PILIPI 3:15 - Rengah Jian

¹⁵ Uban néh kenat kelunan éh jam seruh ngan éh sukup mu'un, jian iah pu'un kenin pekua' barei' iteu'. Hun pu'un séé'-séé' éh tengéé' kenin jin inah, Allah omok pekelenaa' éh ngan réh.

PILIPI 3:15 Iomraidhean Croise

MATIUS 5:48

Jian keh pika kekat kelunan barei' Tamen keh tong seruga pu'un pika réh, ha' Yésus nah.

LUKAS 11:13

Hun ka'ah kelunan éh sa'at awah jam mena' kekat éh jian ngan anak keh, makin péh Tamen keh éh tong seruga, adang Iah omok mena' Sahéé' Ni'ai ngan kelunan éh menyat ngan Néh, ha' Néh ngan irah éh bakéh Néh.

YOHANES 6:45

Irah nabi pu'un réh nyurat bara', Kekat kelunan adang Allah juk nebaraa' réh. Siget kelunan éh menéng ha' Tamen Ké' ngan éh nesen tong tebaraa' Néh, pu'un éh tuai tavin Akeu'.

YOHANES 7:17

Séé'-séé' éh keloo' maneu' kekat pengeloo' Allah, omok éh jam kekat ha' tebaraa' Ké' inah pu'un éh jin Allah, bé' Ku' bara' éh kivu kenin Ké' tengéé' awah.

SURAT PAULUS NGAN SIDANG RUM 15:1

La'ah uleu' éh gahang dalem pengelan lu' tong Tuhan, tekep lu' nolong bii' kebahat penusah kelunan éh kurang pengelan. Mai lu' maneu' éh omok ngejian kenin usah lu' tengéé'.

1 KORINTUS 14:20

O kekat padéé' ké' mai keh barei' penyeruh irah anak awah. Jian keh barei' anak éh tejeu' tong kesa'at, bang dalem kekat penyeruh keh jian keh barei' kelunan éh jam seruh mu'un.

1 KORINTUS 2:6

Bang hun ké' nebaraa' kelunan éh lepah sukup pengejam réh tong ha' tebaraa' Tuhan, pu'un ku' nebaraa' réh palaa' kuraa'-kuraa' ha' tebaraa' éh ma'an éh pu'un ngan pengejam, bang pengejam ké' iteu', bé' éh pengejam jin tana' iteu' awah, bé' éh barei' pengejam irah éh pengeja'au kelunan éh jin tana' iteu' awah, uban kekat penyukat pengeja'au kelunan inah juk béé.

GALATIA 5:10

Bang akeu' ngelan adang ka'ah omok ngelan Tuhan kepéh, barei' keh ngelan hun kekat penusah iteu' bé' pu'un rai. Uban lu' pu'un petem lem Tuhan, inah éh maneu' akeu' omok ngelan ka'ah bé' pu'un tengéé' kenin ngan bé' kivu ha' tebaraa' éh tengéé'. Ngan inah kepéh kejam ké', kelunan séé'-séé' éh petusah kenin keh nah, adang néh kenukum Allah.

ÉPESUS 1:17

Akeu' menyat Allah, éh Tamen Tuhan Yésus Kristus, inah éh Tamen éh Matek Maren, akeu' menyat éh mena' pengejam jin Sahéé' Ni'ai ngan keh dokoo' keh omok nesen mu'un tong Kristus, ngan kekat éh neu' Néh.

KOLOSÉ 1:28

Uban néh kenat inah éh mihin améé' bara' Kristus ngan kekat kelunan. Améé' nebaraa' ngan petena' réh béé ngan kekat pengejam kenin mé', dokoo' mé' omok mihin siget-siget usah réh tong jumen Tuhan barei' kelunan éh sukup mu'un kenin dalem Kristus.

KOLOSÉ 4:12

La'ah Epapras iah péh pemung tana' ngan ka'ah, ngan éh sohoo' Kristus Yésus, iah péh bara' tabi' ngan keh. Ngelayau iah gahang sebayang tong ka'ah dokoo' keh omok reken kenin ngan sukup kenin ngan jam seruh ngan ngelayau kivu pengeloo' Allah.

1 TESALONIKA 4:9

La'ah bé' tiken ke' ku' lah nyurat nyohoo' keh pika irah éh padéé' keh, éh pekua' pengelan ngan keh lem Tuhan, uban ka'ah tengéé' lepah jam jin Allah, tekep pika jah usah ngan jah usah,

2 TIMOTIUS 3:17

dokoo' kelunan éh maneu' kereja' Allah omok sukup, ngan pu'un palaa' néh maneu' kekat kereja' néh jian.

IBRANI 5:14

Bang sin ka'an, inah éh ngan irah éh lepah ja'au. Kelunan éh ja'au nah, neu' kuraa'-kuraa' koléé' néh pekalai iah jam éh jian ngan éh sa'at péh.

1 YOHANES 2:5

Bang séé séé' éh tigéh kivu sohoo' Néh, kelunan inah pika Allah mu'un, inah néh tada' uleu' murip petem dalem Allah.