PILIPI 2:16 - Rengah Jian

¹⁶ Jian keh bara' ha' tebaraa' ngan réh éh omok purip réh. Hun keh maneu' kenat boh ku' pu'un jalan ké' ngajung tong Dau Kristus tuai kepéh, uban kenat éh pepoléng kekat kereja' ngan kemutau ké' bé' éh tuyah-tuyah awah.

PILIPI 2:16 Iomraidhean Croise

MATIUS 10:27

Ineu'-ineu' éh benara' Ké' ngan keh dalem merem, jian keh bara' éh kepéh dalem rema. Kenat péh ineu'-ineu' éh benara' Ké' ngan keh tengéé', jian keh bara' éh ngan kekat kelunan kepéh.

LUKAS 12:8

Ka' ha' Yésus kepéh, Akeu' bara' ngan keh, kelunan séé'-séé' péh éh ngakun ngan kekat kelunan tong pengelan néh tong Akeu', boh Anak Kelunan ngakun iah tong jumen meliket Allah kepéh.

YOHANES 6:63

Sahéé' Ni'ai awah omok purip kelunan, usah kelunan bé' éh omok kenat, kekat ha' éh benara' Ké' ngan keh, inah éh jin Sahéé' Ni'ai ngan omok Éh purip kelunan.

YOHANES 6:68

Ka' ha' Simon Péterus mipa Éh, O Tuhan, séé' ke' mé' omok tavin la'ah da', Ka'au awah Éh pu'un ha' tebaraa' éh omok purip kelunan ke' réh omok murip pelinguh.

PENGANEU' LAWAH 13:26

Ka' ha' Paulus kepéh, O kekat tamen ngan kekat padéé' éh anak-ayam Abraham, ngan kekat kelunan éh tengéé' pohoo' péh éh pu'un seva' Allah, rengah tong jalan lu' omok alaa' urip, pu'un éh lepah avéé' tong kekat uleu' béé.

1 KORINTUS 1:8

La'ah Iah omok ngereken keh pah avéé' tong ga', dokoo' ka'ah bé' pu'un teneng kenukum Néh, tovoo' savéé' Néh.

1 KORINTUS 9:26

Uban néh kenat akeu' nekedeu' mu'un-mu'un, bé' ku' tedau. Barei' kelunan éh memukut, bé' éh memukut sawang awah,

2 KORINTUS 1:14

Akeu' ngelan kekat éh bé' kejam keh mu'un, omok keh jam éh kepéh, dokoo' tong Dau Tuhan Yésus tuai kepéh, ka'ah omok bahuu' améé' pekua' barei' améé' péh bahuu' ka'ah.

GALATIA 2:2

Pu'un ku' tai tong leboo' Yérusalem uban Allah éh nyohoo' ku' tai. La'ah pu'un ku' pané ngan irah pengeja'au hun réh petipun tengéé', bara' tong kekat ha' tebaraa' éh benara' ké' belah kelunan éh tengéé' pohoo' jin irah Yahudi nah. Uban bé' akeu' keloo' kereja' ké' éh lepah nah ngan éh hun iteu' péh pu'un tuyah-tuyah awah.

GALATIA 4:11

Medai ku' seruh keh kenat, dai kekat kemutau ké' kereja' ngan keh rai, tuyah-tuyah awah.

PILIPI 1:10

dokoo' keh omok jam ngelayau ngevéléé' kekat éh jian. Boh ka'ah pu'un ni'ai, bé' pu'un ineu'-ineu' éh omok pesala' keh tong Dau Kristus pu'un tuai kepéh.

PILIPI 1:6

La'ah akeu' jam Allah éh ngusii' kenin keh bu'un, adang Néh juk ngusii' kenin keh kepéh pah avéé' keh pu'un sukup ngan jian mu'un tong Dau Yésus Kristus pu'un tuai kepéh.

1 TESALONIKA 2:19

Améé' jam ka'ah pu'un tigéh, jian kenin mé' seruh ka'ah, ka'ah éh jalan kenajung mé' tong kemenang mé' hun uleu' pu'un tong jumen Tuhan Yésus sioo' penyavéé' Néh kepéh vam. Ka'ah néh éh, bé' éh kelunan éh jah.

1 TESALONIKA 3:5

Uban kenat akeu' nyohoo' Timotius tai tavin keh, dokoo' ké' omok jam tong pengelan keh tong Kristus, éh kemapah ké' dai Sitan pu'un tupat ka'ah ngan kekat kereja' mé' belah ka'ah rai pu'un tuyah-tuyah awah.

IBRANI 4:12

Ha' tebaraa' Tuhan inah murip ngan pu'un penyukat, pelapah nyahit jin po'é éh peseripa nyahit. Ha' tebaraa' Tuhan inah masek dilem avéé' tong urip ngan sahéé' avéé' tong kekat bukun tulang ngan utek péh. Ha' tebaraa' Tuhan petuneng penyeruh ngan pengeloo' kenin kelunan.

1 PÉTERUS 1:23

Naneu' ha' tebaraa' Allah éh murip ngan pelinguh. Ka'ah lepah kenanak maréng, bé' éh jin kelunan bang jin tamen keh éh pelinguh.

1 YOHANES 1:1

La'ah pu'un mé' maneu' surat iteu' ngan keh uban mé' juk bara' tong Ateng Ha' éh mena' urip, inah éh Ateng Ha' éh lepah pu'un jin bu'un-bu'un sahau. Améé' lepah menéng éh, ngan maten mé' tengéé' lepah na'at éh. Améé lepah na'at éh ngan améé' lepah ngamit éh palaa' ojoo mé'.

ÉH POLÉNG 22:17

La'ah Sahéé' Ni'ai ngan redo éh juk kawin bara', Tuai ke', ha' néh. La'ah siget usah éh menéng éh jian éh bara', Tuai ke'. Séé'-séé' éh mapeu' batok tuai ke', alaa' baa' éh omok purip ke', pu'un Tuhan mena' éh awah ngan séé'-séé' éh keloo' alaa' éh.