PILIPI 2:7 - Rengah Jian

⁷ Bang neu' pengeloo' kenin Néh tengéé', pu'un Éh pokoo' kekat pengaren Néh, ngan paléu pekua' kelunan ripen awah. Pu'un éh paléu kelunan awah, ngan Iah tuai pekua' layan kelunan.

PILIPI 2:7 Iomraidhean Croise

MATIUS 12:18

Ka' ha' Allah, Iteu' néh kelunan sohoo' Ké' éh lepah kevéléé' Ké' Murung Ku' tong Iah, ngan payoo' kenin Ké' tong néh. Akeu' juk mena' Sahéé' Ké' ngan néh ngan Iah juk bara' ukum Ké' ngan kekat kelunan.

MATIUS 20:28

Tekep keh maneu' kenat uban Anak Kelunan, bé' tuai dokoo' irah ngajung ngan ngeja'au éh, bang Iah tuai dokoo' Néh omok nolong kelunan ngan dokoo' Néh mena' urip Néh purip kelunan pinaa', ha' néh.

MARKUS 9:12

Ka' ha' Yésus mipa réh, Adang Elia nah tenah tuai dat ke' néh petenup jalan Tuhan. Né' kenat péh éh uban ineu' ha' lem surat Allah pu'un bara' Anak Kelunan pu'un pinaa' arong pengeketa ngan nebet kelunan.

LUKAS 22:27

Séé' éh kelunan ja'au, kineu', iah éh menyun kuman. Kineu', kelunan sohoo' éh petubo éh. Kelunan éh menyun kuman nah, adang iah éh ja'au. Bang Akeu' iteu' pu'un Ku' belah ka'ah pekua' barei' kelunan sohoo' awah.

YOHANES 1:14

La'ah Ateng ha' inah paléu kelunan, tuai éh mokoo' belah lu' iteu', ngan améé' pu'un na'at pengaren Néh, pengaren Néh inah pu'un éh kenat uban Néh Anak éh jah awah jin Tamen Néh, ngan ja'au mu'un penika Allah, kenat péh kekat ha' Néh pu'un éh teneng mu'un.

SURAT PAULUS NGAN SIDANG RUM 1:3

La'ah rengah inah bara' tong Anak Néh Tuhan Yésus Kristus. Tong puku' Néh tong tana', inah éh jin Daud,

SURAT PAULUS NGAN SIDANG RUM 15:3

Uban Kristus bé' éh maneu' éh omok ngejian kenin Néh tengéé', barei' jah ha' lem surat Allah éh bara' ka', La'ah pu'un kelunan merek ngan keh, rek réh inah pu'un éh teneng tong Akeu', kenat ha' lem surat Allah.

SURAT PAULUS NGAN SIDANG RUM 15:8

Uban ha' ké' ngan ka'ah, Kristus tuai paléu barei' jah kelunan ripen awah belah kelunan Yahudi, dokoo' kelunan omok jam Allah petem tigéh pesavéé' kekat jajii' Néh ngan tepun kelunan Yahudi, inah éh Abraham, Ishak, ngan Yakub.

SURAT PAULUS NGAN SIDANG RUM 8:3

Kekat ha' lem Surat Musa bé' pu'un penyukat ngelepu kelunan jin penyukat penyala' uban kelunan lemoo' kenin, bang Allah pu'un penyukat omok ngelepu réh. Pu'un éh ngukum penyala' ngan memekat pengereken penyala' jin lem kenin kelunan, neu' Anak Néh mu'un éh senohoo' Néh tuai. Iah tuai paléu' kelunan mu'un, pekua' layan kelunan éh penyala', dokoo' Néh kebéé penyala'.

2 KORINTUS 13:4

Uban na' péh Iah barei' lemoo' hun réh mematai Éh tong kayeu' salib, tong Néh murip kepéh, Iah murip ngan penyukat Allah. Uban améé' éh lemoo' pemung ngan Néh, bang tong jalan mé' nolong ka'ah améé' murip pemung ngan Néh ngan penyukat Allah.

2 KORINTUS 8:9

Ka'ah jam tong penika Yésus Kristus éh Tuhan lu', na' péh Iah kaya' mu'un bang uban Iah pika ka'ah Iah tuai paléu kari mu'un kepéh, dokoo' ka'ah omok kaya' neu' pengekari Néh.

GALATIA 4:4

Bang avéé' tong jaka' éh kevéléé' Allah, inah éh nyohoo' Anak Néh mu'un tuai, Iah tuai tong tana' ngan tinen Néh kelunan jin tana'. Anak Néh inah pu'un éh kivu sohoo' lem Surat Musa,

PILIPI 2:6

Na' péh Iah pekua' Allah, bé' Iah juk ngajung usah Néh tengéé' pelapah jin Allah.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 13:3

Mai keh ngelepan irah éh tong lamin tutup, pika réh, seleket hun néh usah ko' tengéé' éh tenutup réh. Pika irah éh keta, seleket hun néh usah ko' tengéé' éh keta.

IBRANI 4:15

Bé' lu' pu'un Imam éh pengeja'au kekat imam éh bé' jam pika lu' ngan éh bé' nesen tong kekat pengelemoo' lu' bang Imam éh pengeja'au kekat imam lu' lepah teneng penupat lem kekat ineu'-ineu' péh, pekua' uleu' iteu', bang bé' éh maneu' penyala'.