PILIPI 3:11 - Rengah Jian

¹¹ dokoo' ké' omok betéé' jin patai ké' alaa' urip maréng.

PILIPI 3:11 Iomraidhean Croise

LUKAS 14:14

boh ke' jian, uban bé' irah omok maneu' ineu'-ineu' éh ke' réh mena' ngan ko' kepéh. Tovoo' Tuhan metéé' kelunan jian jin patai réh, boh Tuhan pu'un mena' oléé' néh ngan ko' kepéh, ha' Néh.

YOHANES 11:24

Ka' ha' Marta, Akeu' jam éh juk betéé' murip kepéh tong ga' dau vam, ha' néh.

PENGANEU' LAWAH 23:6

Hun Paulus jam jelua' irah Komiti sebayang Yahudi nah kelunan éh kivu adet Saduki ngan jelua' kivu adet Parisi, pelapah éh pané ngan ja'au ha' ngan irah Komiti sebayang Yahudi, ka' ha' néh, O kekat tamen ngan kekat padéé' ké', akeu' iteu' péh kelunan Parisi ngan anak kelunan Parisi. La'ah uban ké' ngelan kelunan matai omok betéé' murip kepéh, inah ké' kenukum réh ka', ha' néh.

PENGANEU' LAWAH 26:7

la'ah jah poloo' duah betah pohoo' mé' mekat mu'un réh sebayang ngan Tuhan dau rema ngan dau merem péh, uban réh ngelan tong éh pejajii' Tuhan. Uban ké' ngelan éh kenat, nah ke' irah Yahudi nah maneu' akeu'.

PENGANEU' LAWAH 27:12

La'ah tong pengokoo' réh nah bé' réh tekep mokoo' tong apén kapen, sinah bé' éh omok jalan kapen mokoo' sioo' genin. Irah tioo juk lakau pajau tai tana' Peniks ke' réh omok mokoo' tong Peniks sioo' genin nah. Peniks nah jalan réh mapén tong Pulau Kreta éh saa' kabéng oléé' maten dau.

SURAT PAULUS NGAN SIDANG RUM 11:14

Lem ké' kereja' kenat, bé' akeu' ngelepan tong pohoo' ké' tengéé' barang kenat péh jalan ké' menat kenin réh dokoo' réh omok alaa' urip kepéh.

1 KORINTUS 15:23

Siget-siget usah kivu jaka' néh, bang Kristus éh betéé' tenah, la'o inah boh kekat kelunan éh anah Néh omok betéé' kepéh tovoo' jaka' Néh tuai kepéh.

1 KORINTUS 9:22

Hun ké' pu'un ngan kelunan éh kurang pengelan, akeu' péh pu'un pekua' barei' kelunan inah, dokoo' ké' omok mihin réh ngelan tong Tuhan. La'ah tong kekat kelunan béé, akeu' péh pekua' barei' irah péh, dokoo' neu' kekat jalan ineu'-ineu' omok akeu' mihin réh ngelan tong Kristus.

1 KORINTUS 9:27

bang akeu' ngegahang usah ké' ngan ngeripen éh, dokoo' la'o ké' nebaraa' kelunan éh jah, mai usah ké' tengéé' nebet Tuhan.

2 KORINTUS 11:3

Bang medai ku' dai kekat penyeruh keh pu'un sa'at, avéé' keh bet Kristus barei' Awa' éh lavo' neu' kekat aken torok éh ngelavo' éh.

1 TESALONIKA 3:5

Uban kenat akeu' nyohoo' Timotius tai tavin keh, dokoo' ké' omok jam tong pengelan keh tong Kristus, éh kemapah ké' dai Sitan pu'un tupat ka'ah ngan kekat kereja' mé' belah ka'ah rai pu'un tuyah-tuyah awah.

2 TESALONIKA 2:3

Bang mai keh lavo' neu' ha' réh pané kenat ngan keh. Uban dau inah bé' omok avéé' jak pah avéé' hun kelunan pinaa' éh ngelayoo' bara' réh ngelan tong Tuhan pu'un petat ngan ngelawan Tuhan mu'un, ngan pu'un jah kelunan éh sa'at pu'un poléng éh juk kenukum Allah tai tong luten meraka.

2 TIMOTIUS 4:8

Hun iteu', tapong pengeteneng nodoo' Tuhan ngan ké', Tong pengega' dau, Tuhan éh teneng mu'un petuneng juk mena' éh ngan ké', uban akeu' lepah murip kivu pengeloo' Néh. Bé' éh nena' Néh ngan ké' awah, bang Iah mena' éh ngan kekat kelunan éh mena savéé' Néh ngan murung kenin.

IBRANI 11:35

Neu' pengelan, jelua' irah redo alaa' bakéh réh éh lepah betéé' jin patai néh. Jelua' réh kepéh matai neu' kelunan peketa réh, uban réh pelapah keloo' matai jin hun réh bet Allah ke' réh ngelepu réh. Uban pu'un réh ngelan Allah pebetéé' réh jin patai réh.

ÉH POLÉNG 20:5

Murung kenin irah éh betéé' tong pengebetéé' éh bu'un, irah anah Allah. Pematai éh keruwah bé' pu'un penyukat bau réh. Irah omok imam Allah ngan imam Kristus. Irah omok pengeja'au pemung ngan Néh avéé' jah ibu taun kelebéé'.