PILIPI 2:15 - Rengah Jian

¹⁵ dokoo' ka'ah pu'un teneng ngan jian tong jumen kelunan éh jah, murip pekua' barei' kelunan éh anak Allah belah kelunan éh sa'at éh penyala'. Barei' kenyuhai perema tong langit kenat péh tekep ka'ah barei' rema belah irah kepéh.

PILIPI 2:15 Iomraidhean Croise

MATIUS 10:16

Ha' Yésus kepéh, Jian keh seruh jian-jian, Akeu' nyohoo' ka'ah tai barei'-okoo' domba belah bekuleu'. Uban néh kenat jian keh mesenah barei'-okoo' torok ngan dawai kenin keh barei' juhit punai.

MATIUS 17:17

Ha' Yésus mipa éh O ka'ah kelunan éh bé' ngelan ngan tawang! Kuraa' kelebéé la'ah Akeu mokoo' ngan keh? Kuraa' kelebéé la'ah Akeu' kebit kenin ngan keh? Jian keh mihin anak inah siteu', ha néh.

MATIUS 5:45

dokoo' keh omok anak Tamen keh tong seruga. Uban Allah maneu' pétéé' tong kelunan éh sa'at kenat péh tong kelunan éh jian. Iah maneu' taa' tong kelunan éh maneu' teneng kenat péh tong irah éh maneu' sa'at.

MATIUS 5:48

Jian keh pika kekat kelunan barei' Tamen keh tong seruga pu'un pika réh, ha' Yésus nah.

LUKAS 1:6

Jian barék roh tong ta'an Allah, pu'un roh kivu kekat sohoo' ngan pengeloo' kenin Tuhan.

LUKAS 6:35

Bang inah éh tekep, jian ke' pika irah éh leko ke' ngan maneu' jian ngan réh, ngan pekeliwah livah ngan réh ngan bé' makat uban ko' seruh omok alaa' éh mutaa' kepéh jin réh. La'ah ja'au mu'un oléé' néh ngan ko', la'ah ka'au' omok anak Allah éh Matek Bau, uban néh pu'un masi kelunan éh sevahau' ke' awah, ngan kelunan éh sa'at péh.

YOHANES 5:35

Yohanes nah, iah barei' jah lapung éh mahang ngan peséng jian, ngan kelebéé' néh pu'un kenat, ka'ah péh murung mokoo' tong nawa néh.

PENGANEU' LAWAH 2:40

La'ah pinaa' ha' tebaraa' éh jah éh benara' Péterus ngan réh, ka' ha' néh, kelap keh jin ukum éh juk avéé' tong pohoo' kelunan éh sa'at nah, ha' néh.

PENGANEU' LAWAH 20:30

La'ah jin belah ka'ah ke' pu'un kuraa' kelunan juk betéé' nalau keh jin ha' tebaraa' éh teneng, ke' réh pepetat kelunan éh ngelan tong Tuhan jin pengelan réh ke' réh kivu irah kepéh.

SURAT PAULUS NGAN SIDANG RUM 16:19

La'ah kekat kelunan lepah menéng rengah ka'ah pu'un ngelan tong Rengah Jian tong Yésus Kristus, uban néh kenat akeu' murung kenin, bé' medai. Bang akeu' keloo' ka'ah malai tong kekat éh jian, bang bé' malai tong kekat éh sa'at.

1 KORINTUS 1:8

La'ah Iah omok ngereken keh pah avéé' tong ga', dokoo' ka'ah bé' pu'un teneng kenukum Néh, tovoo' savéé' Néh.

2 KORINTUS 6:17

Ha' Tuhan kepéh, Uban néh kenat piso keh jin belah kelunan éh bé' ngelan, petengéé' usah keh jin irah, Mai keh keloo' tong ineu'-ineu' éh sa'at, La'ah Akeu' juk alaa' ka'ah.

ÉPESUS 5:27

ke' Néh omok mena' sidang nah ngan Allah dalem kekat pengaren Néh ngan pengeni'ai Néh, ngan bé' pu'un ineu'-ineu' éh kurang ngan sa'at.

PILIPI 1:10

dokoo' keh omok jam ngelayau ngevéléé' kekat éh jian. Boh ka'ah pu'un ni'ai, bé' pu'un ineu'-ineu' éh omok pesala' keh tong Dau Kristus pu'un tuai kepéh.

PILIPI 3:6

avéé' ké' pu'un peketa sidang Tuhan. Hun kelunan omok teneng kenin tong jumen Tuhan neu' réh kivu sohoo' lem Surat Musa, akeu' éh pu'un kivu kekat néh béé.

1 TESALONIKA 5:23

La'ah jian Allah éh mena' pengepawah Néh ngan uleu', maneu' keh anah nah mu'un, ngan mihau sahéé' keh, ngan kenin keh, ngan usah keh jin kekat éh sa'at, pah avéé' penyavéé' Tuhan Yésus Kristus.

1 TIMOTIUS 3:10

Jian ngelenaa' éh tenah, hun kelunan inah éh tigéh ngan bé' éh kelunan maneu' ineu'-ineu' éh sala', boh éh omok maneu' kereja' pelayan.

1 TIMOTIUS 3:2

La'ah kelunan éh mihau sidang nah, tekep éh bé' pu'un ineu'-ineu' kesa'at naneu' néh éh ke' réh omok pesala' éh tong néh. Iah tekep jah awah redo. Jian éh kelunan éh jam mihau kenin néh, jam seruh ngan bé' paba pané. Jian éh kelunan éh keloo' alaa' irah éh jah tong lamin néh ngan mihau réh ngan jian kenin, tekep éh kelunan éh jam nebaraa' irah éh jah.

1 TIMOTIUS 5:14

Uban néh kenat inah éh pengeloo' ké', jian irah redo baleu' éh danak keto, kawin kepéh ngan pu'un anak kepéh ngan mihau lamin néh dokoo' irah éh bé' ngelan Tuhan péh bé' omok pesala' sidang.

1 TIMOTIUS 5:20

Hun pu'un mu'un sala' néh, jian ke' meta' éh tong jumen kelunan sidang, dokoo' kelunan éh jah péh medai maneu' kenat lah.

1 TIMOTIUS 5:7

Tong irah redo éh kenat jian ke' nebaraa' réh dokoo' mai pu'un kelunan pesala' éh neu' barék réh pu'un sa'at.

TITUS 1:6

La'ah irah éh pelayan jian éh kelunan éh teneng lem kekat barék néh, ngan éh pu'un jah awah redo, ngan anak néh péh ngelan tong Kristus, ngan éh bé' pu'un barék éh sa'at, ngan éh jam kivu sohoo'.

TITUS 2:10

ngan mai réh nekau. Bang jian réh ngelayau maneu' kekat éh jian ngan tigéh dokoo' jin penganeu' réh éh kenat kelunan omok ngajung ha' tebaraa' tong Allah éh purip lu'.

TITUS 2:15

Jian ke' bara' kekat ha' tebaraa' iteu', ngan neu' penyukat Sahéé' Ni'ai jian ke' nebaraa' ngan petena' réh. Mai jah-jah usah péh ngera' ke' awah.

IBRANI 7:26

Yésus nah, Iah Imam éh pengeja'au kekat imam lu' éh omok nolong lu' mu'un. Iah pu'un ni'ai, bé' pu'un ineu'-ineu' sala' ngan kesa'at lem Néh, tengéé' éh jin pohoo' kelunan penyala', Iah pu'un bau tong seruga ngan kenajung réh.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.

2 PÉTERUS 3:14

Uban néh kenat, O kekat padéé' éh kemurung ké', kelebéé' keh mena Dau inah avéé', jian keh mekat dokoo' keh pu'un ni'ai ngan bé' pu'un sala' ineu'-ineu' tong jumen Allah.

ÉH POLÉNG 2:5

Jian ke' nesen ka'au' lepah pelohoo' dilem mu'un lem penyala'. Jian keh pekoléé' kenin jin penyala' ko' ngan maneu' ineu' éh naneu' ko' bu'un-bu'un ko' ngelan tong ku' rai. Hun ko' bé' adang akeu' tuai tavin ke' ngan pepiso pelita ko' inah jin retek néh.

ÉH POLÉNG 3:9

Jian ke' nesen tong irah éh kivu Sitan éh bara' irah pohoo' Yahudi bang ha' réh kenyo. Akeu' juk mihin réh tuai tavin ke' ke' réh ngejekuu' lep réh ngerera' tong ke' irah béé jam Akeu' murung ka'au'.