung ngan Tuhan, ngan na'at Éh dalem kekat pengaren Néh kepéh vam.

SURAT PAULUS NGAN SIDANG RUM 8:39

bé' pu'un ineu'-ineu' éh bau lu' ngan éh ra' lu' péh éh omok, bé' pu'un ineu'-ineu' ngan semah-semah péh éh omok pepetat lu' jin penika Allah éh pepoléng Néh ngan uleu' dalem Kristus Yésus éh Tuhan lu'.

1 KORINTUS 2:2

Kelebéé' ké' pu'un ngan keh, jah awah kenin ké', inah éh juk bara' Yésus Kristus matai ngan keh, ngan bara' tong pematai Néh tong kayeu' salib.

1 KORINTUS 9:10

Kineu', bé' Iah seruh tong uleu' kepéh hun néh pané kenat? Adang ha' inah senurat néh ngan uleu' kepéh. La'ah kelunan éh nyakun tana' ngan kelunan éh alaa' buaa' jin pulah inah, tekep rawah maneu' kereja' roh ngan ngelan hun buaa' néh pu'un omok roh pekua' petulat éh.

2 KORINTUS 4:4

Bé' irah ngelan uban Sitan éh pengeja'au tana' iteu' memeseu' maten kenin réh, inah maneu' réh bé' omok na'at nawa éh perema tong irah, nawa éh jin Rengah Jian éh bara' tong pengaren Kristus éh pekua' mu'un ngan Allah lem ineu'-ineu' péh.

2 KORINTUS 4:6

Uban Allah éh lepah bara', Jian rema ngada jin merem, Iah ke' éh ngada dalem kenin uleu' kepéh, dokoo' Néh mihin lu' tong rema neu' pengejam lu' tong pengaren Allah éh pepoléng Néh ngan lu' neu' Kristus.

GALATIA 1:16

Hun Allah pepoléng Anak Néh ngan ké' dokoo' ké' omok bara' Rengah Jian tong Anak Néh inah ngan irah éh tengéé' pohoo', bé' akeu' tai neteng kelunan séé'-séé' péh.

ÉPESUS 4:13

Inah jalan uleu' béé jah awah lem pengelan ngan jam tong Anak Allah, avéé' uleu' béé pu'un sukup kenin jam seruh, inah éh avéé' uleu' béé sukup kenin dalem kekat pengejian Kristus.

PILIPI 1:1

Amo Paulus ngan Timotius éh kelunan sohoo' Kristus Yésus, amo maneu' surat iteu' ngan kekat kelunan éh anah Allah éh mokoo' tong tana' Pilipi éh ngelan tong Kristus Yésus, pemung ngan kekat pengeja'au ngan irah éh jah péh éh nolong tong sidang.

PILIPI 3:10

Jah awah kenin ké', akeu' juk jam Kristus ngan juk jam tong penyukat Néh dalem pengebetéé' Néh jin patai Néh ngan juk pemung ngan Néh dalem pengeketa Néh, ngan pu'un barei' Iah dalem pengematai Néh,

PILIPI 3:12

Bé' jak akeu' jam éh kenat, bé' jak akeu' pu'un sukup mu'un, bang akeu' juk lakau mu'un pah avéé' ké' pu'un jian mu'un, barei' éh seneruh Kristus Yésus hun néh purip ku' bu'un rai.

PILIPI 3:7

Bang tong kekat éh benara' ké' pu'un gunah bu'un rai, hun iteu' kepéh akeu' bara' éh pekua' moo' awah neu' pengelan ké' tong Kristus.

2 TIMOTIUS 4:6

Bang jaka' ké' lepah avéé', inah éh jaka' réh mematai ku', adang akeu' juk piso jin tana' iteu'.

IBRANI 3:14

Uleu' béé pu'un pekua' kereja' ngan Kristus, hun lu' avéé' ga' néh petem ngamit pengelan éh pu'un ngan lu' jin bu'un néh.

1 PÉTERUS 2:7

La'ah bateu' inah jian mu'un éh ngan ka'ah éh ngelan, bang tong kelunan éh bé' ngelan inah éh barei' ha' lem surat Allah bara' Bateu' éh nebet irah tukeng lamin uban réh seruh éh bé' pu'un gunah, Bateu' inah néh éh jian mu'un, ha' Néh.

2 PÉTERUS 1:2

Uban keh jam Allah ngan Yésus éh Tuhan lu', jian kekat kemurung Allah ngan pengepawah Néh pepit dalem kenin keh kepéh.

2 PÉTERUS 1:3

Naneu' penyukat Néh éh nena' Allah ngan lu' pu'un Iah mena' kekat éh tekep tong urip uleu' éh ni'ai, dokoo' urip lu' omok jian barei' éh tekep ngan kelunan éh ngelan Tuhan. Uleu' omok murip jian kenat neu' pengejam lu' tong Allah éh tebai lu' tai pemung ngan Néh dalem kekat pengaren ngan pengejian Néh.

2 PÉTERUS 1:8

Kekat barék inah éh tekep pu'un ngan keh hun keh alaa' éh ngan kivu éh mu'un, adang urip keh pu'un gunah ngan ka'ah pepit kepéh jam tong Yésus Kristus Tuhan lu' ngan jian.

2 PÉTERUS 3:18

Tekep ka'ah pepit lem penika Yésus Kristus. Tuhan ngan Éh purip lu' ngan tekep ka'ah péh pepit kepéh jam tong Iah. Jian uleu' mejing ngan peparen Kristus, hun iteu' ngan kelebéé'-lebéé' néh. Amin.

1 YOHANES 1:3

Améé péh bara' ngan Keh tong éh ta'an ngan nenéng mé' dokoo' ka'ah pekua' kenin ngan améé' lem urip mé' éh pu'un pemung ngan Tamen ngan Anak Néh Yésus Kristus.

1 YOHANES 2:19

Kekat kelunan inah bé' réh pekua' kenin ngan lu', kenat péh irah piso jin uleu'. Hun réh pu'un pekua' kenin ngan lu', adang irah petem pemung ngan lu'. Irah nelana' réh tengéé' mu'un kenin ngan uleu' uban réh piso jin uleu'.

1 YOHANES 5:20

La'ah uleu' jam Anak Allah pu'un tuai, Iah mena' pengejam Néh ngan lu', dokoo' lu' jam Allah éh teneng. Urip lu' pu'un éh dalem Allah éh teneng ngan dalem Anak Néh Yésus Kristus. Inah éh Allah éh teneng ngan urip éh mu'un ngan pelinguh.