PILIPI 3:6 - Rengah Jian

⁶ avéé' ké' pu'un peketa sidang Tuhan. Hun kelunan omok teneng kenin tong jumen Tuhan neu' réh kivu sohoo' lem Surat Musa, akeu' éh pu'un kivu kekat néh béé.

PILIPI 3:6 Iomraidhean Croise

MATIUS 23:25

Ha' Yésus kepéh, Pika ka'ah guru éh nebaraa' tong sohoo' lem Surat Musa, kenat péh ngan ka'ah éh kivu adet Parisi, adang keh pu'un tusah mu'un uban keh ngelayoo' awah sebayang. Inah kepéh, pinaa' adet keh pohéé' likot sawan ngan pigan, bang lem néh pu'un kekat arong éh nalaa' keh jin keh ngebuyuk kelunan ngan nyelepéé' kenin péh.

MATIUS 5:20

Akeu' bara' mu'un ngan keh, hun penganeu' keh bé' pelapah teneng jin kekat penganeu' irah guru éh nebaraa' keh tong sohoo' lem Surat Musa, ngan jin penganeu' irah éh kivu adet Parisi, adang keh bé' omok tai lem nihau Allah, ha' Néh.

LUKAS 1:6

Jian barék roh tong ta'an Allah, pu'un roh kivu kekat sohoo' ngan pengeloo' kenin Tuhan.

PENGANEU' LAWAH 21:20

Hun réh menéng éh, boh réh mejing Allah. Ka' ha' réh ngan Paulus, O padéé', kejam ko' pu'un kuraa'-kuraa' ibu kelunan Yahudi éh ngelan tong Tuhan Yésus, ngan éh mekat kivu sohoo' lem Surat Musa.

PENGANEU' LAWAH 22:5

La'ah Imam éh pengeja'au kekat imam ngan kekat irah Komiti sebayang Yahudi jam ku' pu'un pané mu'un. Pu'un ku' alaa' surat jin réh éh pekateu' réh ngan irah Yahudi tong leboo' Damsyik, boh ku' tai Damsyik dokoo' ké' omok ngamit kelunan sinah ngan ngejeret réh tai Yérusalem dokoo' irah omok ngukum réh, ha' Paulus ngan réh.

PENGANEU' LAWAH 26:5

Inah kepéh kejam réh akeu' pu'un kivu kekat adet kelunan Parisi, éh mekat mu'un kivu kekat adet sebayang, hun réh keloo' bara' éh, omok réh bara' éh.

PENGANEU' LAWAH 8:3

La'ah Saulus juk kebéé sidang Tuhan. Tai éh tong siget-siget lamin réh ke' néh ngamit réh, irah lakei' ngan irah redo péh éh pu'un ngelan, ke' néh masek réh lem lamin tutup.

SURAT PAULUS NGAN SIDANG RUM 7:9

Hun sahau rai, pu'un ku' murip marut awah, bé' ku' jam tong Surat Musa. Tovoo' ké' jam ha' Tuhan meta' kenat, tioo penyala' murip ngan gusii' lem kenin ké'.

1 KORINTUS 10:32

Dalem kekat pengurip keh, mai keh maneu' ineu'-ineu' éh omok petusah kenin irah Yahudi kenat péh petusah kenin irah éh tengéé' pohoo', kenat péh petusah sidang Allah péh.

1 KORINTUS 15:9

Uban akeu' éh ra' mu'un jin kekat lawah éh jah, éh mu'un, bé' tekep akeu' pu'un ngaran lawah uban akeu' lepah peketa sidang Allah rai.

PILIPI 2:15

dokoo' ka'ah pu'un teneng ngan jian tong jumen kelunan éh jah, murip pekua' barei' kelunan éh anak Allah belah kelunan éh sa'at éh penyala'. Barei' kenyuhai perema tong langit kenat péh tekep ka'ah barei' rema belah irah kepéh.

PILIPI 3:9

ngan pu'un petem dalem Iah. Bé' éh neu' pengeteneng ké' uban ké' pu'un kivu kekat sohoo' lem Surat Musa, bang pengeteneng éh pu'un neu' pengelan ké' tong Kristus, inah éh pengeteneng éh jin Allah éh pu'un neu' pengelan.

1 TIMOTIUS 1:13

Hun sahau rai pu'un akeu' pané ngesa'at ngaran Néh, ngan peketa ngan punyat kenin irah éh ngelan tong Iah, seleket ké' maneu' usah Néh mu'un, na' péh kenat pu'un Allah pika akeu', éh ké' maneu' kenat nah uban ké' bé' jak ngelan tong Iah, ngan bé' jak ku' jam tong penganeu' ké' kenat nah sala'.