PILIPI 3:12 - Rengah Jian

¹² Bé' jak akeu' jam éh kenat, bé' jak akeu' pu'un sukup mu'un, bang akeu' juk lakau mu'un pah avéé' ké' pu'un jian mu'un, barei' éh seneruh Kristus Yésus hun néh purip ku' bu'un rai.

PILIPI 3:12 Iomraidhean Croise

MATIUS 5:48

Jian keh pika kekat kelunan barei' Tamen keh tong seruga pu'un pika réh, ha' Yésus nah.

PENGANEU' LAWAH 9:15

Ka' ha' Tuhan ngan néh kepéh, Jian ke' tai tavin éh, uban pu'un Ku' lepah ngevéléé' éh ke' néh bara' ngaran Ké' belah kelunan éh tengéé' pohoo', kenat péh tong irah éh raja', avéé' tong pohoo' Yahudi kepéh.

SURAT PAULUS NGAN SIDANG RUM 8:39

bé' pu'un ineu'-ineu' éh bau lu' ngan éh ra' lu' péh éh omok, bé' pu'un ineu'-ineu' ngan semah-semah péh éh omok pepetat lu' jin penika Allah éh pepoléng Néh ngan uleu' dalem Kristus Yésus éh Tuhan lu'.

1 KORINTUS 13:10

bang hun Tuhan Yésus tuai kepéh, boh kekat éh bé' sukup kejam lu' nah juk béé ngan omok lu' jam éh mu'un lah.

1 KORINTUS 13:12

Uban hun iteu' bé' jak lu' jam mu'un tong Allah, uleu' pu'un barei' hun lu' na'at usah lu' lem pengada, bé' éh poléng mu'un, bang temurei' kepéh omok lu' jam éh ngan lenaa' mu'un. La'ah hun iteu' pengejam ké' bé' éh sukup mu'un, bang temurei' kepéh omok akeu' jam éh lenaa' mu'un, pekua' Tuhan jam tong kenin ké' hun iteu'.

1 KORINTUS 9:24

Adang keh jam, hun keh petakéé' dalem réh petesi, kekat kelunan éh juk nakéé' réh pu'un réh pata nekedeu', bang jah usah awah éh menang. Jian ka'ah kepéh nekedeu' barei' kelunan éh juk menang inah.

2 KORINTUS 13:9

Hun améé' pu'un lemoo' ngan ka'ah pu'un gahang, murung kenin mé'. Inah kepéh améé' sebayang dokoo' ka'ah omok pepit sukup mu'un.

2 KORINTUS 7:1

Kekat bakéh ké', kekat ha' jajii' Néh inah, pu'un éh ngan uleu', uban néh pu'un ngan uleu' kenat, jian uleu' peti'ai kenin lu' jin kekat ineu'-ineu' éh omok maneu' usah ngan kenin lu' sa'at, jian uleu' ni'ai mu'un ngan murip ngan medai maneu' ineu'-ineu' éh sa'at éh omok ngesa'at ngaran Allah.

GALATIA 5:17

Uban pengagat dalem usah keh pekelawan ngan pengeloo' Sahéé', ngan pengeloo' Sahéé' pekelawan ngan pengagat dalem usah keh. Rawah inah kua' pekelawan inah éh maneu' keh bé' omok kivu kekat éh pengeloo' keh.

ÉPESUS 1:4

Bé' jak tana' iteu' pu'un, Allah pu'un ngevéléé' uleu' tenéh, dokoo' neu' urip lu' lem Kristus, uleu' omok anah Néh, ngan murip ni'ai ngan jian mu'un, bé' pu'un sa'at ineu'-ineu' tong jumen Néh. Uban neu' penika Néh,

ÉPESUS 4:12

Iah maneu' kenat dokoo' nolong kekat kelunan éh anah Allah maneu' kereja' Néh dokoo' sukup avéé' usah Kristus pu'un gahang, inah éh sidang nah.

PILIPI 1:1

Amo Paulus ngan Timotius éh kelunan sohoo' Kristus Yésus, amo maneu' surat iteu' ngan kekat kelunan éh anah Allah éh mokoo' tong tana' Pilipi éh ngelan tong Kristus Yésus, pemung ngan kekat pengeja'au ngan irah éh jah péh éh nolong tong sidang.

PILIPI 3:16

Bang jian uleu' béé lakau kivu Tuhan lem kekat éh kenivu lu' rai.

PILIPI 3:3

bang uleu' éh pu'un pesunat éh teneng, uban uleu' seva' Allah naneu' Sahéé' Néh ngan murung naneu' urip lu' lem Kristus Yésus, bé' uleu' ngelan tong ineu'-ineu' éh omok neu' kelunan.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

1 TESALONIKA 5:15

Mai pu'un jah usah péh nyulei' kesa'at ngan kesa'at, bang jian keh ngelayau pekua' maneu' jian ngan nolong kekat kelunan.

2 TESALONIKA 2:13

O kekat padéé' ké' éh kemurung Allah, tekep améé' ngelayau bara' jian kenin ngan Allah uban Iah ngevéléé' ka'ah tenah jin irah éh jah ke' Néh purip keh neu' penyukat Sahéé' Ni'ai ke' Néh maneu' keh anah Allah mu'un, inah éh neu' pengelan keh tong tebaraa' éh teneng.

1 TIMOTIUS 5:10

Inah kepéh hun néh redo éh pu'un ngaran éh jian uban néh pinaa' jalan nolong kelunan éh jah, éh pu'un mihau anak néh mu'un ngan éh ngelayau alaa' irah sakai tong lamin néh ngan mihau réh ngan jian kenin, éh pu'un masi ngan pika kelunan lem penusah réh, ngan éh mekat maneu' kuraa'-kuraa' arong kereja' éh jian péh, redo baleu' éh kenat jian keh nolong éh.

1 TIMOTIUS 6:19

Hun réh maneu' kenat, irah pu'un alaa' oléé' éh pelapah ja'au kepéh, inah éh alaa' urip éh pelinguh.

IBRANI 12:14

Mekat keh pitah jalan dokoo' keh omok murip ngan pawah kenin belah kekat kelunan. Kenat péh jian keh mekat pitah dokoo' kekat barék keh pu'un ni'ai, uban bé' pu'un séé'-séé' péh éh omok na'at Tuhan hun néh bé' pu'un ni'ai.

IBRANI 13:21

Jian Allah inan pengepawah inah pesukup kekat pengejian Néh ngan keh dokoo' keh omok maneu' pengeloo' Néh. Dokoo' jin Yésus Kristus Allah maneu' kekat ineu' éh keneloo' Néh dalem urip lu'. Jian Kristus pu'un peparen avéé' kelebéé' lebéé' néh! Amin.

YAKUB 3:2

Uleu' béé ngelayau maneu' éh sala'. Hun kelunan bé' pu'un maneu' éh sala' tong kekat ha' ané néh, Iah kelunan éh sukup mu'un. Iah omok mihau ketem lo'ong usah néh.

1 PÉTERUS 5:10

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.

2 PÉTERUS 3:18

Tekep ka'ah pepit lem penika Yésus Kristus. Tuhan ngan Éh purip lu' ngan tekep ka'ah péh pepit kepéh jam tong Iah. Jian uleu' mejing ngan peparen Kristus, hun iteu' ngan kelebéé'-lebéé' néh. Amin.