PILIPI 2:19 - Rengah Jian

¹⁹ Akeu' ngelan Tuhan Yésus mukap jalan ké' omok nyohoo' Timotius laho tai ngan ka'ah, dokoo' ké' omok jian kenin hun ké' menéng rengah ka'ah kepéh.

PILIPI 2:19 Iomraidhean Croise

MATIUS 12:21

Avéé' kekat arong kelunan pu'un ngelan tong Iah, ha' néh.

PENGANEU' LAWAH 16:1

Lakau Paulus tai leboo' Derbe ngan Listra. La'ah pu'un jah kelunan éh ngelan tong Tuhan sinah, ngaran néh Timotius, tinen néh pohoo' Yahudi, la'ah iah péh ngelan, bang tamen néh pohoo' Yunani.

SURAT PAULUS NGAN SIDANG RUM 15:12

Kenat péh ha' lem surat Yesaya kepéh bara', La'ah jah kelunan jin puku' Isai juk tuai, Allah pu'un ngajung Iah ke' Néh omok pengeja'au kekat kelunan éh tengéé' pohoo' jin irah Yahudi. La'ah irah juk ngelan tong Iah kepéh, ha' néh.

SURAT PAULUS NGAN SIDANG RUM 16:21

La'ah Timotius bakéh ké' dalem kereja' iteu', bara' tabi' ngan ka'ah, kenat péh irah panak ké' Lukius ngan Yason ngan Sosipater, irah kepéh bara' tabi'.

1 KORINTUS 4:17

La'ah kenat péh akeu' nyohoo' Timotius tai tavin ka'ah kepéh. Iah seleket anak ké' éh penika ké' ngan éh tigéh dalem kereja' néh. Iah omok petesen keh tong kekat jalan ké' dalem Kristus Yésus, pekua' éh benara' ké' tong siget-siget sidang semah-semah péh.

ÉPESUS 1:13

Kenat éh ngan ka'ah kepéh, hun keh menéng ha' tebaraa' éh teneng, inah éh Rengah Jian éh jalan keh alaa' urip maréng, hun keh menéng éh pu'un keh ngelan tong Kristus, uban Allah nelana' ka'ah éh anah nah, inah éh Iah mena' Sahéé' Ni'ai ngan keh éh lepah pejajii' Néh.

PILIPI 1:1

Amo Paulus ngan Timotius éh kelunan sohoo' Kristus Yésus, amo maneu' surat iteu' ngan kekat kelunan éh anah Allah éh mokoo' tong tana' Pilipi éh ngelan tong Kristus Yésus, pemung ngan kekat pengeja'au ngan irah éh jah péh éh nolong tong sidang.

PILIPI 2:18

La'ah jian ka'ah murung kenin ngan maneu' akeu' kepéh pekua' ka'ah pu'un murung nah.

PILIPI 2:28

Uban néh kenat gahang kenin ké' juk nyohoo' iah tai tavin keh, dokoo' ka'ah omok murung kenin, boh ku' omok ma'o besau.

1 TESALONIKA 3:2

ngan nyohoo' Timotius tai tavin ka'ah, iah éh padéé' lu' dalem Tuhan éh pemung kereja' ngan mé' dalem kereja' Allah perengah Rengah Jian tong Kristus. Améé' nyohoo' iah tai ke' néh ngegahang kenin keh ngan ngereken pengelan keh,

1 TESALONIKA 3:5

Uban kenat akeu' nyohoo' Timotius tai tavin keh, dokoo' ké' omok jam tong pengelan keh tong Kristus, éh kemapah ké' dai Sitan pu'un tupat ka'ah ngan kekat kereja' mé' belah ka'ah rai pu'un tuyah-tuyah awah.

2 TESALONIKA 1:3

O kekat padéé' ké', tekep améé' ngelayau bara' jian kenin ngan Allah uban pengelan keh tong Kristus pu'un éh pepit-pepit, ngan penika keh ngan pesiget-siget ka'ah ke' pu'un éh pepit mu'un.

2 TIMOTIUS 1:12

La'ah kenat péh akeu' sioo' keta dalem kekat penganeu' ké' iteu'. Na' péh kenat bé' akeu' menyaa', uban ké' jam Iah éh kepelum ké' ngan akeu' jam Iah pu'un penyukat omok mihau kekat éh lepah nena' néh ngan ké', pah avéé' pengega' dau.

YAKUB 4:15

Bang jian keh bara', Hun néh lem pengeloo' Tuhan boh tam omok murip ngan maneu' iteu' ngan inah.

1 PÉTERUS 1:21

Jin Iah ka'ah ngelan tong Allah, Éh lepah pebetéé' Éh jin pematai ngan peparen Éh. Uban néh kenat hun iteu' ka'ah ngelan tong Allah ngan ngepelum tong Néh ngan kenin keh mu'un.