PILIPI 2:8 - Rengah Jian

⁸ Diva' kenin Néh, ngelayau Iah kivu sohoo' Tamen Néh, pah avéé' néh matai tong kayeu' salib.

PILIPI 2:8 Iomraidhean Croise

MATIUS 17:2

Tovoo' réh na'at éh sinah, Paléu layan da'in Yésus, mening éh barei' maten dau, ngan pakai néh mebéng ngilap.

MATIUS 26:39

Tai éh juu' si'ik jin irah, mohong éh tong tana' ngan sebayang, ka' ha' néh, O Amam, hun néh omok mai ke' buhaa' pengeketa iteu' teneng tong Akeu', bang jian Ke' kivu pengeloo' Ko', mai ke' kivu kenin ké' awah, ha' néh.

MATIUS 26:42

Tai Yésus kepéh sebayang tong keruwah koléé' néh, ka' ha' néh, O Amam, hun néh tekep pengeketa iteu' teneng tong Akeu', jian ke' kivu pengeloo' ko' awah, ha' néh.

LUKAS 9:29

Lem Néh sebayang, paléu layan da'in Yésus, ngan kekat pakai Néh mebéng ngilap.

YOHANES 10:18

Bé' pu'un séé'-séé' éh ngebéé urip Ké' iteu', bang neu' pengeloo' Ké' tengéé' Akeu' mena' éh. Akeu' pu'un penyukat omok mena' urip Ké' kenat, ngan pu'un penyukat Ké' alaa' éh kepéh. Inah éh sohoo' Tamen Ké' ngan Ké', ha' Yésus ngan réh.

YOHANES 14:31

Bang adang éh tekep kekat kelunan pah tipo tana' jam Akeu' murung Tamen Ké' ngan Akeu' pu'un kivu kekat sohoo' Néh. Betéé' tam, jian tam piso jin siteu', ha' Néh.

YOHANES 15:10

Hun keh kivu kekat sohoo' Ké', boh keh petem lem kemurung Ké', barei' Akeu' kivu kekat sohoo' Tamen Ké' ngan pu'un Ku' petem dalem kemurung Néh, ha' Néh.

YOHANES 4:34

La'ah ka' ha' Yésus ngan réh, Penguman éh kunah Ké' nah, inah éh hun Ké' kivu pengeloo' Iah éh nyohoo' Akeu' tuai, ngan hun Ké' ngelapuh kekat kereja' éh sohoo' Néh ngan Ké', ha' Néh.

PENGANEU' LAWAH 8:33

Irah pekenyaa' Éh, ngan bé' irah petuneng Éh mu'un. Bé' pu'un kelunan éh omok bara' tong anak-ayam Néh vam, uban urip néh tong tana' lepah béé.

SURAT PAULUS NGAN SIDANG RUM 5:19

Barei' Adam ngelapah tong sohoo' Tuhan inah maneu' kelunan pinaa' kepéh pu'un penyala'. Barei' inah kepéh naneu' jah kelunan éh kivu sohoo' Tuhan, inah éh Kristus, inah éh mihin kelunan pinaa' omok jian kepéh ngan Allah.

2 KORINTUS 8:9

Ka'ah jam tong penika Yésus Kristus éh Tuhan lu', na' péh Iah kaya' mu'un bang uban Iah pika ka'ah Iah tuai paléu kari mu'un kepéh, dokoo' ka'ah omok kaya' neu' pengekari Néh.

GALATIA 3:13

La'ah Kristus lepah ngelepu uleu' jin ukum inah, uban kelunan bé' omok kivu kekat ha' ngan sohoo' lem Surat Musa. Jalan Kristus ngelepu uleu', Iah tagong ukum uleu', usah Néh tengéé' kenukum Tuhan ngeliwah uleu'. Uban pu'un jah ha' lem Surat Allah bara' ka', siget-siget kelunan éh matai tong kayeu' salib pu'un éh kenukum Tuhan, ha' Néh.

TITUS 2:14

Pu'un éh mena' urip Néh ngeliwah uleu', dokoo' Néh ngelepu lu' jin kekat arong kesa'at, mohéé uleu' ngan maneu' uleu' anah nah awah, kenat péh mihin uleu' mekat maneu' jian.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 12:4

Uban tong jalan keh ngelawan penyala' dokoo' keh omok nyopéé' éh, bé' jak keh pu'un ngelawan éh pah avéé' keh penatai réh.

1 PÉTERUS 2:24

Kristus tengéé' tagong penyala' uleu' usah Néh tong kayeu' salib, dokoo' uleu' pelepu jin penyukat penyala', ngan murip kivu pengeloo' Allah. Kekat suhat Kristus nah éh peka'o keh.

1 PÉTERUS 3:18

Éh ke' néh kenat uban Kristus tengéé' matai jah koléé' awah ngan avéé' pelinguh-linguh, dokoo' penyala' lu' omok pega'. Iah bé' pu'un sala' bang matai ngeliwah kelunan éh penyala', dokoo' Iah omok mihin ka'ah tavin Allah. Irah mematai usah Néh bang Iah murip kepéh lem sahéé' Néh.