PILIPI 3:10 - Rengah Jian

¹⁰ Jah awah kenin ké', akeu' juk jam Kristus ngan juk jam tong penyukat Néh dalem pengebetéé' Néh jin patai Néh ngan juk pemung ngan Néh dalem pengeketa Néh, ngan pu'un barei' Iah dalem pengematai Néh,

PILIPI 3:10 Iomraidhean Croise

MATIUS 20:23

Ha' Yésus kepéh, Mu'un kawah omok pemung ngan ké' dalem pengeketa Ké', bang bé' Ku' omok bara' séé' éh tekep mokoo' saa' na'au' ngan saa' kabéng Ké' kenat, uban Tamen ké' éh lepah ngevéléé' irah éh tekep mokoo' kenat, ha' néh.

YOHANES 10:18

Bé' pu'un séé'-séé' éh ngebéé urip Ké' iteu', bang neu' pengeloo' Ké' tengéé' Akeu' mena' éh. Akeu' pu'un penyukat omok mena' urip Ké' kenat, ngan pu'un penyukat Ké' alaa' éh kepéh. Inah éh sohoo' Tamen Ké' ngan Ké', ha' Yésus ngan réh.

YOHANES 17:3

La'ah urip éh pelinguh, inah éh, hun kelunan jam jah Ka'au awah néh Allah éh mu'un, ngan hun réh jam Yésus Kristus éh senohoo' Ko' tuai nah.

SURAT PAULUS NGAN SIDANG RUM 8:17

Uban uleu' éh anak Néh, uleu' omok alaa' kekat pengejian éh juk nena' Allah ngan kelunan éh anah nah. Kenat péh kepéh uleu' omok alaa' éh pemung ngan Kristus, kekat éh lepah pejajii', nah Allah ngan Anak Néh. Uban hun lu' keta pemung ngan Kristus, uleu' péh omok pemung ngan Néh lem pengaren Néh.

SURAT PAULUS NGAN SIDANG RUM 8:29

Tuhan jam kekat irah éh omok anah nah, Iah lepah ngevéléé' réh hun réh to bé' jak pu'un tong tana', ke' Néh ngepaléu réh jian barei' Anak Néh, dokoo' Anak Néh inah omok ja'au belah kekat uleu' éh padéé' Néh.

SURAT PAULUS NGAN SIDANG RUM 8:36

Barei' ha' dalem surat Allah pu'un bara', Naneu' pengelan mé' tong Ka'au', si'ik la'ah mé' bé' matai putung-putung dau, bé' irah pika améé', pu'un réh maneu' améé' barei' réh maneu' domba éh juk penatai réh.

2 KORINTUS 1:10

Pu'un Iah pepiso mé' jin kekat penusah éh juk mihin améé' matai rai, ngan adang Iah pu'un pepiso mé' hun iteu' kepéh, ngan améé' ngelan adang Iah omok pepiso mé' kepéh.

2 KORINTUS 1:5

Hun uleu' pepit dalem pengeketa lu' pekua' pengeketa Kristus rai, boh uleu' pepit kepéh dalem pengepapung Néh.

2 KORINTUS 13:4

Uban na' péh Iah barei' lemoo' hun réh mematai Éh tong kayeu' salib, tong Néh murip kepéh, Iah murip ngan penyukat Allah. Uban améé' éh lemoo' pemung ngan Néh, bang tong jalan mé' nolong ka'ah améé' murip pemung ngan Néh ngan penyukat Allah.

GALATIA 2:20

La'ah urip ké' hun iteu' bé' éh anah ké' tengéé' kepéh, bang urip Kristus éh murip dalem akeu'. La'ah tong urip ké' hun iteu', akeu' murip neu' pengelan ké' tong Anak Allah, éh pika akeu' ngan éh mena' usah Néh uban akeu'.

GALATIA 6:17

Inah ga' ha' ké', jin la'o iteu' mai jah usah péh petusah kenin ké' kepéh. Kekat ila tong usah ké' neu' kelunan éh bé' ngelan éh maneu' akeu' lepah rai, inah éh pekelenaa' akeu' kelunan sohoo' Yésus.

ÉPESUS 4:13

Inah jalan uleu' béé jah awah lem pengelan ngan jam tong Anak Allah, avéé' uleu' béé pu'un sukup kenin jam seruh, inah éh avéé' uleu' béé sukup kenin dalem kekat pengejian Kristus.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

KOLOSÉ 1:24

Hun iteu' murung akeu' dalem kekat pengeketa ké', uban kereja' ké' ngan keh, uban ké' jam pengeketa ké' inah, inah maneu' akeu' omok pemung ngan Kristus lem pengeketa Néh, uban sidang Néh.

KOLOSÉ 2:13

La'ah hun lepah rai ka'ah matai naneu' kekat penyala' keh, kenat péh ka'ah éh tengéé' pohoo' jin irah Yahudi bé' keh pu'un lem jajii' éh pejajii' Tuhan ngan irah Yahudi. Bang hun iteu' kepéh Allah pu'un pepurip keh pemung ngan Kristus, nega' Néh kekat penyala' lu'.

KOLOSÉ 3:1

Ka'ah pu'un betéé' murip pemung ngan Kristus, jian keh pitah kekat éh pu'un tong seruga éh jalan Kristus menyun saa' na'au' Allah.

1 PÉTERUS 1:3

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.

2 PÉTERUS 1:13

Adang akeu' tekep petesen ka'ah tong kekat inah béé kelebéé' ké' murip keto.

1 YOHANES 2:3

Telana' lu' jam Allah inah éh hun lu' kivu kekat sohoo' Néh.

1 YOHANES 2:5

Bang séé séé' éh tigéh kivu sohoo' Néh, kelunan inah pika Allah mu'un, inah néh tada' uleu' murip petem dalem Allah.

ÉH POLÉNG 1:18

Akeu' éh murip. Pu'un Ku' lepah matai rai, bang na'at ke', pu'un Ku' murip kepéh avéé' pelinguh. Akeu' pu'un penyukat bau kekat éh maneu' réh matai ngan jalan patai.