PILIPI 2:6 - Rengah Jian

⁶ Na' péh Iah pekua' Allah, bé' Iah juk ngajung usah Néh tengéé' pelapah jin Allah.

PILIPI 2:6 Iomraidhean Croise

MATIUS 1:23

Ka' ha' néh, la'ah redo lemanai éh bé' jak tavin lakei' pu'un éh nemaléé', ngan iah juk nganak jah anak lakei', ngaran néh éh nateng réh, Imanuel, ha' néh. Sin tong ngaran Imanuel, Allah pu'un ngan lu'.

YOHANES 1:18

Bé' pu'un séé'-séé' éh na'at Allah, bang Anak Néh éh jah de' ke' awah Iah Éh pu'un na'at Allah, ngan Iah pu'un pekua' ngan Allah, mokoo' Éh pemung ngan Tamen Néh, naneu' Néh uleu' jam Allah.

YOHANES 10:30

Tamen Ké' ngan Akeu' péh jah awah kenin, ha' Néh ngan réh.

YOHANES 10:33

Ka' ha' irah Yahudi mipa Éh, Bé' améé' juk memateu' Ke' naneu' kereja' Ko' éh jian, bang uban Ko' kelunan awah, ngan pu'un Ke' juk maneu' usah Ko' pekua' ngan Allah, inah Ke' ngesa'at Allah, uban Ko' kenat nah ke' mé' juk memateu' Ke', ha' réh.

YOHANES 10:38

bang hun néh pu'un, na' péh ka'ah bé' keloo' ngelan tong ha' Ké', jian keh ngelan éh ta'an keh tong kereja' Ké', dokoo' keh omok jam adang Tamen Ké' pu'un dalem Akeu' ngan Akeu' péh pu'un dalem Tamen Ké', ha' Néh.

YOHANES 14:28

Pu'un keh menéng ha' Ké' bara' Akeu' juk tai ngan Akeu' juk moléé' kepéh ngan keh, hun keh murung Akeu', adang keh murung kenin uban Akeu' moléé' tai Tamen Ké', uban Tamen Ké' éh pelapah ja'au jin Akeu'.

YOHANES 14:9

Ka' ha' Yésus mipa éh, Pilipus, lebéé' tenéh Akeu' pu'un mokoo' ngan keh bé' jak keh jam Akeu' kei? Séé'-séé' éh lepah na'at Akeu', iah lepah na'at Tamen Ké' kepéh, hun néh kenat kineu' keh nyohoo' Akeu' pepoléng Tamen Ké' ngan keh.

YOHANES 17:5

O Tuhan, hun iteu' jian Ke' mena' pengaren Ké' kepéh pemung ngan Ko' sinah, éh pekua' pengaren Ké' hun Ké' pu'un ngan Ko' hun tana' iteu' bé' jak pu'un rai.

YOHANES 20:28

Ka' ha' Tomas mipa Éh, O Tuhan, pu'un akeu' ngelan, Ka'au éh Allah ké', ha' néh.

YOHANES 5:18

Naneu' ha' Néh kenat, merek mu'un-mu'un réh ngan irah juk mematai Éh mu'un, bé' makat uban Néh ngelapah tong Dau Posot réh awah, bang neu' ha' Néh bara' Allah éh Tamen Néh, inah Iah bara' Iah péh pekua' ngan Allah.

YOHANES 5:23

Pu'un Éh maneu' kenat dokoo' kekat kelunan omok ngajung Akeu' éh Anak Néh, pekua' irah ngajung Tamen Ké'. Séé'-séé' éh bé' ngajung Akeu' éh Anak Néh, bé' éh ngajung Tamen Ké' éh nyohoo' Akeu' tuai, ha' Néh.

SURAT PAULUS NGAN SIDANG RUM 9:5

Kenat péh irah Yahudi jin pohoo' tepun réh, inah éh Abraham, Ishak ngan Yakub. Inah kepéh hun Kristus pu'un tuai tong tana' ke' Néh paléu kelunan, Iah tuai jin pohoo' irah inah ke' éh. Jian Allah éh bau béé-béé nejing kelunan avéé' pelinguh. Amin.

2 KORINTUS 4:4

Bé' irah ngelan uban Sitan éh pengeja'au tana' iteu' memeseu' maten kenin réh, inah maneu' réh bé' omok na'at nawa éh perema tong irah, nawa éh jin Rengah Jian éh bara' tong pengaren Kristus éh pekua' mu'un ngan Allah lem ineu'-ineu' péh.

2 KORINTUS 8:9

Ka'ah jam tong penika Yésus Kristus éh Tuhan lu', na' péh Iah kaya' mu'un bang uban Iah pika ka'ah Iah tuai paléu kari mu'un kepéh, dokoo' ka'ah omok kaya' neu' pengekari Néh.

1 TIMOTIUS 1:17

Jian Allah, Raja' éh pelinguh, éh murip pelinguh-linguh, éh bé' omok ta'an kelunan, ngan éh jah awah, tekep seneva' ngan peparen avéé' kelebéé' lebéé' néh. Amin.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

TITUS 2:13

Kelebéé' lu' mena tong Dau éh kenelan lu', hun pengaren Allah éh Matek ja'au ngan Yésus Kristus éh Pepurip lu' pu'un poléng kepéh.

IBRANI 1:3

Pu'un éh pepoléng kekat pengaren ngan pengejian Allah uban Iah péh pekua' ngan Allah. Iah pu'un mihau kekat penyuai Néh tong tana' ngan tong langit palaa' ha' Néh éh pu'un penyukat. La'o Néh maneu' kelunan pelepu jin penyala', Iah menyun tong seruga saa' na'au' Allah Pengeja'au éh matek bau.

IBRANI 1:6

La'ah hun Allah pu'un nyohoo' Anak tuken Néh tuai tong tana', pu'un éh bara' ka', Jian kekat meliket Allah seva' Éh.

IBRANI 1:8

Bang tong Anak Néh nah pu'un Allah bara' ka', Ka'au' éh Allah, Ka'au' omok raja' avéé' pelinguh Pu'un Ke' mihau kekat irah éh lem nihau Ko' dalem kekat éh teneng ngan jian mu'un.

IBRANI 13:8

Yésus Kristus pu'un pekua' hun sahau, hun iteu' ngan avéé' kelebéé'-lebéé' néh.

ÉH POLÉNG 21:6

Ka' ha' Néh kepéh, hun iteu' kekat néh béé lepah ma'o! Akeu' éh bu'un ngan ga' péh, Akeu' éh Tuhan jin bu'un avéé' pengega'. Kelunan éh mapeu' batok Akeu' juk mena' baa' nesep éh nena' ké' awah ngan réh jin usit baa' éh mena' urip.