PILIPI 3:18 - Rengah Jian

¹⁸ Pinaa' koléé' ké' bara' éh ngan keh tenéh, ngan hun iteu' kepéh akeu' bara' éh ngan baa' maten ké' musit mu'un, pu'un jelua' kelunan neu' barék néh éh sa'at, inah éh maneu' réh ayau Kristus éh matai tong kayeu' salib.

PILIPI 3:18 Iomraidhean Croise

LUKAS 19:41

Hun Yésus avéé' lah tong Yérusalem, mangaa' Éh na'at éh.

PENGANEU' LAWAH 20:19

La'ah dawai kenin ké' avéé' baa' maten ké' musit ku' kereja' ngan Tuhan rai, uban pinaa' arong penusah ké' neu' irah Yahudi éh pakat maneu' ku'.

1 KORINTUS 1:18

La'ah tebaraa' tong pematai Kristus tong salib, bé' pu'un gunah néh ngan kekat kelunan éh tawang, bang ngan uleu' éh pu'un alaa' urip, inah éh penyukat Allah.

1 KORINTUS 6:9

Adang keh jam kelunan éh sa'at barék bé' omok tai tong nihau Allah. Mai keh tawang, kelunan éh sa'at barék ngan petuyang, ngan kelunan éh pakai butun, ngan lakei' éh petuyang ngan lakei',

2 KORINTUS 11:13

Kelunan inah bé' réh lawah Tuhan mu'un, bang ngelayoo' awah réh. Pu'un réh pané kenyo bara' tong kekat kereja' réh ngan maneu' barei' penganeu' irah éh lawah Kristus mu'un, bang réh ngelayoo' awah.

2 KORINTUS 11:29

Hun pu'un kelunan éh lemoo', akeu' péh barei' lemoo' uban ké' pika réh. Hun pu'un kelunan pelohoo' maneu' penyala', besau mu'un-mu'un kenin ké'.

2 KORINTUS 2:4

La'ah hun ké' maneu' surat ngan keh rai, pu'un akeu' maneu' éh ngan bahat mu'un kenin, besau kenin ké', pah avéé' baa' maten ké' musit mu'un, bé' éh uban ké' juk ngebesau kenin ka'ah bang dokoo' ka'ah jam akeu' pika ka'ah mu'un.

GALATIA 1:7

Éh mu'un bé' pu'un rengah jian éh tengéé' jin éh benara' améé', bang akeu' pané kenat uban kelunan pu'un petusah kenin keh ngan juk ngepaléu Rengah Jian éh jin Kristus.

GALATIA 2:14

Bang hun ké' jam irah piso kenat uban réh medai ngan menyaa', ngan bé' pu'un maneu' éh pekua' éh teneng tong Rengah Jian, pu'un ku' ma'ah Péterus tong jumen réh béé. Ka' ha' ké' ngan néh, ka'au' iteu' kelunan Yahudi, bang lepah rai pu'un ke' bet kekat adet sebayang Yahudi. Hun néh kenat, uban ineu' ke' nyohoo' kelunan éh tengéé' pohoo', kivu adet inah ngan murip barei' kelunan Yahudi kepéh, ha' ké' ngan néh.

GALATIA 2:21

Bé' akeu' bet penika Allah, bang hun kelunan omok alaa' jian kepéh tong jumen Allah, neu' néh kivu sohoo' ngan adet lem Surat Musa, boh pematai Kristus nah, tuyah-tuyah awah.

GALATIA 5:21

pu'un réh magat livah irah éh jah, mavuk, kuman nyahan, ngan pinaa' arong éh barei' inah kepéh. La'ah akeu' bara' ngan keh, pekua' éh benara' ké' ngan keh lepah rai, kelunan éh maneu' kenat bé' réh omok tai lem nihau Allah.

GALATIA 6:12

La'ah kelunan éh bau kenin éh keloo' pané tong kekat adet kelunan awah, inah éh nyohoo' ka'ah pesunat. Irah maneu' kenat dokoo' mai kelunan éh jah peketa réh uban hun réh bara', Neu' pengematai Kristus tong salib, inah awah jalan kelunan omok alaa' urip Tuhan, hun réh pané kenat adang irah Yahudi peketa réh.

GALATIA 6:14

Bang tong akeu', jah awah éh juk kenajung ké', inah éh tong pengematai Tuhan lu' Yésus Kristus. Uban neu' Néh matai tong kayeu' salib, kekat-kekat éh tong tana' iteu' tuyah-tuyah awah ngan ké'. Akeu' péh seleket matai ngan kekat-kekat éh pu'un tong tana'.

ÉPESUS 4:17

Dalem ngaran Tuhan inah éh sohoo' ké' ngan keh. Mai la'ah keh murip barei' kelunan éh bé' ngelan tong Tuhan,

PILIPI 1:4

Kenat péh siget koléé' hun ké' sebayang tong ka'ah pu'un ku' sebayang ngan jian kenin.

1 TESALONIKA 4:6

Mai jah usah péh ngelapah awah ngan maneu' penyala' tong padéé' néh dalem Tuhan tong jalan iteu'. Uban pu'un mé' lepah bara' ngan keh ngan nyohoo' keh mavaa' mu'un, adang Tuhan pu'un ngukum kelunan éh sa'at barék kenat.

2 TESALONIKA 3:11

Pu'un mé' pané kenat kepéh hun iteu', uban mé' pu'un menéng kuraa' kekat kelunan belah ka'ah éh leko kereja', éh bé' kereja' maneu' ineu'-ineu' bang irah petusah kelunan éh jah awah.

2 PÉTERUS 2:10

Makin péh irah éh kivu pengagat éh segit ngan irah éh lebuau tong penyukat Allah. Irah guru éh ngelayoo' inah bé' réh jam menyaa' bau kenin réh. Bé' irah peduli'. Kekat éh maren tong seruga; bang irah ngesa'at kekat néh béé.

YUDAS 1:13

Irah barei' luyak ja'au tong baa' banget. Kekat kesa'at réh éh pekenyaa' nah pu'un poléng barei' bura'. Barei' kenyuhai éh lepah piso jin jalan néh bu'un éh retek néh lepah petenup Allah dalem merem éh matek padeng mu'un pah avéé' pelinguh linguh.