PILIPI 3:14 - Rengah Jian

¹⁴ Akeu' nekedeu' mu'un barei' irah lem petakéé' dokoo' ké' omok alaa' pengena' néh, inah éh, tong Allah tebai ku' dalem Kristus Yésus, dokoo' ké' omok alaa' urip maréng pemung ngan Néh tong seruga.

PILIPI 3:14 Iomraidhean Croise

LUKAS 16:16

Ka' ha' Yésus kepéh, Pu'un kelunan kivu kekat ha' lem Surat Musa ngan kivu ha' lem surat éh senurat irah nabi sahau, pah avéé' tong pengurip Yohanes Batis rai, la'o inah kepéh Rengah Jian éh bara' tong jalan Allah pu'un Pengeja'au, inah kepéh perengah kelunan, ngan mekat mu'un réh pitah jalan ke' réh omok tai lem nihau Tuhan kenat.

SURAT PAULUS NGAN SIDANG RUM 11:29

Bé' Allah ngepaléu kenin Néh tong kelunan éh kevéléé' Néh ngan éh tenebai Néh.

1 KORINTUS 9:24

Adang keh jam, hun keh petakéé' dalem réh petesi, kekat kelunan éh juk nakéé' réh pu'un réh pata nekedeu', bang jah usah awah éh menang. Jian ka'ah kepéh nekedeu' barei' kelunan éh juk menang inah.

2 KORINTUS 4:17

Uban penusah ngan pengeketa lu' iteu', barei' si'ik awah éh ngan metok awah, pu'un éh mihin uleu' alaa' pengaren éh ja'au ngan éh pelinguh, éh pelapah ja'au kepéh jin kekat penusah lu'.

PILIPI 3:3

bang uleu' éh pu'un pesunat éh teneng, uban uleu' seva' Allah naneu' Sahéé' Néh ngan murung naneu' urip lu' lem Kristus Yésus, bé' uleu' ngelan tong ineu'-ineu' éh omok neu' kelunan.

KOLOSÉ 2:18

Mai keh kejeraa' usah keh kelavo' kelunan éh ngelayoo' diva' kenin ngan éh seva' meliket. Uban kelunan éh kenat bau kenin réh uban penyeruh réh jin tana' iteu' awah, Kenat péh irah ngajung usah réh uban réh na'at Kuraa'-kuraa' éh ta'an réh.

1 TESALONIKA 2:12

Pu'un mé' ngegahang kenin keh ngan papung keh, ngan nyohoo' keh murip ngan barék éh payoo' tong jumen Allah éh tebai ka'ah tai lem nihau Néh ngan pengaren Néh.

2 TIMOTIUS 1:9

Pu'un éh purip uleu' ngan tebai lu' kelu' omok anah Nah mu'un, bé' éh uban ineu'-ineu' éh penganeu' lu', bang kivu pengeloo' Néh ngan penika Néh tengéé'. Iah mena' penika Néh jin bu'un-bu'un dalem Kristus Yésus.

IBRANI 3:1

O kekat padéé' ké' lem Tuhan éh tenebai Allah, jian keh seruh tong Yésus éh tuai sohoo' Allah ke' Néh omok Imam éh pengeja'au kekat imam tong adet sebayang lu'.

IBRANI 6:1

Uban néh kenat jian uleu' lakau kepéh avéé' tong ha' tebaraa' éh ngan irah éh sukup kenin dalem Tuhan, mai lu' posot terah ha' tebaraa' éh bu'un-bu'un tong Kristus. Mai lu' ngelayau nebaraa' éh bu'un-bu'un tong pengelan tong Allah ngan posot maneu' kekat éh bé' pu'un gunah.

1 PÉTERUS 1:13

Uban néh kenat jian keh ngelayau petenup, mavaa' mu'un-mu'un ngan pu'un pengepelum penoo' tong pengejian éh juk nena' ngan keh tovoo' Yésus Kristus tuai kepéh.

1 PÉTERUS 5:10

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.

2 PÉTERUS 1:3

Naneu' penyukat Néh éh nena' Allah ngan lu' pu'un Iah mena' kekat éh tekep tong urip uleu' éh ni'ai, dokoo' urip lu' omok jian barei' éh tekep ngan kelunan éh ngelan Tuhan. Uleu' omok murip jian kenat neu' pengejam lu' tong Allah éh tebai lu' tai pemung ngan Néh dalem kekat pengaren ngan pengejian Néh.

ÉH POLÉNG 3:21

Ngan irah éh nyopéé' kekat arong kesa'at, Akeu' kejeraa' réh menyun déhéé' Ké' tong nyun jalan Ké' Raja', barei' Akeu' lepah menang ngan menyun déhéé' Tamen Ké' tong jalan Néh Raja', ha' Néh.