PILIPI 2:4 - Rengah Jian

⁴ Mai keh seruh tong jah penganeu' ko' awah, bang jian keh seruh tong penganeu' irah éh jah kepéh.

PILIPI 2:4 Iomraidhean Croise

MATIUS 18:6

Ha' Yésus kepéh, La'ah tong irah anak si'ik iteu' éh ngelan tong Akeu', hun néh pu'un séé'-séé' éh mihin réh petat, pelapah jian réh marau kelunan inah tai tana' éh jah, jin néh mokoo' ngan murip belah pohoo' néh ngan mihin réh petat kenat.

SURAT PAULUS NGAN SIDANG RUM 12:15

Murung kenin keh ngan kelunan éh murung kenin, ngan mangaa' keh ngan kelunan éh mangaa'.

SURAT PAULUS NGAN SIDANG RUM 15:1

La'ah uleu' éh gahang dalem pengelan lu' tong Tuhan, tekep lu' nolong bii' kebahat penusah kelunan éh kurang pengelan. Mai lu' maneu' éh omok ngejian kenin usah lu' tengéé'.

1 KORINTUS 10:24

Bé' tekep kelunan kivu pengeloo' kenin néh tengéé', tekep éh kivu pengeloo' kelunan éh jah.

2 KORINTUS 11:29

Hun pu'un kelunan éh lemoo', akeu' péh barei' lemoo' uban ké' pika réh. Hun pu'un kelunan pelohoo' maneu' penyala', besau mu'un-mu'un kenin ké'.

2 KORINTUS 6:3

Bé' améé' mapat jalan ngan kelunan séé'-séé' péh, ngan bé' mé' keloo' maneu' ineu'-ineu' éh jalan kelunan omok pesala' kereja' mé' ngan Tuhan.

PILIPI 2:21

Kekat irah éh jah seruh tong kereja' réh awah, bé' réh seruh tong kereja' Yésus Kristus.

YAKUB 2:8

Ka'ah maneu' ineu' éh teneng hun keh mihau tebaraa' tong Pengihau Allah éh senurat dalem surat Allah, Jian ke' murung padéé' ko' pekua' ko' murung usah ko' tengéé'.