PILIPI 2:14 - Rengah Jian

¹⁴ Ineu'-ineu' naneu' keh, jian keh maneu' éh ngan jian kenin, mai pané selim ngan pekisaa',

PILIPI 2:14 Iomraidhean Croise

MATIUS 20:11

Pu'un réh alaa' rigit inah, merek réh, sa'at ha' réh maneu' lakei' éh tebai réh kereja' nah.

MARKUS 14:5

Kineu' énéh ke' néh bé' melih anyuu' inah? Omok réh mena' teleu' ato rigit pirek tong néh, boh éh omok mena' rigit inah ngan kelunan kari kepéh, ha' réh. Sa'at mu'un ha' réh maneu' redo inah.

MARKUS 9:14

Hun Yésus ngan réh teleu' bakéh Néh moléé' ngan irah bakéh Néh éh jah, inah réh na'at kelunan pinaa' pu'un ngan réh. La'ah irah guru éh nebaraa' tong sohoo' lem Surat Musa paneu' ngan réh.

LUKAS 5:30

Kelunan Parisi ngan irah guru éh nebaraa' tong Surat Musa, leko réh na'at éh kenat, boh réh pané ngan irah bakéh Yésus nah. Ha' réh, Uban ineu' ka'ah pelelong ngan kelunan éh alaa' sukai ngan kelunan penyala', ha' réh.

PENGANEU' LAWAH 15:2

La'ah tengéé' kenin Paulus rawah Barnabas jin kenin irah. Pesakat mu'un roh ngan réh. Uban néh kenat pu'un réh ngevéléé' Paulus ngan Barnabas ngan kuraa' kelunan éh jah jin belah réh, ke' réh nyohoo' réh tai Yérusalem tavin kekat lawah Tuhan ngan irah pengeja'au sidang ke' réh neteng irah kepéh.

PENGANEU' LAWAH 15:39

Pesakat mu'un Paulus rawah Barnabas, pah avéé' rawah petat lakau. Barnabas mihin Markus ngan néh jalan kapen tai pulau Siprus,

PENGANEU' LAWAH 15:7

Lebéé' irah pepané ngan peteteng tong inah, boh Péterus nekedéng ke' néh pané ngan réh, ka' ha' néh, O kekat tamen ngan kekat padéé' ké', ka'ah jam Allah pu'un ngevéléé' akeu' jin belah keh lepah rai, dokoo' ké' omok tai bara' Rengah Jian ngan kelunan éh tengéé' pohoo' jin pohoo' Yahudi dokoo' réh omok menéng ngan ngelan kepéh.

PENGANEU' LAWAH 6:1

Lebéé' si'ik la'o inah kepéh, pinaa' kelunan éh ngelan tong Tuhan kepéh. Boh kelunan Yahudi éh pohoo' Yahudi mu'un, ngan irah Yahudi éh tepiluh tong ha' pohoo' néh tengéé' éh jam tong ha' Yunani awah, tengéé' kenin, uban irah Yahudi éh jam ha' Yunani awah, bara' irah Yahudi éh jah nah, hun réh petulat rigit siget dau, bé' réh mena' ineu'-ineu' ngan irah redo baleu' éh jam ha' Yunani.

SURAT PAULUS NGAN SIDANG RUM 12:18

Jian keh pekalai mu'un murip ngan pawah kenin belah kekat kelunan béé.

SURAT PAULUS NGAN SIDANG RUM 14:1

Jian keh alaa' kelunan éh kurang dalem pengelan néh ngan jian saa' belah keh. Bang mai keh pesakat ngan néh tong ineu'-ineu' éh seneruh réh.

SURAT PAULUS NGAN SIDANG RUM 16:17

O kekat padéé' ké' akeu' nyohoo' ka'ah jian keh mavaa' dai pu'un kelunan tuai mihin tebaraa' éh petawang kelunan ngan pepetat réh jin pengelan réh tong Tuhan, éh bara' jah ha' tebaraa' éh tengéé' jin éh benara' ké' ngan keh rai. Jian ka'ah ngelepat jin irah.

1 KORINTUS 10:10

Mai lu' pané selem barei' jelua' irah inah éh penatai meliket.

2 KORINTUS 12:20

Tusah kenin ké' dai hun ké' angai da' barang bé' péh keh barei' éh keneloo' ké', kenat péh barang akeu' bé' pu'un barei' éh keneloo' ka'ah nah. Medai ku' dai hun ké' angai, pu'un irah pepaneu' pekeleko pekerek, seruh usah réh tengéé', ngesa'at ngaran kelunan ngan nebok, bau kenin ngan keloo' ngasau.

GALATIA 5:15

Bang hun ka'ah barei' barék ka'an awah, pu'un keh barei' nyuhat ngan ngesakit saa' belah ka'ah ke', mavaa' keh dai keh pu'un ngebéé ketem lo'ong ka'ah ke'.

GALATIA 5:26

Mai lu' bau kenin, mai lu' maneu' ineu'-ineu' éh omok ngesakit kenin kelunan éh jah, ngan mai lu' ngeleko jah usah ngan jah usah.

PILIPI 2:3

Mai keh maneu' ineu'-ineu' uban keh juk ngepayoo' kenin keh tengéé', ngan uban keh juk ngajung usah keh tengéé', bang jian keh diva' kenin ngan ngerera' belah ka'ah ke', mai keh bau kenin ngan seruh usah ko' pelapah jian jin irah éh jah.

1 TESALONIKA 5:13

Jian ka'ah ngajung ngan pika irah uban kereja' réh kenat. Jian ka'ah pawah kenin belah ka'ah ke'.

1 TESALONIKA 5:15

Mai pu'un jah usah péh nyulei' kesa'at ngan kesa'at, bang jian keh ngelayau pekua' maneu' jian ngan nolong kekat kelunan.

IBRANI 12:14

Mekat keh pitah jalan dokoo' keh omok murip ngan pawah kenin belah kekat kelunan. Kenat péh jian keh mekat pitah dokoo' kekat barék keh pu'un ni'ai, uban bé' pu'un séé'-séé' péh éh omok na'at Tuhan hun néh bé' pu'un ni'ai.

YAKUB 1:20

Uban kelunan éh merek bé' éh omok maneu' ineu' éh jian, éh omok pesenang kenin Allah.

YAKUB 3:14

Bang hun keh sakit kenin ngan seruh tong usah keh tengéé', mai keh ngelapah tong ha' tebaraa' éh teneng jin Allah ngan bau kenin seruh keh pu'un pengejam.

YAKUB 5:9

O kekat padéé' ké' mai ka'ah pané selem ngesa'at jah usah ngan jah usah, dai Allah petuneng keh. Iah éh petuneng nah danii' juk tuai mu'un.

1 PÉTERUS 3:11

Jian iah piso jin kekat éh sa'at ke' néh maneu' jian kepéh. Jian iah mekat pitah jalan ke' néh omok alaa' pengepawah.

1 PÉTERUS 4:9

Jian ka'ah alaa' kelunan éh nyakai tong lamin keh ngan jian kenin, mai keh leko alaa' réh.

YUDAS 1:16

Kekat irah inah ngelayau selem-selem pané ngan pesala' kelunan éh jah. Irah kivu pengagat usah réh éh Sa'at, irah ngajung usah réh tengéé' ngan ngajung kelunan éh jah ke' réh omok alaa' utung.